رواية زوجة اخى الفصل 14بقلم سهام صادق

ودون شعور منها وجدت نفسها تمسك يده بقوه قائله انا فرحانه اوي اني مراتك ياشريف
فلتف اليها شريف بحنان وهو لا يصدق بأن زوجته أصبحت تتحرر من خجلها وتتعامل معه بتلك الطيبه والنقاء .. فأبتسم اليها بحب وأحتضنها بين ذراعيه هامسا بمشاغبه فقد أشتاق ان يري ارتباكها وخجلها 
شريف بخبث مش ناويه تلبسي من الهدوم اللي جبناها يازهره 
وعندما وجدها تفلت جسدها من بين ذراعيه .. حررها برفق ليري ارتباكها .. فغمز اليها بطرف أعينه قائلا ده انا زي جوزك حتي يازهره 
لتقف زهره سريعا وهي لا تصدق بأنه يتحول سريعا من رجل هادئ .. لرجلا مشاكس .. ولكن كل مابه اصبح يجعلها تجن 
فضحك بقوه وهو يراها تركض نحو غرفتها قائلا اهربي اهربي يازهره ..
................................................................... 
اما هي جلست علي فراشها تستمع الي دقات قلبها الهائج كأمواج البحر لتبتسم بسعاده لما يحدث معها 
فيرن هاتفها فجأه فتنظر الي المتصل دون تصديق .. فصديقتها بئر اسرارها تهاتفها 
فهتفت بسعاده اهلا بصديقتي الندله
ليأتيها صوت ريم قائله بعتاب ندله مين .. ده انتي اللي ندله من ساعه ماسافرتي مع جوزك نستيني 
فوجدت زهره نفسها تخبرها بسعاده انا مبسوطه اوي ياريم شريف طيب وحنين اووي .. 
فتمتمت ريم بسعاده ربنا يسعدك يازهره ياحببتي مش قولتلك ربنا هيعوضك خير.. 
وفجأه صاحت ريم بصوت قوي قائله رصيدي خلاص ضاع انا كان مالي ومال الدولي 
فضحكت زهره علي صديقتها .. حتي تابعت ريم قائله بت يازهره ادخلي علي الفيس بقي .. انتي من ساعه 
وكادت ان تكمل عباراتها صمتت قائله مش عايزه افكرك باللي فات .. بس انتي خلاص بدأتي حياه جديده .. وانا بيتي كده هيتخرب من الاتصال الدولي ده 
فضحكت زهره علي مزاح صديقتها رغم انه ذكرها بمأساتها مع هشام الا انها نفضت كل ذكري لها معه سريعا قائله طب اقفلي وانا هتصل بيكي ياستي ..
فهتفت صديقتها بمزاح قائله طبعا لازم انتي تتصلي مش بقيتي مرات واحد غني 
لتضحك زهره قائله بصدق عايزاني اخرب بيت جوزي حبيبي 
فيدخل شريف في تلك اللحظه وصدي عباراتها مازال عالقا بذهنه فتصمرت زهره للحظات ولكن سريعا ماأدركت وجود صديقتها علي الهاتف 
لتخبرها ريم انا هقفل بقي يازهره كفايه عليكي كده 
وعندما وجدت ريم قد اغلقت الخط ارتبكت من وجوده قائله ديه ريم
فحرك شريف رأسه بتفهم ليضحك طب مالك بتقوليها وانتي مرتبكه كده 
واقترب منها قائلا بدفئ ريم ديه اقرب صديقه ليكي مش كده
لتبتسم اليه زهره بهدوء اه وبعتبرها زي جميله ويمكن اكتر كمان 
فتأمل شريف نظراتها التي حزنت عندما تذكرت صديقتها وضمھا اليه قائلا بحنان معلش ياحببتي انا عارف اني اخدتك من اهلك وصحابك 
فشعرت بلمسات ايديه الدافئه علي ظهرها وهمست بصوت لم يصل اليه انا بحبك اووي ياشريف
...................................................................
جلس حازم بجانب خالته قائلا بجمود خير ياخالتي في حاجه كنتي عايزاها