رواية دعنى احطم غرورك الفصل 70 بقلم منال سالم
ده على اساس ان العريس جاي من موزبيق ماهو المتنيل ياسين وأنا أقول مين يجي ومين مايجيش !!!!
ياسين ساخرا الله يكرمك دايما مشرفني .. بس عدم اللا مؤاخذة دي ليلتي
جانا وعز معا بحدة اسكت !!!
ياسين بخفوت حاضر
تبادل كلا من عز الدين وجانا نظرات التحدي الممزوجة بالعند و...
جانا بتحدي هتيجي يا عمورة صح
عمر بغرور طالما ده يريحك هاجي
عز بنبرة عنيدة وهو يجز على أسنانه مش هيجي
جانا بإصرار أه يريحني يا عمورة
رمق عمر عز الدين بنظرات أكثر تحدي و..
عمر بغرور شديد ونبرة جادة بالعند في الكابتن ده .. جاي !!!
عز متوعدا هيبقى أخر يوم في عمرك
!
تملكت العصبية من جانا واغتاظت من ثقة عز الدين الزائدة في نفسه وتحديه لها بدون أن تهتز أي عضلة من وجهه و...
جانا بزمجرة غاضبة انت فاكر نفسك مين عشان تتحكم في غيرك
عمر بهدوء مستفز سيبك منه أنا جاي
عز بتحدي هنشوف يا جانا
احتدم الجدال بين ثلاثتهم فرفع ياسين كلتا يديه عاليا في الهواء و....
ياسين بضيق أبوس ايدكم كفاية بقى انا مش عاوز حد يجي الفرح إلا المأذون .. ارتاحوا بقى الجوازة مش ناقصة عطلة أكتر من كده !!!!!
عمر ببرود مبروك يا عريس ومتقلقش هتعدي
عز بنبرة ممتعضة وهو يرفع أحد حاجبيه في استنكار هو صاحبك عشان تباركله !!!
زفر ياسين في انزعاج ثم أشار لهما مجددا و...
ياسين يالا آعز .. يالا يا أخ عامر
عمر على مضض اسمي عمر !!
وضع عمر كلا يديه على ظهري عز الدين وعمر ثم دفعهما بقوة إلى الأمام و.....
ياسين بنبرة ضائقة مفرقتش امشوا بقى عم حسين زمانته جاي وهيطبق في زومارة رقبتي وده أصلا بيتلكك على الجوازة ..............................
وبعد أن دلف الجميع إلى خارج الغرفة جلست دينا على طرف الفراش وحدقت في جانا بنظرات معاتبة و....
دينا بنبرة جادة جوجو اللي بتعمليه ده أوفر !
في نفس اللحظة فتح عز الدين الباب مجددا وأطل برأسه من باب الغرفة و....
عز مبتسما في ثقة زائدة قوليلها والنبي آدينا
جزت جانا على أسنانها و....
جانا وهي تشير بإصبعها بحدة برررره
عز بنظرات متوعدة ونبرة جدية ليكي يوم ... وهو قرب
بحثت جانا بعينيها عن أي شيء حولها لتمسكه وتقذف به عز الدين فلم تجد إلا كوبا بلاستيكيا موضوعا على الطاولة المجاورة لفراشها فمدت يدها وأمسكت به ثم ألقته پغضب في اتجاهه و...
جانا بنبرة حادة اطلع برررره ..!!!!!
عز بتحدي ونظرات متوعدة طالع .. بس راجعلك تاني !
أغلق عز الدين الباب خلفه بهدوء في حين ظلت جانا تهز جسدها بعصبية وهي جالسة على الفراش وعقدت ساعديها أمام صدرها و...
جانا بنظرات حانقة شايفة عمايله
دينا مبتسمة في رقة هو لسه بيحبك
جانا پغضب وأنا بكرهه .. !!!
دينا غامزة عليا برضوه
جانا وهي تزفر في ضيق يوووه
.................................
في مكتب الحسابات الملحق بالمشفى
توجه حسين إلى ذلك المكتب لكي يدفع فاتورة المشفى ولكنه تفاجيء بأن عز الدين قد دفع الفاتورة مسبقا و...
حسين بدهشة دفعها !!! ماشي شكرا
دلف حسين خارج مكتب الحسابات وهو ممسك بهاتفه المحمول ثم اتصل هاتفيا بيوسف وسرد له على عجالة ما حدث وما عرفه من جانا فاعترى وجهه الدهشة الممزوجة بالصدمة و.....
يوسف هاتفيا باستغراب كل ده حصل وجانا مقالتش عنه
حسين هاتفيا بضيق ملحوظ ده يدوب بتحيكلي بالصدفة النهاردة
يوسف بجدية معنى كده ان الواد حازم ده مش ناوي يسيب جانا في حالها
حسين بتوتر شبه ملموس ايوه وده قلقني عليها اوي
يوسف بجدية أكثر يبقى لازم نعجل بالجزء الجديد من الخطة
حسين متسائلا في
حيرة طب ازاي وامتى
ركز يوسف بصره في نقطة ما بالفراغ أمامه و.....
يوسف بصرامة في يوم كتب الكتاب
حسين متسائلا بفضول بس ده هيحصل ازاي
يوسف بهدوء حذر أنا هاقولك بص ................................................ !!!!
..................................................................................................................... يتبع
منتظرة رأيكم وتوقعاتكم في التعليقات ومتنسوش لأيك بعد القراءة عشان تشجعوني أكمل نشر الروايات تفاعلكم هو اللي بيشجعني اكمل
