رواية نور عينى الفصل 34-35الاخير بقلم بسمله بدوى

ولو برضو 
عمار ابتسم بحزن ولسا هينسحب بهدوء نوران ندهت عليه..... عمار حبيبي
سليم جز على سنانه ونور لاحظت ده ومسكت ايده تهديه 
الجد بهدوء..... انتي تعرفيه منين يا نوران
نوران وعيونها بتلمع بحب..... في المستشفى انا دكتورته... عمار انت رايح فين
عمار بابتسامه حزينه..... مهمتي خلصت خلاص انتي بقيتي مع عيلتك 
نوران بحب..... وانت كمان من ضمنهم 
سليم ببرود..... مش هتمشي الا اما تقول ايه حكايه قتل زيزي دي 
عمار خبط بايده على راسه.....اااها افتكرت معلش نسيت خالص و
سليم بعصبيه خفيفه.... اخلص 
عمار بهدوء..... انت فعلا ماقتلتش زيزي عشان هي فعلا مېته قبل ما تروح لها وقبل ما انا اروح لها كمان
سليم بترقب مخيف..... وانت عرفت منين
عمار بهدوء.... الممرضه لقيتها بټبتزني وعايزه فلوس عشان تسكت ... انا اصلا مجتش جنبها انا دخلت الاوضه بعد ما زيزي اتصلت بيا علطول عايزه تشوفني وتقولي انها ندمت وعايزه تعترف ليا على حاجه اول ما دخلت الاوضه كان النور مقفول جيت امشي لقيت خيال وببص لقيتها قاعده على الكنبه بس الضوء بتاع الاوضه كان ضعيف شويه وبتقيت بكلمها مابتردش لسا بروح لها وبمد ايدي لقيتها مقتوله والممرضه دخلت في نفس الوقت وبس 
سليم ف نفسه..... ياااولاد الدا نفس الي حصل معايا .
عمار.. تاني يوم روحت اشوف الممرضه او افهم اي حاجه من الي حصلت لقيتها بتتكلم في الفون وبتقول... كل حاجه تمام والخطه ماشيه تمام وسليم باشا وعمار باشا اكلوا الطعم دخلت ووجهتها وقبل ما تتكلم كان في حد ضربها پالنار وماټت والكاميرات تثبت دا ... انا ندمان ياسليم على كل الي فات وحقيقي انا كنت مغفل اوي بس بجد اتغيرت وكله بفضل نوران حبيبتي... وبالمناسبه دي حابب اطلب ايدها 
نوران اتكسفت وخبت وشها في حضڼ مامتها وكله ضحك ماعدا سليم.... يالله يا جماعه... ما عندناش بنات للجواز ياعمار واخد نور ومشا ووراه عيلته 
نوران بصتله بحزن ولسا هتتكلم.... قاطعها بحب.... هفضل احاول يانوران انتي ليا وانا ليكي ومش هسيبك لو ايه حصل يالا روحي مع عيلتك وبليل انا هاجي تاني اتقدم رسمي 
هزت راسها بفرحه ومشيت
تسريع الاحداث وصلوا القصر.. سليم طلع على الجناح على طول بس قبل ما يطلع وجهه كلامه لنور.... نور ورايا 
نور استأنت ولسا هتطلع قاطعتها ساره وهي بتنده عليها..... نور
نور بطيبه.... نعم ياماما 
ساره بخجل...... ماما لسا بتعتبريني مامتك يانور 
نور بطيبه...... طبعا انا مش هنكر اني زعلت من الي حصل بس اهو حصل خلاص اهم حاجه انك عرفتي غلطك 
ساره بدموع وحب اموي...... انا مش عاارفه انا ازاي عملت حاجه زي دي كنت هندم عليها العمر كله كنت هخسر جوهره زيك يانور... سامحيني يا بنتي 
نور بابتسامة وهي بتمسح لها دموعها بحنان.... مسامحاكي يا ماما 
نووووووووووور
نور بمرح...... هطلع اشوف دراكولا الي فوق دا ماله وطلعت جري