رواية راهنت عليك الفصل 9-10 بقلم عبير فاروق

وطبطب على كتفه بس قولي اللي كنت معاها حلوه وعيونها ملونه زي كل مره ولا المره دي فلتت منك...
اسر ضحك جامد
لا يا سيدي المره دي غير كل مره محضر لك حاجه مهمه هتفرحك قوي بس ما تلحش عليا دلوقتي وتسأل عشان مش هاقول أي حاجه إلا في وقتها ياحلو.
خليك ورأى الكداب لما نشوف.
___________________________
طول الليل وهدهد قاعده مع ملك بعد ما ملك ادتها بيجامة من عندها بانت أنوثتها بس لسه ربطه رأسها بالشال زي ما وتعودت اتصاحبت عليها وفتحت لها قلبها لقيت ملك دي بنت بريئه جميله طفله بمعنى أصح طفله لابسه توب شابه ونفس الكلام ملك حبيت هدهد اوى حبت جمالها الداخلي حبت كفاحها في الحياة اشفقت عليها وعلى حكايتها فتحت قلبها وحكيت لها على كل حاجه حتى دياب والضغطة عليها والمؤامره اللي اتعملت ليها.
ملك ماحست بنفسها دموعها نزلت و اڼهارت من العياط على هدهد وحكايتها ووسط الهستيريا اللي هي كانت فيها وهدهد مش عارفه توقفها شدت الباروكه من على شعرها وقعتها ونزل شعرها زي الحرير سلاسل ذهب هدهد أول ما شفتها تنحت ما بقتش عارفه هي مين بيودي على فين مش انتي اللي قدامي مش انتي اللي بقالي ساعتين ثلاثه عماله ارغي معها !!
فاقت من غفلتها بتبص على هدهد لقيتها مبحلقه قدامهم مصدومه ولا بتنطق ولا بتتكلم بتهزها هدهد سالت
انتي مين !
ملك شافت الباروكه بتاعتها مرميه قدامها اتفاجئت بس خلاص ما فيش مفر من الكذب تاني لازم تقولي الحقيقه لهدهد عشان شافت بعينيها كل حاجه هي كانت هتقول لها بس متخيلتش من اولها بالسرعه دي مسكت ايد هدهد.
اهدي أنا افهمك على كل حاجه حكايتي ابتدت من اربع سنين كنت في الجامعه بتفرج على المجلات شفت صوره اسر في مجله منهم مع المطرب المشهور امر سلامه آسر خطڤ قلبي من أول نظره حبيته كنت بحلم به بقى فتى احلامي اللي عايشه أفكر فيه كتير اسهر وياه بخيالي وأنا لوحدي كان عندي فراغ كبير بابا وماما ماتوا وعايشه لوحدي ليل نهار وأصحابي يتعدوا على صوابع ايدي وساعات بتخيل وهو قاعد معايا بيكلمني كنت بشوف اخباره على فيسبوك انستغرام صوره مع البنات مش هاقول لك كنت بغير كتير قوي عليه كنت ممكن أكسر اوضتي دي عشان شوفته متصور مع واحده حلوه كل ده وأنا بعيد وهو ولايعرف عني حاجه ولا يشوفني كنت بلف وراه كل الحفلات وادور عليه عشان اشوفه face to face أول ما تخرجت عرفت ان شركاتهم محتاجه موظفات ولفت نظري إعلان خاص مطلوب سكرتارية لمكتب آسر فرحت جدا أخيرا ممكن أكون معاه وكل يوم أكلمه يكلمني يحس بيا ويحبني زي ما بحبه أخدت Cv وبكل حماس رحت أقدم السكرتارية ماقولكيش مصورة بنات واڼفجرت عنده وكل بنت احلي من التانيه و واحدة ورأى واحدة تدخل وتطلع مطروده فرحت أن فرصتي بتزيد والبنات بتقل كان في موظفة اتصاحبت عليها ودردشنا شويه عرفت منها أن ال بيختار في الانترفيو مش آسر طلع باباه سالم خطاببيختارهم بمواصفات خاصه ولا حسب تقديرتهم ولا ثقافتهم ولا بالخبره حتى.
هدهد بفضول
آمال بيختار بايه !
درجة الجمال 0.
وده ليه بقى ان شاء الله !!
ملك بغل
سألت نفس سؤالك ده ويارتني ما سألت قالت انه سالم بيه دخل على ابنه آسر المكتب ظبطه في وضع مخل مع السكرتيرة القديمة پهدلة الدنيا وقاله المسخرة دي تعملها