رواية زهره لا تدبل الفصل الثالث والرابع والخامس والسادس بقلم امانى سيد

محتاجه اجازه اقعد فيها مع نفسى واراجع القديم واول حاجه لازم اقعد مع حسن واعتذرله ومش بس كده حتى لو سامحنى وقبل أنى اعيش معاه تانى انا هرفض اعدى الفتره دى بس عشان الامتحانات وبعدها هتشوفى واحده تانيه 
ولو رأفت واحمد جولك هتسامحيهم 
لا مش هسامحهم طول عمرى بسمع عن عقوق الوالدين لكن مكنتش أتخيل أن ممكن ابنى اللى من دمى وحملت فيه ٩ شهور هيعمل معايا كده 
هنشوف يا زهره 

فى الجهه الاخرى عند رأفت وابنه 
كان عيد ميلاد حلو أوى امبارح 
شوفت سعاد كانت حلوه إزاى 
بنتها أحلى 
لجل الورد يتسقى العليق 
بابا كنت عايز ٢٠٠ جنيه 
ليه 
درس العربى 
مش معايا انا كل فلوسى راحت على العيد ميلاد استنى بقى كام يوم اكون قبضت واديك فلوس الدروس .
طيب واللى هيفوتنى ده اعمل فيه ايه 
خده من أى حد زاكره 
وأثناء حديثهم أتصلت عليه سعاد وترك رأفت ابنه وذهب لغرفته ليجيب عليها 
ازيك يا روح رأفت 
وحشتنى اوى 
وانتى كمان انا طلقت خلاص زهره وسابت البيت ومشيت 
اوعى يكون بسببى هزعل أوى احنا ولايا برضوا 
لا طبعا يا حبيبتي إحنا كده كده منا هنطلق 
إذا كان كده خلاص وضب بقى الشقه وانا احيب العفش بتاعى الجديد وانت تغير شويه من العفش بتاعك ونقعد فيها
تعالى واشرى بس واللى عايزاه اعتبريه تم 
خلاص بكره ابقى اجى ابص عليها كده 
بقولك كنت عايزه طلب صغنن كده
قولى يا روحى 
عايزه ٥٠٠ ج انت عارف احنا اخر الشهر والبت محتاجه دروس والبيت بقى فاضى فعايزه قرشين امشى نفسى بيهم 
طيب ادينى ساعه كده هجيلك واجبلك الفلوس واللى محتاجاه 
تسلملي يا حبيبي مستنياك 
خرج رأفت من المنزل ليسحب فلوس ويعطيها لسعاد فوجد ابنه امامه 
رايح فين يا بابا 
انت هتحاسبنى ولا ايه عندى درس تحب اخدك معايا 
لا بس انا جعان 
شوف ايه فى التلاجه واعمل أكل على ما اجى امك هتلاقيها كانت ساؤبه تكل جاهز على السوا دور كده انت بقيت شحط مش عيل هأكله ثم تركه وذهب لسعاد ليعطيها ما تريد 

عند زهره ظلت جالسه منتظره عوده اخيها حتى تتحدث معه 
هل اخوها هيساعدها 
هل هتقدر ترجع حقها من جوزها وابنها 
الفصل الرابع زهرة لا تدبل 
فى منزل حسن ظلت زهره جالسه منتظره اخيها لتتحدث معه وصل اخيها وفتح الباب وعندما سمعت زهره صوت المفتاح ذهبت إليه مسرعه 
حسن 
نظر لها حسن بضيق 
انتى لسه هنا 
يعنى وفاء مقالتلكش
انتى عايزة ايه
عايزاك تسامحنى كان على عينى اللى عملته زمان لما اختارت رأفت وفضلته عليك كنت فاكره انى بكده بحافظ على بيتى وجوزى ومبتقلش عليك قولت لنفسى يمكن لما اشتريه يشترينى ويتقى ربنا فيا وبعدها ارجع اصالحك انا وهو 
واشتراكى يا زهره بلاش طيب رجعتيلى طيبتى خاطرى
صمتت زهره فعندما تخلت عن اخيها انتهز رأفت تلك الفرصة وأصبحت لعبه فى يده
انا اسفه مكنش ليه عين اجيلك بعد ما ضيعت كل حاجه حتى كرامتي بس ملاقتش غيرك بعد ربنا الجأله شوف يرضيك إيه وانا هعمله أى حاجة تقولها هنفذها بس ترضى عنى 
ترجعى حقك ولواحدك وترجعى زهره القديمه وقتها بس هسامحك واخدك فى حضنى غير كده تنسى إن ليكى اخ واه استنى ليكى كام حاجه عندى خديها عشان مايبقاش ليكى عندى حاجه تانيه 
دخل حسن غرفته وعاد منها واعطى زهره ظرف به بعض الأوراق 
ايه ده 
القايمه بتاعتك وشهاداتك وشويه ورق يخصك 
نظرت زهره لتلك الاواق بدهشة 
هل مازال اخيها محتفظ بتلك الاوراق ! فهى ظنت أن تلك الأوراق قد ضاعت هل يمكن الآن ان تسترد حقوقها 
نظرت لتلك القايمه التى مضى عليها رأفت فيما سبق وتأكدت من امضاءه على الورق الذى يثبت حقها 
وتذكرت يوم عقد قرانها واصرار اخيها وابيها على أن يمضي رأفت على ذلك الورق ومعارضته امه فى البداية وعندما كاد الزفاف أن يتدمر وافق رأفت على امضائها على مضدد
نظرت مره اخرى لاخيها نظرات امتنان ممزوجه بأسف وشكر لا تعلم هل هو يحاول مساعدتها دون أن تشعر أم فعل ذلك دون قصد وكيف يفعل ذلك دون قصد وهو محتفظ بتلك الاوراق التى تضمن حقها كل هذه الفترة 
فى اليوم التالى بدأت تشعر بتحسن فالاول مره تنام بعمق دون تعب نفسى وبدنى
فى اليوم التالى ذهبت زهره للمدرسة وشرعت في عملها كما تفعل 
وبعدها لتلك الأسرة التى اعطتها حنان رقمهم 
استقبلتها مدام غزل وبدأت تتعرف عليها 
ازيك يا ميس عامله ايه 
الحمد لله ازي حضرتك 
بخير الحمدلله بصى يا ميس انا حبيت الأول اتكلم معاكى عن اولادى إحنا كنا بنسافر كتير باباهم دكتور تجميل اشتغل فى كذا دولة والحمد لله أخيرا استقرينا فى بلدنا بس للاسف الاولاد مستواهم فى العربى سئ جدا وده سببه إن اوقات كنا بنسافر دول مابتتكلمش عربى اصلا الكبير فى تالته ابتدائي والصغير ١ 
ماتقلقيش انا هعملهم الاول تقييم مستوى عشان اعرف ابدأ معاهم منين وبإذن الله خير
طيب انا هكون محتاجه منك تجيلى اكتر من يوم فى الأسبوع لانك هتديهم الدرس وتراجعى معاهم الواجبات والتقييمات أنا للأسف بشتغل ومش بقعد معاهم كتير عشان كده معرفش مستواهم والمرتب اللى تحدديه اعتبريه جاهز 
مش مساله فلوس خالص بصى طول فترة الاجازة مافيش مشكله لانى الطلبة بتوعى بيكونوا أجازه انما وقت المدارس ممكن اظبط معاكى ايام معينه نتفق عليها وماتقلقيش خالص على مستواهم انا هتابعهم بإذن الله ولو واجهت صعوبات معاهم هبلغك نحلها سوا إزاى 
تمام يبقى كده اتفقنا انا نسيت اعرفك على نفسى انا غزل عزيز محاميه 
أهلا بحضرتك يا استاذه غزل ممكن تبعتى الاولاد عشان اتعرف عليهم ونبدأ 
بالفعل قابلت زهره الاولاد 
فى البداية لم يتقبلها الاولاد وبعد مرور بضع من الوقت بدؤا يتفاعلوا معاها 
وفى غرفة اخرى كانت غزل تراقبها وتتابع تقبل أولادها لها وكيف استطاعت زهره بسهولة جذب انتباه اولادها لها 
ظلت معهم زهره بضع ساعات وخلال ذلك الوقت كانت غزل تراقبها بين الحين والآخر 
انتهى الدرس وقابلت زهره غزل مره اخرى 
وظلت تشرح لها ما اخذه الاولاد والواجبات التى اعطتها لابنائها 
تمام يا ميس متشكره جدا لحضرتك 
استاذه غزل ممكن أسأل حضرتك على حاجه 
اتفضلى 
انا جوزى طلقنى والمفروض إنه هيبعتلى ورقه طلاقى على المدرسة بس مش هنا المشكلة المشكلة أنه طردنى من البيت واخد كل حاجتى ورث بابا اخده وصرفه والدهب بتاعى باعه وفى الاخر طردنى عشان يتجوز فى الشقه واخد حضانه