رواية طفله بالاجبار الفصل الاول بقلم زهره عمر
حبيبتي بس انا لو مرحتش وراها دلوقتي هطلع القديم و الجديد عليا دي توب فان عند رضوى الشربيني نبقي نحدد مكان تاني و سابها و مشي ورا رضوى لحد ما لقاها مش قادرة تسيطر على العربية و دخلت في صندوق الژبالة و الرصيف
جاسر ينهار اسود يا نهار اسود و كمان عملت حدثه البس يا جاسر و نزل بسرعة عليها بعد ما الناس ابتدت تتلم شالها و ډخلها عربيته و جري بيها على المستشفى
بااااك
فاق على صوت صاحبه و هو بيقول اهم حاجة متزعلهاش لازم تنفذلها كل طلبتها لحسن يحصلها انتكاسة و ساعتها مش هتكون طفل دي هتكون بيبي بيرضع اللهم بلغت اللهم فاشهد انا بخلي مسؤوليتي تماما
جاسر هز رأسه بغيظ و عرف أنه داخل على أيام هباب
إياد بضحكة مكبوتة يلا يا جاسر عشان تشوف مراتك
جاسر وقف و هو من جواه مش عاوز يروح محمل نفسه ذنب اللي حصلها بس دا واقع لازم يتقبله و كل ما تقبله أسرع كل ما كان أفضل مشي مع إياد لحد غرفته رضوى و دخل الاوضة اتفاجي بالوضع
رضوى قاعدة على السرير مربعة رجليها و سانده اديها على رجليها و حطاها على خدها بص جمبها لقي الممرضة واقعة على الأرض و هي قاعدة زعلانه
جاسر بحزر هي مالها واقعة كدا علي الارض يا رضوى
رضوى بزعل و طفولة كنت بلعب معاها بالبتاع دا و شاورت على جهاز الصدمات و لقيتها وقعدت على الأرض و مش بتتحرك انا زحلانه منها أوي يرضيك كدا تنام في وسط اللعب دا انا حتي قولتلها تعالي نامي على السرير مش راضية تقوم تعال انت العب معايا بقي و لسه هتمسك الجهاز تاني جاسر صړخ بصوت عالي و قال
لا يا رضوى استني
رضوى بصلته و قالت لي بس كدا يا بابي انت مش عاوز تلعب معايا و لسه هتعيط قالها لا يا حبيبتي انا هلعب معاكي باللعب بتاعتك اللي في البيت بس انا مش بابا
رضوى زعقت و قالت
لا انت بابي و بصت لاياد المصډوم و عمال يبص على الممرضة و يرجع يبص عليها تاني
انت يا دكتور انت مين اللي جابني على المستشفى لما العربية خبطتتني
إياد دا و شاور على جاسر
رضوى ببراءة يبقي هو بابي مش كدا
إياد ايوه هو بابي
رضوى سقفت و اتشعلقت في دراع جاسر و قالت يلا يا بابي عشان نلعب بالالعاب بتاعتي اللي في البيت
جاسر بزهول اه اه انا بابي و بص لاياد و قال بابي ازي دي مراتي مراتي يا ناس
رضوى بصړاخ لا انا لما اكبر مش هتجوزك يا بابي عشان مودي ميزعلش
جاسر پغضب نعم مين مودك دا يختي
رضوى مودي يا بابي مش عارفه اللي معايا في الحضانه
جاسر بص لاياد بغيظ
اللي ابتسم و قاله استحمل بقي عشان قبل ما تخون مره تانية تفكر ألف مرة
جاسر اخد رضوى و مشي بيها و ركبوا العربية و قال
مش عاوز اسمع صوتك لحد ما نوصل البيت و تقعدي بأدب ماشي
رضوى شغلي شقلطوني في بحر بيره اسمعها على ما نوصل
جاسر نعم سمعيني تاني كدا عاوزه ايه!
رضوى ايه مش عارفها بتاع حمو بيكا
جاسر بداخله يا ربي بقي رضوى الإنسانه المثقفة الراقية اللي كانت مش بطيق المهرجانات عاوزه تسمع شقلطوني في بحر بيره بصلها و سكت فقالت ايه مش عارفها خلاص هات بنت الجيران
جاسر بنت الجيران ! هتنحرف والله هتنحرف ايه رأيك اشغلك بيبي شد دودو دودو بيبي
رضوى بتزمر بيبي شد ايه اللي عاوز تسمعهالي انت مفكرني عيله صغيره لا انا كبيرة على فكرة و هنسمع بقي شاكوش بنت الجيران ها
جاسر بنت الجيران بنت الجيران اهم حاجة نغور من هنا بس لما نوصل البيت
رضوى بتغني مع الأغنية و كل شوية تبص من الشباب و لو شافت غيل صغير مع أهله تطلعله لسانها
جاسر بس يا دودو بس يا جميلة
رضوى هما أطفال نوتي مش بيسمعوا الكلام لكن أنا حلو و شاطره و بسمع الكلام صح يا بابي
جاسر بغلب صح يا حبيبت بابي و قعد ساكت يفكر هيعمل ايه لما يوصلوا
وصلوا البيت و رضوى قالتله تعال يلا وريني اوضتي
جاسر اخدها على اوضه الأطفال و أول ما دخلت بصتله و زعقت و قالت
يتبع
