رواية عشق فى قلب صعيدي الفصل الحادى عشر بقلم أسماء السيد

بمرح صحي النوم ساعه بخبط ياست تاليا
تاليا انا اسفه بس كنت في الحمام 
رامي مش مشكله انتي مكلتيش ليه بقا.. تاليا حطت وشها في الارض بكسوف. 
تاليا ماليش نفس يا استاذ رامي
رامي بلاش استاذ دي خليها رامي وانا وصيت سعيده وهيا هطلعلك اكل انا عارف انك مېته من الجوع بس مكسوفه عادي ياستي البيت بيتك ... وتاليا بصتله پصدمه انه ازاي عرف انها مېته من الجوع
تاليا شكرا يا رامي علي مساعدتك ليا 
رامي ياستي ولا يهمك عن اذنك انا هروح انا انا بقا سلام
انا اوضتي الي جمبك دي لو احتجتي اي حاجه خبطي عليا 
تاليا تمام يارامي متشكره... وسابها رامي ودخل اوضته
وسعيده طلعت الاكل ودخلته لتاليا وهيا فرحت جدا وشغلت فيلم وقعدت تاكل بجوع شديد لحد ماشبعت وقامت قفلت النور ونامت
تاني يوم الصبح صحي سليم وعشق وفطرو ولبسو وطلعو علي المطار واتجهو لمصر وطول الطريق عشق نايمه في حضڼ سليم وبعدين وصلو مصر وركبو العربيه وطلعو علي الصعيد. في قصر القناوي علي الغدا وكانت عيله الجبالي هناك معزومين ودنيا حبت تاليا جدا وهيا حبتهم ونزلوها علي الغدا معاهم 
مجدي صحيح يايعقوب اومال عشق وسليم هيجيو امتي الواد ابن الكلب من يوم متجوز وهوا معبرنيش
يعقوب بضحك معلش يا مجدي انا بنتي مش اي حد بردو 
زين دي مجنونه اكيد مصداعه سليم دلوقتي ههههه 
دنيا تب اسكت بقا عشان لو عشق سمعتك هتنفخك
زين ولا تقدر تعمل حاجه دي بوق عيله مجنونه
وفجأه سمع صوت من وراه وكانت عشق وبتقول
عشق والله انا بوق ها
زين عشق حبيبتي ست الناس
الجميع ضحك عليه ... وقامو سلمو عليهم ومنار وكريمه هيولعو 
عشق انتي مين ياسكر
تاليا انا تاليا ضيفه يومين وهمشي
عشق مټخافيش يا حبيبتي هتمشي ليه 
رامي انا خپطها بالعربيه امبارح وهيا من محافظة تانيه فجبتها هنا
عشق بمرح يعني عبيط واحول كمان ... والكل ضحك
سليم بضحك يابنتي اقعدي بقا 
عشق طيب بس متزقش تخيلو مجوعني بقالو شهر مبيأكلنيش...... سليم بصلها پصدمه
سليم يخربيتك انا مكنتش بأكلك دي خربت بيتي علي الدليفري هههه... تب والله كدابه كنتي كلتيني احسن ياست عشق.. بلاش اقول علي يوم البشاميل فاكره..... وهمس لعشق بوسه وحضن واسكت
رامي ايه الي حصل مع البشاميل 
سليم بخبث يوم البشاميل حص.... وفجأه عشق كتمت بوقه
عشق محصلش حاجه دا عادي انتا مالك يارخم 
وقربت علي سليم بهمس... وحيات امك هديك بوسه وحضن بس بلاش فضايح.. وبعدين شالت ايديها
سليم كان تحفه اكلنا وخرجنا ههههه 
كل دا ومنار هتولع من الغل 
زين ايوا يا عم انا عندي خبر حلو مرضيتش اقول غير قدامكم
عشق قول يا عم انجز
زين بفرحه دنيا حامل في تؤام 
عشق بجد يادنيا الف مبروك... وقامت حضنتها والكل باركلهم
منار بغل اخيرا حملتي بعد اربع سنين ... كان زين هيتكلم
عشق سيبلي انا الطالعه دي ووجهت نظرها لمنار .......
والله يا منار علي الاقل اتجوزت وحملت وقلبها ابيض وسكره والكل بيحبها انما الدور والباقي عليكي انتي عندك 26سنه ولسا بايره ومشفتش كلب خبط علي الباب وانتي مستنيه حاجه مش هتاخديها لان بالعربي سليم دا جوزي وملكي انا وبس انما انتي هتفضلي بايره متطلعي كدا برا تشوفيلك عريس ولا حاجه اصلك عنستي ومعملتيش اي حاجه في حياتك غير الصفار والغل انا مش قصدي اشتمك او اهذئك انا بوصفك يامرمر . . والكل مصډوم الرد
منار بغل وحقد قصدك ايه يا عشق علي الاقل انا بنت القناوي