رواية بنت الشارع كاملة بقلم إيه طه
الشيخ صابر كان قاعد لوحده في البيت القديم صوت الراديو واطي وهو بيقلب ف صور بنته اللي ماټت من سنين.
فجأة سمع خبطة على الباب.
اتنهد وقال وهو بيقوم بالعافية
يا ساتر يا رب مين اللى بيخبط ف الوقت ده
فتح الباب لقى طفلة ملفوفة في ملاية صغيرة جدا.
بص حواليه الشارع فاضي.
قال لا حول ولا قوة إلا بالله دي بنت مين دي
نزل على ركبته وشالها الطفلة كانت نايمة بتنهج كأنها مريضة.
الشيخ صابر يا عيني عليكي شكلك جعانة ولا سقعانة يا روحي. مين اللى فى قلبه ملهوش رحمة كدا يرميكي فى وقت زى دا فى الشارع...
دخل بيها البيت حطها على الكنبة.
هاعملك لبن سخن استني يا بنتي.
صوته كان بيرتعش وهو بيكلمها كأنها بترد.
رجع بكوباية اللبن وقال بحنية تعالى يا قمر اشربي شوية عشان تدفي.
الطفلة فتحت عينيها بصعوبة وبصت له عينين بريئة بس مليانة خوف.
ضحك وقال خلاص خلاص مټخافيش يا حلوة اهدي أنا مش هأذيك أنا جدك صابر.
دخلت عليه جارته أم راشد من غير ما تخبط.
ام راشد يا ساتر يارب... ايه دا يا شيخ صابر! إيه اللي ف حضنك ده!
الشيخ صابروعليكم السلام يا ام راشد.... دي بنت لقيتها عند الباب... دفيتها وبشربها لبن..
ام راشد ايه عند الباب! يعني لقيطة يا راجل
صابر استغفر الله العظيم متقوليش كده دي طفلة مالهاش ذنب.
ام راشد الناس مش هتسيبك هيقولوا جابها منين وبيعمل إيه بيها... ومش هتفرق معاهم طفله وليها ذنب ولا لا
صابر وأنا مالي بالناس! أنا لقيتها لوحدها ف المطر أسيبها ټموت يعني ربنا يهديكى ويهديهم يارب..
سكتت أم راشد شوية وبصت له وقالت
طيب وهتعمل إيه
صابرهعمل ايه يعني... هربيها ربنا يمكن بعتها لي تعوضني عن بنتي.
ضحكت بسخرية يا صابر إنت مش شايف نفسك راجل كبير ومقطوع من شجرة... هتربي مين ياراجل...
صابر واذا يعني مقطوع من شجرة يبقى أزرع شجرة جديدة.... ولو على صحه ربنا هيدهالي علشان خاطر البنت دى..
اتنهدت وقالت وهي طالعة ربنا يستر عليك يا خويا الناس لسانها طويل.
قفل الباب بص للطفلة وقال خلاص يا بنتي شكلك هتعيشي معايا من النهارده.
هسميكي رقية عشان ترقي قلبي.
ضحكت الطفلة ضحكة صغيرة حس بيها كأنها بنت من دمه.
قال وهو بيبتسم أهو كده بقى الضحكة دي هتعمر البيت.
مرت سنين والبيت القديم بقى فيه حياة.
رقية كبرت وبقت بنت في أول العشرين شعرها طويل وضحكتها تدي أمل لأي حد يشوفها.
كانت بتحب الشيخ صابر كأنه أبوها فعلا وهو كان شايفها نعمة من ربنا.
لكن الناس كالعادة مايعجبهاش العجب.
في يوم وهي رايحة تجيب طلبات من البقال وقفت أم راشد ومعاها اتنين ستات من الجيران.
قالت واحدة منهم وهي بتبص لرقية من فوق لتحت دي بقت صبية ما شاء الله بس شكلها مش شبه صابر خالص.
التانية ردت هو قال إن دي بنته ما هو لقاها واللي نلاقيه في الشارع يبقى أصله إيه
رقية سمعت الكلام بس مسكت نفسها قالت بهدوء صباح الخير يا خالتي.
ردت أم راشد ببرود صباح النور يا بنت الشيخ صابر. هو الشيخ موجود عايزاه في كلمتين.
رقية لأ راح الجامع. تحبي أبلغه حاجة
ام راشد لا لا خليها بعدين بس قولي له الناس بتسأل كتير أوي عنك.
رقية ابتسمت وقالت والناس مالها بيا اللي خلقني هو اللي هيحاسبني.
مشيت وهي بتحاول تمشي بسرعة بس الكلام كان ۏاجعها.
رجعت البيت الشيخ صابر كان بيصلي.
خلص ولما شافها قال بابتسامة إيه يا بنتي وشك مقلوب كده ليه
رقيه مفيش يا جدي.
صابر لأ في. أنا حافظك اتكلمي..... انتى عارفه مبحبش تخبي عليا حاجه.
سكتت شوية وقالت الناس بتتكلم يا جدي بيقولوا إني مش بنتك وإنك جبتني من الشارع.
ضحك الشيخ صابر وقال بهدوء ما هو ده الصح يا بنتي أنا فعلا لقيتك بس ده مش عيب.... انتى عوض وهديه ربنا ليا يا رقيه..
رفية بس هم بيقولوا كلام وحش. مش بيقولو كدا وانا بزعل بس اسمعهم..
صابر الناس يا رقية لو ما لقوش فيكي عيب هيخترعوه.... مينفعش نقف على كلمه كدا ومحدش هيكسب رضا الناس كلها.... المهم رضا رب العالمين..
رقية يعني اعمل ايه أسكت واسيبهم يجرحوا فيا كدا.... هو ربنا بيرضا بحاجه زي كدا يعني... انا مالي يا جدي هو انا اللى رميت نفسي فى الشارع ادام باب بيتك.
صابر اهدي يا رقيه يا بنتى... أيوه تسكتي سيبيهم يتكلموا الكلمة اللي مش حقيقية عمرها ما تعيش.
قعدت جنبه وقالت أنا نفسي أعرف مين سابني عند بابك يا جدي.
صابر يا بنتي فيه حاجات ربنا بيخبيها رحمة بينا. يمكن لو عرفتي وجعك يبقى أكبر.
رقية بس أنا مش مرتاحة بحس إني غريبة.
صابر لا الغريب اللي معندوش حد وإنتي عندك أنا.
دخل عليهم رمزي ابن أم راشد شاب في آخر العشرين معروف إنه بيساعد في الجمعية الزراعية.
رمزي السلام عليكم يا عم صابر.
صابر وعليكم السلام يا رمزي اتفضل يا ابني.
رمزي لا لا مش هطول بس جاي أقول إن في الجمعية محتاجين متطوعين يساعدوا في محو الأمية.
صابر خير يا ابني ومالنا احنا بمحو الامية دي
رمزي يعني لو رقية حابة تشارك البنات هناك كويسين.
رقية قالت وهي مترددة أنا لا يا رمزي أنا معرفش أتعامل مع ناس كتير.
رمزي بالعكس الناس بتحب اللي بيخدم غيره.... وانتى خدومه وعندك تعاطف وهتعرفي تقدمي كتير للجمعية..
رقيه طب هستأذن جدي الأول.
بص لها الشيخ صابر وقال بابتسامة خفيفة روحي يا بنتي شوفي الدنيا شوية يمكن تغيري رأيك في الناس.
خرج رمزي معاها وهم ماشيين قال الناس بتتكلم كتير أوي عنك يا رقية....
قاطعته رقيه عارفة.
رمزي انا مقصدتش... بس حبيت اقولك أني مش زيهم أنا شايفك بنت طيبة ومؤدبة... واول واحده خطرت فى بالي لما احتاجت مساعده.. انتى معدنك اصيل يا رقية متخليش حد يقنعك بغير كدا..
رقية شكرا يا رمزي بس الكلام مش سهل اوي كدا اوقات بيكسر الواحد من جوه.
رمزي ما تسيبيهمش يكسروا فيكي إنتي مش غلطانة ف حاجة.
سكتت وفضلوا ماشيين على الطريق الترابي والريحة الطين في الهوا.
قالت فجأة رمزي هو إنت عمرك اتظلمت
رمزي يااااه كتير. بس خلاص اتعودت.... لان لما بسيبها لرب العالمين بيرضيني
رقيه طب بتعمل ايه بتسكت
رمزي آه لأني بطلت أشرح للي مش عايز يفهم.... ومحدش له عندي حاجه.... طالما انا برضي ضميري وربي ميفرقش معايا حاجه والناس كدا كدا بتتكلم مهما عملت...
رجعت رقية بعد يوم طويل أول ما دخلت البيت الشيخ صابر كان قاعد بيكح جامد.
رقية پخوف يا جدي! مالك تعالى نروح المستوصف..
صابر بتعب اهدى.. شوية برد يا بنتي مافيش حاجة.
جريت جابت له المية والبطانية.
رفية قولتلك مية مرة ماتقعدش ف البرد كده.... انا مليش غيرك يا جدي...
صابر يا بنتي أنا راجل كبير ماعادش فيا غير النفس... و دى سنه الحياة
رقيه بدموع لا تقولش كده إنت كل دنيتي..... هعمل ايه من غيرك يا جدي..
مسح دموعها بإيده وقال ما تزعليش ربنا كبير.... وهو اللى احسن من الكل واحن من الكل....
رقيه أنا مش زعلانة ولا معترضه يا جدي بس خاېفة.... خاېفه اوي
صابر اسم الله عليكى يابنتى.... خاېفه من إيه
رقية خاېفه من بكرة.... ومن الناس
