رواية بنت الشارع كاملة بقلم إيه طه

هتحتاج حد بس اسمحلي ماينفعش أقرر مكانها هي اللي لازم تختار.
رقية قالت وهي ماسكة إيده يا رمزي أنا مش عارفة أقولك إيه.
رمزي ما تقوليش حاجة دلوقتي خليه بس يخف الأول.
قامت بعد شوية تحضر له شاي رمزي خرج علشان يجيب طلبات.
وهي واقفة في المطبخ دموعها كانت بتنزل ڠصب عنها.
قالت لنفسها بصوت واطي كل ما أفتكر إن ماليش أصل ولا أهل بخاف بس وجوده كان أمان وأنا مش عارفة هعمل إيه بعده.
في نفس الوقت الشيخ صابر كان في الأوضة بيكتب في ورقة صغيرة
اللي يقرأ الورقة دي بعدي يعرف إن رقية بنتي اللي ربتها بقلبي مش دمي بس هي بنتي قدام ربنا واللي هيقف ضدها خصمي يوم الحساب.
حط الورقة في درج الدولاب وقفل بالمفتاح وابتسم بهدوء.
كأنه خلاص ارتاح.
بعد الډفن رقية كانت ماشية ووشها من غير لون ماسكة في طرحتها كأنها بتتسند عليها.
رمزي كان ماشي جنبها ساكت لا قادر يعزيها ولا قادر يعزي نفسه.
أم راشد قربت منها وقالت بهدوء البقية في حياتك يا بنتي ربنا يرحمه كان راجل طيب.
رقية بس هزت راسها ما نطقتش.
الست كملت تعالي عندي شوية لحد ما تهدي البيت فاضي عليكي.
رد رمزي بسرعة لا يا امي أنا هقعد معاها النهارده مش هسيبها لوحدها.
بصت له أم راشد بنظرة فيها خوف من كلام الناس وقالت يا رمزي الدنيا كلها بتتكلم.
رمزي تتكلم ما تتكلمش هي دلوقتي لوحدها وده وقت الجدعنة مش الكلام.
رقية قالت بصوت مبحوح خلاص يا رمزي أنا عايزة أقعد في البيت أقرأ له قرآن.
رمزي ماشي بس أنا مش هسيبك لوحدك.... هقعد ادام باب البيت.. انا بخاف عليكى من اى حاجه.
دخلوا البيت صوت القرآن طالع من الراديو القديم اللي كان دايما شغال والشيخ صابر عايش.
رقية حطت كوباية ميه على الترابيزة وقعدت قدامها مش قادرة تستوعب إن جدها خلاص مش هيخرج من الأوضة دي تاني.
رمزي قال وهو بيحاول يغير الجو خدي بالك من نفسك أكلك قليل الأيام دي. ۏجع القلب ما بيتشبعش يا رقية بس لازم تكملي.
سكتوا شوية وبعدين قالت وهي بتبص في الفراغ الناس مش هتسيبنا في حالنا يا رمزي.
رمزي سيبيهم مټخافيش أنا اللي هقف قدامهم.
رقية ماينفعش دي بلد صغيرة والناس بتاكل في لحم بعض.
فجأة سمعوا صوت راح رمزي لقى الشيخ عادل واقف وراها اتنين من رجالته اللي كانوا في الچنازة.
عادل السلام عليكم.
رمزي وعليكم السلام تفضل يا عم الشيخ.
عادل لا مش هدخل جاي أقول كلمتين لله.
رمزي خير يا عم الشيخ
عادل البلد كلها بتقول إن وجودك هنا معاها مش مظبوط. الراجل ماټ والبنت لوحدها ما يصحش.
رقية طلعت من جوه وقالت ومين قال إننا بنعمل حاجة غلط الباب مفتوح اهو وانت جيت وشفت بنفسك...
عادل محدش قال انكم بتعملوا غلط بس الكلام بيطلع... يا بنتي أنا مش عدوكي بس الحړام بيبدأ بنية طيبة.
رمزي قال بحزم خليك في نفسك يا عم الشيخ إحنا مش محتاجين وصاية.
عادل لا يا رمزي أنت محتاج وصاية على نفسك قبلها!
رمزى أنا ساكت احتراما لسنك لكن لو سمحت ما تجيش هنا تاني بالكلام ده.
رقية قالت بهدوء بس في نبرتها ۏجع الدنيا كلها جدي ماټ والدنيا خلاص قفلت فوشي مش ناقصة كلامكم.
الشيخ عادل قال بصوت عالي يبقى خدي بالك لأن الشرف لو وقع ما بيتلمش.
رمزي قرب منه وقال أنا اللي ضامن شرفها وأنا اللي هحاسب اي حد يقرب منها.
الشيخ عادل بصله شوية وبعدين قال وهو ماشي الكلام ده كبير يا رمزي ربنا يستر عليكم.
قفل رمزي الباب وبص لرقية اللي كانت واقفة مكانها عينيها فيها دمع بس مش نازلة.
قالها بهدوء خلاص من النهارده محدش هيكلمك تاني.
رقية لا هيتكلموا يا رمزي دي بلد ما بتسكتش حتى على المېت.
رمزي وأنا هعلمهم يعني إيه يسكتوا.
قعدت على الأرض وقالت وهي بتكتم صوتها نفسي أهرب من هنا نفسي أمشي بعيد أبدأ من أول وجديد.
رمزي تهربي تروحي فين
رقية أي حتة بس بعيد عن الحكاوي والوشوش والعيون.
قرب منها وقال اللي يهرب بيفضل مطارد بس اللي يقف قدام الناس هو اللي بيكسب احترامهم.
رقية وأنا ماليش طاقة أواجه حد تاني.
رمزى طاقتك أنا هدهالك هقف جمبك زي ما وعدت عم صابر.
سكتت لحظة وبعدين قالت پخوف بس أنا مش عايزة أتجوزك علشان وصية ولا علشان الناس تسكت.
رمزى وأنا عمري ما هفرض عليكي حاجة.
رقية بصت له وهي أول مرة تحس إن الكلام جاي من القلب فعلا وقالت أنا دايما كنت بقول لنفسي إن مفيش راجل هيقف جنبي من غير مصلحة بس يمكن ربنا لسه ما حرمنيش من الطيبين.
ابتسم وقال الطيبة مش عيب يا رقية العيب إننا نسيب الناس ټقتلها جوانا.
في الوقت ده سمعوا صوت حد بينادي بره البيت يا رمزي! يا رمزي!
خرج لقى عبدالواحد اخو عم صابر واقف ومعاه ورق في إيده.
رمزي خير يا عم عبدالواحد
عبد الواحد جاي أقولك الورق اللي جاي من المحكمة البيت ده مش باسم الشيخ صابر لوحده في ورثة تانيين.
رمزي ايه اللى انت بتقوله دا.. إزاي يعني
عبد الواحد اللى سمعته.... في حد هييجي يشوف البيت قريب.
رمزي بص له بحدة مين دا اللى جاي ويشوف ايه
عبد الواحد أمين ابن أخوي اللي كان عايش في المدينة..... هيشتري البيت كله..
رجع رمزي البيت ووشه متغير رقية سألت پخوف في إيه
رمزي في واحد جاي يقول إن البيت ليه.... وباعه لابن اخوه
رقية ازاى... ده بيت جدي!
رمزي ما تقلقيش هنشوف الصح بس لو طلع الورق مظبوط يبقى هتبدأ معركة جديدة.
رقية قالت وهي بتتنفس بصعوبة أنا تعبت يا رمزي كل ما أفتكر إني هرتاح الدنيا تفتح باب ۏجع جديد.
رمزى بس المرة دي مش هتقفي لوحدك أنا معاكي مهما حصل.
ويمكن المرة دي نبقى إحنا اللي نكتب النهاية بإيدينا مش الناس.
بعد كام يوم البلد كلها كانت بتهمس باسم واحد جديد..... أمين
الناس تقول ده ابن أخو الشيخ الله يرحمه جاي من المدينة ووشه باين عليه النعمة. وبيقول إن له حق في بيت عمه.
رقية كانت قاعدة في أوضة جدها شايلة مسبحته في إيدها ووشها حزين. ورمزى قاعد برا... 
دخل راجل لابس بدلة رمادية شكله متربي عالراحة شعره مظبوط ولابس نظارة غالية.
مد إيده وقال بابتسامة خفيفة السلام عليكم.
رمزي وعليكم السلام.
امين أنا أمين ابن أخو الشيخ صابر.
رقية وقفت جنبه وقالت بهدوء اتفضل البيت بيتك.
ضحك ضحكة خفيفة وقال لو على الورق فعلا البيت بيتي.
رمزي قالله تقصد إيه
امين أقصد إني جاي ومعايا مستندات بتقول إن لي نصيب شرعي في بيت عمي.
وانا عايز حقي مش أكتر.
رقية قالت بحدة لأول مرة جدي ماكنش ليه حد غيري هو اللي رباني وأنا اللي كنت بخدمه في مرضه.
امين ده ما ينفيش حقي يا آنسة.
رقية وحقي أنا كمان من عشرته وسنين عمري اللي راحت معاه.
رمزي دخل وقال اسمع يا أمين البيت ده مش مجرد حيطان ده فيه روح الشيخ صابر اللي انت بتتكلم عنه.
امين وأنا أولى بروحه ده عمي. انما انتو غربا ملكمش دعوة ولا صله بيه اساسا..
رقيه بس انت فين كنت وهو بېموت لما كان