رواية لعبه القلوب المحرمه الفصل الثاني بقلم امانى سيد

لو راجع نفسه واعتذرلى انا هرجعله تانى 
أنا ماصدقت اطمن عليكى يا بنتى مع راجل عقبال ما اطمن على صفا كمان 
دخلت صفا الاوضه واتدخلت فى الكلام 
صفا مالها زى الفل يا ست الكل وكمان عندى مفاجاه لمروه 
قولى يا ستى فرحينا 
انا من بكره هتنقل السكرتاريه ومروه هتمسك مكانى فتره كده 
بجد 
أه ولو ثبتت نفسها ممكن تكمل على طول 
والشركه دى حلوه 
جدا يا مروه عارفه تحسى إن الناس هناك فى عالم موازى ايه رايك ننزل انا وانتى نشترى لبس 
بصت مروه لصفا بمعنى اننى عارفه اللى فيها 
طبطبت صفا على ضهرها 
يلا بس بينا انا معايا فلوس كنت محوشاها ننزل نجيبلنا طقمين كده نروش على نفسنا بيهم وغير كده أنا كمان قبضى هيزيد. شوفتى وشك حلو إزاى 
وماله يا صفا اخرجى انتى واختك وافرحوا وهاتوا اللى نفسكم فيه 
ماتيجى معانا يا ماما 
لأ رجلى وجعانى ووارمه والدكتور قالى ارفعيها انا هتفرج على المسلسل وانتوا اخرجوا براحتكم 
خرجت صفا ومروه من البيت واشترت صفا لمروه طقمين خروج وليها طقم وجابتلها بيجامتين للبيت لان كل هدومها وحاجتها فى بيت حماتها وللأسف مش عارفين بكره مخبى ايه ولا فى حد هيعرف يقف قصادهم يجبلهم حقهم 
فى اليوم التالى راحوا الشركه واستلمت مروه مكان صفا وصفا طلعت السكرتاريه وجه هشام وقابل مروه فى الإستقبال وقف هشام يتكلم معاها 
مساء الخير انا هشام صديق شعيب صاحب الشركه وعندى معاد 
طيب ممكن بطاقتك 
ضحك هشام بعلو صوته 
بقولك صاحبه ومحدش هنا بياخد بطاقتى انا شوفتك جديده قولت اعرفك بنفسي 
أنا اسفه مش هتطلع غير لما اخد بطاقتك ده شغلى 
بصلها هشام پغضب 
واتصل على شعيب
شعيب تعالى شوف موظفه الاستقبال مش عايثتكلعنى غير ببطاقة انا غلطان انى وقفت اتكلم مع واحده زى دى أصلا.
اديها التليفون 
خدى 
مش هاخد وانا اضمن منين إنه فعلا شعيب بيه 
انزل يا شعيب دلوقتي والبت دى لازم تمشى حالا 
نزل شعيب من المكتب عشان يشوف المشكله وكان هشام متعصب وبيزعق لاول مره شعيب يشوفه كده دايما هشام بارد وبيهزر خصوصا مع البنات لكن إيه اللى وصله لكده 
نزلت صفا ورا شعيب لما سمعت بالمشكله عشان تطمن على اختها 
ياترى هيطردوا مروه ولا إيه اللى هيحصل تابعونى الاحداث اللى جايه 
لعبه_القلوب_المحرمه
أمانى_سيد