رواية لعبه القلوب المحرمه الفصل السابع بقلم امانى سيد

الجواز ده ولو عايزين تكملوا الجوازه تطلقى الأول 
امال فين كلامك وعايز اعيش عشان أربي ابني كل ده راح فين 
غيرت رأيى وانا قدامك اهو يا أنا يا العروسه الجديدة 
بدات كل واحدة من سلايفها تتكلم 
من امته بقى ليكى شخصيه 
وانتى فاكره إنه هيبقى عليكى انتى شكلك اتجنتى 
حاول عامر يقرب منها عشان يضربها ابوه وقف قصاده 
اوعى تقرب منها يا عامر ده حقها عايز تتجوز تطلقها الأول 
ماشى يا راضيه انتى فاكره كده بتعجزينى لا يا حلوه انتى ولا تسوى حاجه عندى ولو هتمشى من هنا هتاخدى ابنك معاكى واعملى حسابك مش هتاخدى منى جنيه واحد 
مش عايزه حاجه من وشك وانا كنت باخد منك ايه اولانى انا كنت عايشه معاكم بلقمتى 
رجع عامر قعد قدام المأذون بغيظ وبدأ فى اجراءات الطلاق 
انتهت راضيه من الطلاق وخرجت بره البيت وخرج وراها المعلم عابدين واخدها واتحرك بالعربيه 
هنروح فيم يا حاج
هنروح عند حد قريبى بس هتعيشى معاهم مرتاحه 
ثم أعطاها ظرف فيه فلوس 
ايه ده 
دى فلوس خليها معاكى اصرفى منها وكل شهر هبعتلك مبلغ ليكى ولابنك عشان ماتحسيش ان فى حاجة ناقصه بس الناس اللى انتوا هتعيشوا معاهم دول مش هيخلوكوا محتاجين حاجه 
مين الناس دول 
ده ابن عمى اسمه سليمان بيه 
عدى حوالي ثلاث ساعات في الطريق على ما وصلوا المكان وكان عباره عن 
فيلا كبيره وعليها أمن على البوابة 
فتح الأمن الباب واستقبلوا الحاج عابدين و راضيه وابنها
دخل المعلم الفيلا ووراه راضيه وكانت بتبص حوليها بإنبهار 
عدل اقل من خمس دقايق ونزل راجل كبير في السن وهو بيرحب ب عابدين 
أهلا أهلا يا عابدين نورت الفيلا 
منوره بصحابها انا جيت وجبتلك الامانه اعتبرها بنتك 
ماتقلقش عليها يا عابدين امانتك فى الحفظ والصون وهتتشال فوق الراس 
قعدت راضيه اتعرفت على سليمان بيه ومراته وحست وسطيهم بالالفه 
وجهزتلها ملحق الفيلا وواحده تشوف طلباتها 
مكنتش مصدقه راضيه اللى بتشوفه حواليها 
ملحق فيلا مايقلش فى الجمال عن الفيلا وناس بتعاملها بود ورحمه 
يكفى إن ابنها هيتربى فى عيشه سويه 
مشى المعلم عابدين وراح للبيت وقرر انه ياخد منهم حق راضيه 
فى الفيلا كان سليمان قاعد مع مراته وبيتكلموا بخصوص راضيه 
شكلها غلبانه اوى 
بهدلوها وهى مكنتش بتتكلم وانتى عارفه ناهد قويه ومفتريه وكانت مطلعه عنيها 
أنت هتقولى منها لله ... ابنك عرف إن فى حد هيعيش معانا 
لأ لما يرجع من السفر هقوله .. 
اه عرفه عشان يعمل حسابه إن فى حد معانا فى الفيلا ومايجبش صحابه انت عارف لما بيعزم صحابه بيقعدهم فى الفيلا 
عارف لو مكنش جاسر كبير عليها كنت جوزتهاله واخدت ثوابها 
ربنا يهديه ابنك خاېف يتجوز يجيب مرات ابن لبنته لحد ما سنه كبر وبنته بقت فى سن مراهقه عموما محدش عارف الايام فيها ايه 
ياترى الايام مخبيه ايه لراضيه  
وعابدين ناوى يعمل معاهم ايه 
شكرا لكل اللى دعى لبنتى لو التفاعل زاد هكبر البارت وهنشر كل يوم 
لعبه_الحب_المحرمه 
امانى_سيد 
البارت السابع