رواية لعبه القلوب المحرمه الفصل 12 بقلم امانى سيد

لتنضف المنزل وتعمل على خدمتهم 
بينما كانت صفاء لا تتركهم وتصنع لهم الطعام كل يوم وترسله لها 
حاولت كثيرا جملات بشتى الطرق افتعال المشاكل مع صفاء ولكن صفاء لم تعطيها الفرصه فدائما ما كانت تصمت تقديرا لموقفها 
فمهما فعلت معها جملات لن يكون ربع ما فعله معها متولى ووفاء 
ومع الوقت اصبحت جملات تتجاهلها خاصه أن المعلم يجلس معظم الوقت لديها 
ولكن لم يخبرها بأمر زواجه الصورى منها 
مر ثلاث سنوات اخرى واصبحت حاله المعلم عابدين سيئه ووقتها كان شعيب فى المرحلة الثانوية وقرر المعلم أن يتحدث معه قبل أن يلتقى بوجه كريم 
اتصل المعلم بجاسر 
السلام عليكم ازيك يا جاسر عامل ايه 
أهلا يا معلم انت اخبارك ايه وصحتك عامله إيه 
الحمد لله نحمد ربنا المهم شعيب عامل ايه 
ما شاء الله عليه تقريبا بقى فاهم كل حاجه فى الشركه ويقدر يديرها لواحده كمان 
أنا عايز اقابله ان الاوان إنه يعرف الحقيقه واسلمه كل حاجه بنفسى أنا من سنتين كلمت راضيه وهى رفضت انها ترجع أو تواجهه وكنت معرفها بموضوع شعيب وإن الشركه دى شركته انت وهو 
أنا خاېف يرفض يقابلك هو مايعرفش أى حاجة غير إنك بتبعتله شهريته وده مأثر فى نفسيته 
لازم يعرف كل حاجه ولازم يوافق يقابلنى اتصرف 
طيب انت فاضى أمته يا معلم 
بكره باذن الله تعالى هستناك الصبح محدش بيجيلى خالص من الاولاد ولا الأحفاد 
بإذن الله هنكون عندك أهم حاجة تاخد بالك من صحتك يا معلم 
فى اليوم التالى طلب جاسر من شعيب أن لا يذهب للمدرسه وقرر أن يبلغه فى الطريق حتى لا يعطيه مجال للرفض أو التفكير 
فى اليوم التالى فى سياره جاسر 
ازيك يا جاسر عامل ايه فى الدراسة 
الحمد لله السنه قربت تخلص وقررت ادخل تجاره اداره اعمال 
بس أنت شاكر انا افتكرت هتدخل هندسه او حاجه من الحاجات دى خصوصا إنك علمى 
أنا علمى رياضة عشان بحب الرياضه إنما انا حبيت التجاره عشان كده عايز أدخل أداره اعمال 
بإذن الله ربنا يوفقك فيها طالما حبيتها يبقى هتنجح فيها المهم انت عارف احنا رايحين فين دلوقتي 
لأ معرفش انت ماقولتليش اي حاجه 
بص يا شعيب احنا دلوقتي هنروح لجدك لانه تعبان جدا ومحتاج يشوفك ضروري 
بص له شعيب پغضب وطلب منه انه يوقف العربيه 
وقف العربيه لو سمحت ونزلنى 
ايه ده يا شعيب ده جدك برده وعمل عشانك كتير
ايه اللي عمله بيبعت لنا كل شهر فلوس عشان يبعدنا عنه ويرتاح مننا وما نفكرش نطلب منه اي حاجه 
الحقيقه غير كده يا شعيب لما تعرف كل حاجه وقتها هتغير فكرتك خالص 
انت بتثق فيا  
ايوه طبعا يا عمى جاسر 
يبقى عشان خاطري قبله وانا معاك ومش