رواية لعبه القلوب المحرمه الفصل 18 بقلم امانى سيد

دخل شعيب البيت اتفاجئ بوجود عامر قدامه ومامته قاعده وحاطه رجل على رجل وبتتكلم بسخريه معاه
قرب منهم شعيب وقعد جمب مامته وبص لابوه باستغراب ازاى وصل هنا وبأى عين جايلهم 
اتكلم شعيب باستغراب واستهزاء فى نفس الوقت 
إيه ده عامر بيه بنفسه جه هنا عندنا بس غريبه عرفت العنوان منين 
يوم ما كنت موجود وبتزور بابا لما خرجت انا خرجت وراك لحد ما وصلت لهنا 
ياترى ايه سر الزياره السعيده دى 
أولا جاى اتكلم مع راضيه واعاتبها أنها اخدتك ومشيت ومخلتنيش اعرفلكم طريق ... ماتنساش إنك فى الأول والاخر ابنى وكنت عايزك تتربى معايا وكنت ناوى ارد امك تاتى واجبلها بيت بعيد لواحدها عشان محدش يضايقها تانى 
ثانيا عشان اقولك أنى هساندك فى أى حاجة هتعملها وموافق على كل الكلام اللى بابا قاله انت فى الاول والآخر ابنى وهكون مبسوط وسعيد لما اشوفك ناجح وكبير العيله 
كانت راضيه لسه هترد عليه وقفها شعيب بإيده 
واتكلم شعيب بجديه مصطنعه مسحوبه بسخريه 
أنا مش عارف اقولك ايه بصراحه هى فعلا غلطانه إنها حرمتنا من بعض ومن العيشه الحلوه اللى هى كانت عايشاها لا بصراحه غلطانه والمفروض تعتذر 
قالها شعيب بسخريه واضحه مصحوبة بابتسامة .
اكيد طبعا أنت دورت علينا كتير وقلبت الدنيا وجدو عشان قلبه قاسى مقالكش مكانا 
تانى حاجة كلام وصيه جدوا هيتنفذ ڠصب عنكم مش بس بمزاجكم فالاحسن إنه يبقر بمزاجكم 
ثالثا أنا مش محتاح دعمك عشان ابقى كبير وناجح لأنى كبير وناجح من غير دعم حد 
عيب يا شعيب تتكلم كده ما تنساش ان انا ابوك ولا عشان امك بعدتك عني خلاص هتنسى ان ليك اب 
لا هو انا امي ربتني راجل قد المسؤوليه وربتني اني احترم الست وابقى عارف يعني ايه بيت واسره 
ربتني اعتمد على نفسي لحد ما وصلت للي انا فيه دلوقتي تفتكر لو انا كنت عايش معاك كنت هبقى في اللي انا فيه ده دلوقتي 
سكت عامر ما بقاش عارف يرد ويقول ايه ده اول مره يلوم نفسه ان سمع كلام امه كان زمانه دلوقتي متحكم في كل حاجه 
حتى راضيه اللي الزمن ما زادهاش غير جمال إزاى قدر يفرط فيها 
راضيه قصاد مراته الحاليه تبقى بنتها عكس التانيه اللى وشها باظ من المكياج وعمليات التجميل والنفخ والشد والحقن 
كانت راضيه قاعده مستمتعه بكلام ابنها و بتبصله ببرود وجوده من عدمه سواء شكله بيسبب لها اشمئزاز لبسه اللى شبه لبس الشباب الصغير واختياره لألوان لبسه اللى مخلياه شبهه المراهقين ولا شعره اللى بيصبغه ده ازاى بعد العمر ده كله مش قادر يحترم سنه 
كويس ان شعيب جه فى الوقت المناسب 
عشان انا كنت ناويه اطلبله الامن بس احسن انه مامشيس عشان شعيب يقوله الى فى النصيب 
لسه راضيه هتتكلم لقت تليفون عامر وشعيب بيرنوا فى نفس الوقت 
كان ماهر