رواية لعبه القلوب المحرمه الفصل 19 بقلم امانى سيد

سلموا عليها وبعدها بفتره مشيوا 
البقاء لله يا شعيب ربنا يجعلها اخر الاحزان يارب 
ونعم بالله شكر الله سعيكم 
ايه ده طنط أهلا بحضرتك معلش ماشوفتكيش جوه كان زحمه أوى 
سكتت راضيه وبصتلها بضيق من مظهرها حست شرين بإحراج هى وباباها وقرروا يمشوا ويكلموه زقت تانى تكون الدنيا بقت اهدى 
فى بيت شعيب 
ده منظر اللى خطيبتك جت بيه انهارده ده انت راضى بكده ... انا مش بقولك اتحكم فى لبسها لكن لازم تلبس حاجه تليق بيك وتكون مناسبه لشخصيتك يا شعيب هل انت تقبل بعد الجواز انها تخرج بالمنظر ده 
لا مش موافق يا امى بس مكنش ينفع اسيب العزا واسالها انتى لابسه ليه كده 
عموما يا ابن بطنى أنت حر انا قولت رأيى 
يا ماما ماتقلقيش أنا هتكلم معاها بس حقيقى انا محتاج انام وارتاح الفتره اللى جايه هتكون اصعب ما يكون 
أنا عارفة ومقدره ده الله يعينك بس دى مراتك والمفروض أنها تصونك فى وجودك وغيبتك لما فى وجودك تلبس كده آمال من وراك هتلبس إيه ده غير إن كل الناس جت تسلم عليه وهى مجاتش رغم أنها المفروض اول واحده تسلم عليه أول ماتشوفنى 
معلش يا ماما حقك عليا 
مر اليوم ومرت أيام العزاء كامله وكانت الشركات والمصانع أجازه وكل شئ متعطل 
بعد مرور الثلاث أيام عاد الجميع لعمله وظن اعمام شعيب مراد ومحمد إن خلاص كده هما هيورثوا كل حاجه 
بعد مرور أسبوع الشغل رجع زى ما كان فى شركه شعيب وقرر شعيب أنه يتواصل مع اعمامه عشان يعقد معاهم إجتماع بخصوص اداره الشركات 
لكنهم رفضوا يقابلوه ظنا منهم ان بمۏت والدهم خلاص هيورثوا كل حاجه ويقدروا يتصرفوا فيها
قرر شعيب إنه يديهم درس صغير ويخليهم هما اللى يجروا وراه
في اليوم التاني على طول وصل قرار مفاجئ لكل مديري الشركات والمصانع
إيقاف أي توقيعات أو تصرفات مالية إلا بموافقة شعيب الشخصية.
الخبر نزل عليهم زي الصاعقة.
مراد كان أول واحد يولع.
قفل التليفون في وش السكرتيرة ورماه على المكتب بعصبية.
محمد كان أهدى شوية بس عينه كانت مولعة شړ.
هو فاكر نفسه إيه!
فاكر إننا هنقف نتفرج
بس اللي ماكانوش عارفينه
إن شعيب كان سبقهم بخطوتين.
في نفس اليوم وصلت مكاتبات رسمية للبنوك
وتغييرات في مجالس الإدارة
وتجميد حسابات معينة باسم مراجعة قانونية مؤقتة.
كل ده بإمضاه المعلم عابدين
إمضا محفوظة قانونا قبل ۏفاته.
بدأ القلق يتسلل لقلبهم.
الموضوع مش سهل زي ما كانوا متخيلين.
ماكانوش يعرفوا إن الحاج عابدين
قبل ۏفاته بفترة
كان مأمن كل حاجة.
كان عامل لشعيب توكيل رسمي عام في القضايا والإدارة
ومش بس كده
كان كمان مدي له تفويض مؤقت مسجل في السجل التجاري
تفويض واضح وصريح بإدارة الشركات والمصانع لحين انتهاء إجراءات تقسيم التركة.
وفوق ده كله
كانت فيه وصية موثقة
فيها بند صريح إن إدارة كل ما يخص