رواية لعبه القلوب المحرمه الفصل 22 بقلم امانى سيد

المكتب مره تانيه 
دخلت صفا المكتب وطلب منها شعيب أنها تقعد
خير يا شعيب بيه 
بصى يا صفا أنا كنت محتاج موظفين من هنا هيتنقلوا فرع الشركة الرئيسى بتاعت جدى 
بس أهم حاجة الناس دى عايزهم يكونوا ثقه وانتى طبعا هتبقى من اوائل الناس اللى هتتنقل 
شكرا لثقتك يا فندم طيب ممكن اعرف محتاج موظفين في ايه 
محاسبه عايز ٣ موظفين محاسبه اول واحد هيكون مدير الحسابات وهحتاج معاه اتنين 
ممكن تاخد ولاء شاطره جدا وممكن مروه اختى قبل ما تتجوز كانت بتشتغل محاسبه بس قعدت وكانت شاطره جدا 
طيب تمام ... وانتى هتروحى سكرتاريه هناك مش هوصيكى يا صفا دبت النمله تجيلى أى ورق بيتمضى هناك يجيلى نسخه منه ماهر هيمسك الشركة لحد مانشوف مين هيقدر يسد 
يعنى انا هناك هكون مسئوله عن مكتب رئيس مجلس الإدارة واستاذ ماهر هيكون المسئول
بالظبط كده.... فاضل كده موظف تسويق وواحد موارد بشريه 
فضلت صفا ترشحله اسماء موظفين وطلب شعيب منها أنها تجمعهم بما فيهم مروه عشان هيعملهم اجتماع وهى هتكون معاهم وطلب منها أن الاجتماع هيكون فورى كمان ربع ساعه يكونوا جاهزين 
وفعلا جمعتهم صفا واتصلت بمروه بلغتها واقنعتها أنها فرصة كويسه وظيفه افضل بمرتب اعلى وهتكون فى فرع تانى ده خلاها توافق 
تم الاجتماع وكان سرى وبدأ شعيب يعرفهم هو محتاج منهم ايه بالظبط وخصوصا قسم المحاسبه لأنه هيكون عليه اغلب الشغل وطلب منهم الحسابات توصله بشكل أسبوعي 
انتهى الاجتماع وطلب شعيب من مروه انها تنتظر 
وفعلا فضلت مروه والكل خرج بره الاوضه 
قعد شعيب فى الكرسى قدام مروه وسألها بشكل مباشر 
إنتى عايزه تمشى من هنا ليه
اتكلمت مروه بتوتر ولجلجه
أبدا تعبت من الشغل 
الموضوع مش كده بدليل إنك هتشتغلى فى الحسابات يعنى الشغل اصعب ومحتاج تركيز اكتر
سكتت مروه ومكنتش عارفه ترد تقوله ايه وكمل هو كلام 
شرين ليها علاقه بالموضوع ده 
لأ ابدا
أنا عايز الحقيقة 
أنا أسفه مش هقدر اجاوب بس الموضوع ليه علاقه بيا أنا وحابه احتفظ بيها لنفسى 
اتضايق شعيب من ردها وقرر يسبها براحتها وكده كده وجودها فى الفرع الرئيسي مش هيبعدها عنه بالعكس 
بعد وقت بسيط وصل هشام واتجاهل مروه وصفا ودخل غرفه المكتب على طول 
بدأ شعيب يهزر معاه عشان يخرجه من المود
لان واضح على هشام التغيير الكلى ربة دقنه بشكل مهذب لبسه اتغير عن الاول بقى يلبس كلاسيك 
كلامه عن البنات تقريبا مبقاش موجود
ها يا هشام بيه هنسميك الشيخ هشام بعد كده 
ضحك هشام واتكلم بهدوء.
ياسيدى وأنا أطول ياريت 
لأ ده الموضوع كبير ازى ايه رايك نتغدى سوا ونروح نزور جدك 
ياريت لو فاضى يلا بينا 
خرج شعيب مع هشام وبالفعل زاروا جدهم وقعدوا معاه شويه وبعدين طلعوا على مطعم يتغدوا وبدأ شعيب يكلمه