رواية مارد وكنزي الفصل 25

المخابرات المصرية وسرحوه من وظيفته لما اكتشفوا أنه خاېن وبيبيع أسرار بلده للأعداء بس للأسف هرب قبل ما يقبضوا عليه واتحكم عليه غيابي بالإعدام
كنزي مصډومة من اللي بتسمعه معقول هي كانت غبية للدرجة دي ومفكرتش لمرة واحدة قبل ما تديه أي سر تعرف هويته الحقيقية
بعصبية ... وانت مقولتليش ليه لما سألتك عنه
مسك دراعها بقوة ... وهو انا لازم اقولك عشان ما تروحيش تتفقي عليا! .. قدرتي ازاي تتكلمي مع حد غيري ها!! .. محدش علمك ان دي اسمها خېانة! ...
تعرفي أنا عملت ايه ف لورا لما حطتي السم ف العصير!
بصت له بدهشة وتساؤل وتابع
... خلصت عليها هي واللي معاها لأنها دخلت بيتي وحاولت تتذاكى وتتجسس عليا! ما بالك بقا ب مراتي اللي المفروض شايلة اسمي!!
... آه يابن النمرة يعني كنت عارف هي اللي حطتهولك مش أنا
... منا كان لازم أخدعها عشان أوقعها .. ع العموم مفرقتش كتير انتي كمان كنتي عاوزة تأذيني ودستيلي السم ف قلبي بعملتك
بتذمر ... قولتلك ما كنتش عاوزة أأذيك
... ششش الكلام خلص لحد كدة واحمدي ربنا اني طلقتك بس معملتش حاجة تانية
... لا وع ايه ياخويا موتني بالمرة عشان تبقى كملت
مردش عليها وسابها وخرج
Back..
... منك لله يا شيخة يا ريته كان جاب خبرك وارتاح
صلاح ... أديكي جيتي تكحليها عمتيها تقدري تقوليلي استفدتي ايه انتي دلوقتي
بفخر ... مش مهم كفاية نيتي الصافية
سعاد بتشوح بايدها ... نية ايه يام طلقة وحياة أمك لكون ڤضحاكي عند الجيران وأقولهم شوفوا البت اللي اطلقت من جوزها ف شهر عسلها
شهقت ... دة انتي أم بياعة أوي
سعاد ... ااااه يا غلبي ياني بقا الواحد بيجوزله بت عشان يخلص منها تقوم ترجعله مطلقة
صلاح ... طب كنتي اتشطري وجيبيله حتة عيل يمكن كان حن عليكي بسببه
سعاد بسخرية ... عيل!! ههههه دي بتلبس له إسدالات صلاة وبجامات أطفال
... يووووه ما كفاية تقطيم بقا أنا كنت عايزة أرجعه عن الغلط
سعاد ... دة انتي يا قادرة كان ناقص تقيمي عليه الحد طب كنتي جبتيهاله واحدة واحدة وبالدلع وهو هيلين! دة ربنا قبل ما بينزل عڈابه بالكفار كان بيحذرهم ويبعتلهم اللي ينصحهم
... هي حرة يا سعاد عملنا اللي علينا وجوزناها الوكسة لابساها هي مش احنا .. وع فكرة انتي هتدفعي تمن إقامتك ف البيت يعني أكل شرب لبس كله كله
فتحت حنجرتها ... جرا ايه يابا ما تهدى ع نفسك كدة ولا عشان ساكتالكم يعني أنا ليا حق ف البيت دة زيكم ومش هدفع ملين أحمر .. هات 200 جنيه يلا عشان اطلب هوم دليفري
... هوم دليفري يا موكوسة يا متطلقة
سعاد خلعت جزمتها ورمتها عليها بس كانت دخلت أوضتها وقفلت الباب بسرعة
________
نزل المارد من أوضة الصبح وباين ع وشه الأرق