رواية لعبه القلوب المحرمه الفصل 28 بقلم امانى سيد

رنت مروه على شعيب ورأى شعيب رقم هاتفها وشعر بدهشه 
ايه سبب اتصالها بيه دلوقتي  
يمكن تكون راجعت نفسها 
رد عليها شعيب بنبره هادئه
مساء الخير 
مساء النور استاذ شعيب انا مروه 
أهلا يا مروه ازيك عامله ايه 
بخير الحمد لله فى موضوع مهم لازم حضرتك تعرفه 
خير يا مروه سمعك 
هبعتلك ريكورد اسمعه الاول وبعدين هرجع اكلم حضرتك 
قفلت معاه وبعدين بعتتله الريكورد 
سمع شعيب الريكورد وشعر بغليان داخله لم يكن الغليان بسبب عمه لامه عارف إنه مش هيسكت لكن الڠضب عشان اتجرؤا وهددوا مروه 
بعد ما سمع الريكورد اتصل بمروه مره تانيه وحاول يتمالك نفسه عشان ماتخافش او تخاف تحكيله حاجه تانيه 
سمعت الريكورد ممكن تحكيلى بقى اللى حصل بالتفصيل 
كنت قاعده مع صفا فى البريك كالعاده ولقيته جه وصمم انه يتكلم معايا لواحدينا وبعدها انا مكنتس عارفه اسجل كلامه ازاى غير انى اسجل ريكورد واتس 
الريكورد ده مين يعرفه تانى 
صفا بس عشان انا بعته ليها
اوعى صفا تبعته لحد تانى 
لأ ماتقلقش هى مش هتقول لحد هى كانت عايزه تقول لاستاذ ماهر بس انا قولتلها أن المفروض إن حضرتك اللى تعرف الأول 
برافو عليكى انتى صح 
بصى يا مروه لكره هبعتلك مع ماهر ورق حسابات شبه الاصلى بالظبطت اللى 
أعمل بيه ليه
هديهولوا وهتاخدى منه الفلوس 
طيب افرض إنه عرف
بصى يا مروه انا عايز ابعدك عنهم واخليكى في الامان الفلوس اللى هيديهالك خديها منه حلال عليكى مكافأة لنزاهتك فى الشغل 
ومقابل الفلوس دى هتديله الملفات اللى ماهر هيبعتهالك مع صفا 
أنا موافقه على اللى حضرتك قولته بس انا مش هاخد فلوس مش من حقى 
لا ده تعبك ومجهودك وامانتك يا مروه
طيب حضرتك هتعمل ايه وخصوصا لما يكتشفوا أن الورق اللى سلمته ليهم مزور
انا هتصرف ماتقلقيش بس بعد ما تديله الملفات بيومين خدى اجازه 
سكتت مروه ثواني وكأنها بتحاول تجمع شجاعتها وبعدين قالت بصوت واطي
تمام أنا هعمل اللي حضرتك قولته.
كويس. أهم حاجة دلوقتي إنك تفضلي هادية مش عايزك تحسي إنك لوحدك. وأي حاجة تحصل كلميني فورا مفهوم
مفهوم يا أستاذ شعيب .
شد شعيب على أسنانه وصوته بقى أهدى من الأول رغم الڼار اللي جواه
مش عايزك تخافى بس صدقيني محدش هيقربلك. طول ما أنا موجود.
قفلت مروه المكالمة وقعدت مكانها وهي ماسكة الموبايل بإيد بتترعش. قلبها كان بيدق بسرعة من القلق ومن كلامها مع شعيب 
أما شعيب فبعد ما قفل قام من على مكتبه بعصبية. لف حوالين نفسه خطوتين وبعدين مسك الموبايل ورن على رقم تاني.
ماهر عايزك بكره تعدى عليه ضرورى فى المكتب قبل ما تروح الشركه في موضوع كبير ولازم نتحرك بسرعة.
في اليوم اللي بعده
وصل ماهر الشركه عند شعيب وحكاله