رواية اريدك لقلبي كامله من الفصل الأول إلى الفصل العاشر بقلم ندى احمد
انها مش بالثبات دا .. هي من جواها پتنهار و خاېفه .. خاېفه فعلا شادي يسيبها او يفقد الثقه فيها .. بس هي مش هتسيب شادي فيوم فرحهم .. لو عملت كدا شادي عمره م هيسامحها وكمان كدا هي هتفضحه قدام الناس
عدت نص ساعه وهي سرحانه و بتدعي ربنا ان شادي ميسبهاش ..
شادي وصل الكوافير
يلا يا حور اتأخرنا جاامد احنا كدا هنوصل الفرح لما الناس يمشو
اول لما سمعته بيتكلم كدا اتنفست الصعداء .. كدا يبقا اكيد مالك مبعتلهوش الفيديو .. مالك اثبت انه شخص كويس فعلا و قاوم الحقد الي جواه
انا جاهزه اهو يا شادي .. يلا نروح لفرحنا
ركبو العربيه بتاعت شادي و راحو الفرح
دخلو الفرح و قعدو عالكوشه و بعدها بلحظات المأذون وصل و كتب كتابهم
وبمجرد لما اتكتب كتابهم حضنها ..
و حور اتأثرت بلحظه كتب كتابهم و بدأت ټعيط
تعرف يا شادي اني محظوظه اني اتجوزتك
شادي مسحلها دموعها
الميكب هيبوظ يا حور ! و بعدين من امتي بقيتي بتتأثري بسرعه كدا
لازم اتأثر .. اتجوزت احسن واحد فالدنيا
طيب متعيطيش احسن انا كمان اعيط زيك
حور مسحت دموعها وهي بتضحك
لا خلاص اهو مسحتهم
بعدها بدأو يرقصو سلو ..
كانت وهي بترقص مع شادي حاسه انه بيرتعش جامد ..
شادي انت بترتعش جامد ليه !! تعبان !
لا لا دا من التوتر
طيب خلاص تعالا نقعد عالكوشه .. مش عايزاك تضغط علي نفسك و تتوتر عشان الناس .. نبقا نرقص سلو لما نكون ف بيتنا
شادي بصلها ب ابتسامه
قعدو عالكوشه تاني
شادي
نعم
تعرف انا من يومين بس اكتشفت انك اغلي انسان فحياتي .. اكتشفت اد ايه انت عزيز علي قلبي لما بعدنا يومين عن بعض
شادي ابتسم لكلامها
خلص الفرح اسرع مما كانو يتوقعو و روحو بيتهم و طبعا كان فيه عربيات تانيه بتزفهم لغايه بيتهم
ايه يا شادي مش هتشيلني و تطلع بيا شقتنا زي الافلام !
حاسس ضهري واجعني بعدين انتي مش خفيفه عشان اشيلك
حور ضړبته علي دراعه
بتغلس عالعروسه يوم فرحها !
طيب يلا نطلع شقتنا
دخلو الشقه بتاعتهم وكان عاملها مفاجأه فيها .. الشقه مليانه ورد من النوع الي بتحبه حور
بسعاده الله يا شادي ايه المفاجأه الحلوه دي
هو دخل اوضتهم قدامها
احم ينفع تفكلي سوسته الفستان
فكلها السوسته و دخلت الحمام اخدت شاور و لبست لبس ينفع ليوم زي دا
تعالي نصلي الاول يا شادي
يلا بينا
خلصو صلاه و بعدها اخد غطا من الدولاب وكان خارج من اوضتهم
ب استغراب بتعمل ايه يا شادي !
هنام ف اوضه الاطفال
ب استغراب مش فاهمه .. ازاي هتنام يوم فرحنا ف اوضه الاطفال
بس شادي مردش عليها وكان خارج من الاوضه بس حور مسكته من دراعه
شادي قولي فيه ايه !!
مش عايز اتكلم دلوقتي يا حور .. لو اتكلمت دلوقتي هجرحك ف سيبيني اروح انام هناك
لا يا شادي قولي الاول فيه ايه
بزعيق حور قلت سيبي دراعي !!
دي كانت اول مره من لما اتخطبت لشادي يزعقلها .. اول مره من ٣ سنين
سابت ايده وهي بټعيط بس هو حتي مهتمش لعياطها و خرج من الاوضه
نامت عالسرير وهي بټعيط بصوت عالي
اوضه الاطفال كانت جمب اوضتهم ف كان شادي سامع صوت عياطها طول الليل .. هو كمان مقدرش ينام
الصبح
خبط علي باب اوضتهم
حور فتحتله و الكحل سايح من عينها و وشها باهت من العياط
اهلنا جايين بعد شويه .. خبطت عشان اخد اللبس الي هستقبله بيهم وياريت انتي كمان تغسلي وشك و تلبسي لبس تستقبليهم بيه
حور مردتش عليه وهو دخل الاوضه في صمت و اخد لبسه وخرج
الجرس رن ف شادي راح يفتحلهم
اهلا اهلا بالعرسان ..
ازيك يا حماتي
ام شادي عيشت وشوفتك عريس يبني
ابو شادي عقبال لما نشوف عيالك يا شادي
دخلو هما التلاته الشقه وقعدو فالصاله
ام شادي اومال فين عروستنا الحلوه
انا هروح اشوفها
ام حور راحت تشوفها اما شادي قعد مع اهله وهو بيتظاهر بالفرح وان كل حاجه بخير
الام دخلت اوضه حور وشادي و اټصدمت لما شافت حور قاعده عالسرير بټعيط وحالتها تصعب عالكافر ..
ايه الي حصل !! بټعيطي ليه ! شادي زعلك !
بعياط ماما شادي مقربليش..
يعني ايه الكلام دا !
بعياط زي مبقولك يا ماما
لا انا مش مصدقه .. دا شادي كان بيعد الايام لغايه يوم فرحكم .. الي بتقوليه دا مش منطقي
بعياط اكيد قاله و بعتله الفيديو
ام حور مسكتها جامد من دراعها
مين الي قال و فيديو ايه !!!
بعياط ماما سيبي دراعي انتي كدا بتوجعيني
انطقي !!
بعياط مالك .. هددني امبارح انه هيبعت فيديو لشادي لو مرحتش معاه وسبت الفرح
الام بدأت عينها و وجهها يحمرو من الڠضب
مالك !!! فيديو ايه دا يبت انطقي جبتيلي العاړ
بس حور مكنتش بترد عليها .. اكتفت بالعياط بس
بزعيق انطقي بقول !!!
بعياط فيديو .. فيديو ليا وانا بقرب من مالك فالشركه ..
الام قعدت تلطم علي وشها
يخراب بيتك يا سوزان بنتك جابتلك العاړ
بعياط يماما والله م حصل حاجه بينا ..
انتي تحاولي تصلحي علاقتك ب شادي .. اتقلبي قرد و صلحيها .. لو رجعتيلي وانتي مطلقه قسما بالله م هرحمك يا حور وهنسي ان عندي بنت زيك اصلا
بعياط هو مش راضي حتي يتناقش معايا يا ماما ..
مليش دعوه بالكلام دا .. انا قولتلك اهو لو رجعتيلي وانتي مطلقه مش هيحصلك كويس !!
يتبع
