روايةكان لي ابنا كامله 💔

ده انت هنا عايش انت ومراتك ومش هامك حد ومش عارف تهتم غير بالست سمية عشان كدا انا هاخدها معايا وڠصب عنك
استني هنا أمي مش هتروح لأي مكان
سبحان الله بتقول أمي وانت محاولتش تحسسها بمعني الكلمة دي ولا مرة أنا مش هقدر أسيبها هنا يا أحمد
ما تخليها تاخدها يا أخي وكفاية قهر بقا انا مش قادرة أخدمك انت وامك بوضعي ده
انتى بتقولي ايه !
بقولك الصح انا مش هخدم أمك بعد كدا عاوز تخليها في البيت هاتلها خدامه
......
كانت بتقول كدا من غير أي احراج وكمان في وشي مش عارفه هي جابت البجاحة دي كلها منين بس ع الاقل كدا هعرف آخد ماما معايا 
نزلت بسرعة وحضرت شنطة ماما وآخدتها أنا وأدهم 
وأحمد مفكرش حتي ينزل يسلم عليها أو يوقفنا
نورتي البيت ياست الكل
بنورك يابني أنا عارفه ان انا هتقل عليكوا حقكوا عليا
لا طبعا انتى بتقولي ايه انتى زي أمي الله يرحمها ومحستش بحنيتها غير منك ومبسوط جدا انك هتقعدي معانا
ربنا يجازيك خير يابني ويباركلك في بيتك ومراتك ويرزقك بالذرية الصالحة
يارب يا أمي
أمي ! قولي كدا علطول يا أدهم ربنا بس اللي يعلم معزتك في قلبي قد ايه وانك زي ابني بالظبط
حاضر يا أمي
يحضرلك الخير ياحبيبي
بتتكلموا في ايه من غيري 
وانتى مالك واحد وأمه بيتكلموا بتتدخلى ليه 
انت يا أستاذ متنساش إنها أمى أنا كمان
بس بتحبني أكتر
لا والله
اه حتي اسأليها
بجد الكلام دا يا ماما
لا بحبكوا انتوا الاتنين زي بعض
طلعت لساني لأدهم وقعدنا نضحك كلنا كنا بنحاول نفرحها على قد ما نقدر وبقينا نهتم أكتر بأكلها وعلاجها لحد ما صحتها اتحسنت شوية.
عدي شهرين وأحمد محاولش حتي يرفع السماعه ويطمن عليها رغم انها كانت كل يوم تسألني عنه كنت زعلانه جدا عليها ومتدايقه جدا من تصرفات أحمد اللى نسي ان عنده ام وجات في يوم تعبت جدا وطلبت مني أروح أجبلها أحمد عشان وحشها 
سبت أدهم معاها ونزلت بسرعة على شقة أحمد وقعدت أخبط
أحمد
......
مالك في ايه !
فتح الباب وعلى ملامحه آثار تعب شديد جدا ومتكلمش ولا كلمة دخلت وقعدت جمبه ع الكنبة
أحمد في ايه
دموعه بدأت تنزل وهو بيقولي
عاوزك تسامحيني ياغفران وقولى لأمي تسامحني أنا مش قادر أواجها بنفسي وبعدين هطلب منها السماح بأي عين بعد اللى عملته فيها
طيب اهدي بس وفهمني
بعد ما آخدتي ماما من هنا بيومين سمية وقعت ع السلم وسقطت وخسړت ابني يا غفران حياتي بعدها كانت زي الچحيم كل يوم خناق وزعل وبعدها صحتي بدأت تتدهور وعرفت ان عندي فشل كلوي سمية لما عرفت