رواية مهرة العز الفصل 22بقلم مريم حسين

عند هديه كانت قاعده في اوضتها ماسكه الفستان الجميل اللي اشترته وقاعده تلف بيه....وبعدين الباب خبط ....هديه فكرته عز ف خبت الفستان بسرعه وراحت فتحت وتفاجأت انها سلوى.....
هديه بجفاء:همممم.....عايزة اي
سلوى پحقد:هه....واحدة غريبه قاعده هنا في البيت  ليها كل طلباتها وبتروح وبتيجي وبتشتري فساتين لا وكمان بكل بجاحه مفكراه بيتها عشان تمنعني ادخل وتقولي عايزة اي.....هه انتي نسيتي نفسك ولا اي ياقطه....ده احنا جايبينك من الشارع ونضفناكي....هتعملي فيها صاحبه البيت وتأمري وتنهي
هديه پغضب بس مش بينت ليها وكملت ببرود وقالت 
هديه ببرود:امممم....كل كلامك صح....بس في حاجه غلط صغننه قد كده 🤏.......
سلوى بسخريهوايه هي بقى الحاجه الغلط اللي قد 🤏
هديه باستفزاز:هي انك قولتي هتعملي فيها صاحبه بيت
بس انا مش بعمل صاحبه بيت....عارفه ليه
سلوى:اممم ليه
هديه بضحكه مستفزة:عشان انا اصلا صاحبه البيت وانتي جايه هنا ضيفه زيك زي الشبشب اللي لابساه في رجلك ده....يعني قعادك هنا مؤقت وبعدين هتغوري في ستين داهيه.....
سلوى بغيظ:انتي ناسيه نفسك ولا اي..ده انتي....قاطعتها هديه بجمود....وقالت
هديه بجمود:انا اي........انا هديه حبيبه عز....وقريبا هبقى مراته لانه وعدني ب كده وبما اني هبقى مرات عز
ف هبقى صاحبه البيت...وبما اني صاحبه البيت ف هيبقى ليا الحق اني امشيكي من هنا...زي الكلاب...
ضحكت سلوى بسخريه وقالت:اممممم.....ده انتي عشمك كبير اويييي.....طيب هنشوف مين فينا اللي هتبقى مرات عز....اه....واحب اقولك ان عز بيتسلى بيكي صدقيني....عمره ما هيحبك....هو بيقولك اي كلام وخلاص زي اللي قاله لقبلك....وهتيجي وهتشوفي 
في الاخر ان عز هيطلب مني انا الجواز...
هديه بڼار جواها منها:تمام هنشوف...وقفلت الباب في وشها.....
وسلوى ضحكت عليها وقالت لما نشوف يا هديه...يانا يا انتي........وبعدها دخلت اوضتها....
عند هديه كانت بتولع من الكلام اللي سلوى قالته...وبعدها قالت لنفسها معقوله يكون كلامها صح وعز بيتسلى بيا......لا لا مستحيل عز يعمل فيا كده...انا عرفاه وهو بيحبني مستحيل يعمل كده...هي اكيد غيرانه عشان بتقول كده.....
الباب خبط تاني....
هديه قامت پغضب وقالت 
هو انتي مش هتت......
هديه بحرج:انا اسفه....فكرتك سلوى.....

رفيف واقفه في اوضتها وقاعده بتدور على فستان حلو عشان تروح بكرة بيه حفله عيد الميلاد....
وبعدها دخلت عليها مامتها...
مامت رفيف باستغراب:مالك يارفيف قالبه الدنيا كده ليه
هو انتي راحه في حته ولا اي...
رفيف:ايوة ياماما عندي بكرة حفله عيد ميلاد وبدور على فستان حلو عشان اروح بيه...
امها باستغراب:حفله عيد ميلاد مين....وكمان انتي من امتى وانتي بتروحي أعياد الميلاد بفساتين؟؟؟؟
رفيف بتوتر:اه.....ماهو اصل هي حفله عيد ميلاد واحدة بسم الله ماشاء الله غنيه وهيبقى في الفيلا بتاعتها بقى وكده واكيد كل المعزومين هيبقوا جاين بفساتين وبراندات...... ف لازم يكون عليا القيمه....
امها:بنت غنيه......دي مين دي....وكمان ايه اللي يوديكي حفلات زي دي
رفيف بتوتر:زميلتي ياماما في الجامعه واكيد يعني مش هقولها لا...
امها:خلاص يبقى متروحيش...وابقى اعتذري ليها وقوليلها اي حاجه وخلاص....واكيد يعني مش هتقف عليكي 
رفيف:ياماما منا لازم اروح....مينفعش مروحش
امها بشك:ليه يعني مينفعش...
رفيف بتوتر:يعني عشان.....هو..
امها بمقاطعه لكلامها:رفيف بطلي لف ودوران...قوليلي يلا الحقيقه في اي
رفيف بتوتر:هو يعني ....ياماما....لازم اروح عشان مهرة
امها پصدمه:مهرة.....
رفيف خدت نفس وقالتلها:انا هحكيلك كل حاجه....
وحكت رفيف كل حاجه لمامتها من ساعه الحاډثه لحد ما شافت مهرة الصبح...
مامتها بفرحه:بجد.....يعني اخيراااا لقيتوها....الحمد والشكر ليك يارب.....انا كان قلبي واجعني عليها اويي
الحمدلله....بس هو انتوا ليه مش عايزين تعرفوها الحقيقه وترجع بقى لابوها اللي ھيموت عليها...
رفيف:منا قولتلك يا ماما....عشان عبير متعملش حاجه فيها....خصوصا بعد ما شافتها وعملت نفسها متعرفهاش