سكريبت رووووعه كامل

_ النهارده عيد ميلادك. 
_ تصدقي كنت ناسيه انت اللي فكرتيني. 
_ حد ينزل الشغل يوم عيد ميلاده !. 
_ اه انا. 
_ انت حتي مخدتيش اجازه مكافأة لنفسك ترتاحي. 
_ يوم زي اي يوم يا ندي اي الجديد !. 
بصتلي بحزن ظهر علي ملامحها  
_ لا مش زي اي يوم ده يوم ولاده القمر. 
هزيت اكتافي ب لا مبالاه  
_ بالنسبالي عادي واسوأ يوم وبعدين ذكري مش عيد. 
ضړبتني بالازازه علي دماغي بهزار  
_ لا هنحتفل.
ابتسمت بقهره  
_ معنديش حد يحتفل معايا او بيا يا ندي انا لوحدي. 
قربت مني بحزن ومسحت دموعي بطرف ايديها  
_ انت بټعيطي والله هعيط معاك وبعدين انا روحت فين. 
ضحكت من وسط عياطي 
_ انت موجوده بس فيه حاجات تانيه ناقصه. 
بصتلي بقهره وطبطبت عليا  
_ اخوك ده عاوز الق_تل. 
ابتسمت بهدوء  
_ انا كمان نفسي ارتاح يوم بس مجبوره انزل الشغل عشان ابعد عن وشه. 
_ نفسي اعرف ازاي مامتك سامحه بكده. 
مسحت دموعي بضعف  
_ عاوزه اي من واحد بيشرب مخد_رات ده مش بعيد يق_تل اخته ومامته عشان الفلوس.
_ طب وباباك. 
بصتلها بدموع وانا عيني مورمه 
_ يمكن هو السبب في كل اللي احنا فيه الوقتي. 
بصتلي بحزن علي حالي 
_ ازاي هو مش عايش معاكم. 
_ هو كمان كان بيشرب انا مش ناسيه ضربه ليا وعن_فه وسابنا ومشي هرب بمعني اصح مكنش قد المسؤولية منعرفش عنه حاجه مش عارفه هو عايش ولا مي_ت واخويا اتجه للقرف ده مبقناش قادرين نسيطر عليه اضطريت انزل اشتغل ف سن صغير لحد ما بقيت كده الوقتي قدامك عشان اقدر اوفر احتياجات ليا وللبيت. 
_ طب وقرايبك. 
_ كل واحد بيقول يارب نفسي كل واحد ف حاله محدش قلبه هيكون عليك لان ببساطه كل واحد فيه اللي مكفيه . 
بصتلي پقهر ولسانها عجز عن الكلام 
_ انت ازاي شايله كل ده ومكمله. 
عيطت پقهر 
_ عشان لازم اكمل واحارب عشان لو وقعت محدش هينفعني.
قربت مني وحضنتني فضلت تطبطب عليا المدير جه قرب مننا وكان شكله ميبشرش بالخير نهائي اتكلم بزعيق 
_ والله عال سايبين شغلكم وقاعدين تتكلموا !. 
رفعت رأسي بارهاق وكان باين عليا التعب  
_ انا اسفه مش هتكرر تاني . 
بصلي بهدوء وحمحم بخجل 
_ انت كويسه !. 
حاولت ابصله واتكلم من غير ما اعيط لكن فشلت  
_ كويسه. 
قرب مني واتكلم بقلق ظهر علي ملامح وشه 
_ عائشه انت كويسه مالك. 
_ انا بس تعبانه شويه ممكن استأذن. 
_ طبعا تقدري. 
اتدخلت ندي بسرعه 
_ ينفع انا كمان استأذن. 
بصلها برفعه حاجب فتابعت كلامها بسرعه 
_ والله انت بتسوء الظن هوصلها البيت عشان تعبانه. 
اتكلمت وانا بحاول اخرج كلامي بشكل مظبوط 
_ لا يا ندي خليك انت متقلقيش عليا. 
_ بس يا.. 
_ من غير بس مش هيبقي انا وانت. 
اتدخل واتكلم بقلق لفت انتباهنا  
_ انا هوصلها.
بصينا لبعض انا وندي پصدمه وكان باين علي ملامحنا الاستغراب تابع كلامه بسرعه بصرامه 
_ عشان بس انت هنا شغاله عندي ولو حصلك مصېبه لقدر الله هيسببوها فيا. 
هزيت راسي بهدوء 
_ لا متخافش مش هسبب لحضرتك مشاكل. 
اتكلم پحده رعبتني 
_ انا قولت اللي عندي اتفضلي قدامي عشان اوصلك. 
قربت مني ندي حضنتني وهمست بجانب اذني 
_ خليه يوصلك كده هبقي مطمنه عليك.
اتنهدت بهدوء وافقت واتحركت معاه قرب وفتحلي باب العربيه بهدوء لكن قبل ما اركب قولتله 
_ انا مش هروح علي البيت. 
_ امال علي فين. 
_ عاوزه اروح علي البحر ف هروح انا. 
_ طب يالا هوصلك. 
_ مش عاوزه اتعبك معايا. 
بصلي بنظره خلتني اسكت خالص 
_ اتفضلي هوصلك. 
_ شكرا ليك.
فتحلي باب العربيه وركبت مديت