القصة كاملة 👈المتطفلة👉 👇👇👇👇👇👇👇👇👇👇 = خير يا انسه في حاجه؟ - هو انا شكلي ۏحش؟ = نعم؟
- اه بس اكيد قولت كدا في سرك
= سري وانا حر فيه
- لا سرك ميجيبش سيرتي علي لسانه ،احسن والله ا..اا..اقطعه واخليك ماشي من غير سر كدا والناس تقول اللي من غير سر راح اللي من غير سر جه
= ما علينا..شكلك حلو النهاردة
- انا ديماً شكلي حلو
= لا هتتغري شويه كمان هقوم امشي
- بجد شكلي حلو؟
= اه وشعرك شكله جميل
- اه منا حطاله زيت غالي..فاكرني بستخدم حاچات مش غالية؟ لا دا انا بنت ناس اوي لعلمك
ضحك وبعدين قالي بتقرأي ايه پقا؟
- بقرأ رواية لـ حسن الجندى
= بتحبي تقرأيله؟
- اه بحب اقرأله اوي
= القراءه حاجة حلوة جداً..المهم انا مضطر امشي علشان لو اتأخرت عن كدا هيطردوني من الشغل
- طيب وايه يعني ما تطرد علشاني؟
= انا ماشي يا هدي قبل ما اشتم
- متقدرش تشتمني اصلاً لعلمك
= ليه هتضربيني؟
- لا هعيط
فضل يبصلي ويضحك
- هعيط لو شتمتني والله مبهزرش!
= مټخافيش انا محترم..سلام
تاني يوم جه بدري يقعد معايا قبل شغله
- هو انت ليه بتتعب نفسك وتيجي بدري وبعدين تروح شغلك؟ قصدي ليه غاوي فرهده لنفسك؟
= بحس بأنبساط وانا قاعد معاكي ، انتي پقا بتيجي تقعدي هنا كل يوم بدري ليه؟
- خلصت دراسه من فتره ، ومعنديش صحاب ف بتبسط لما بكون هنا وبستمتع بالقراءه هنا
= اممم..طيب علفكرا انا جبتلك هديه علشان اصالحك
- تجيبلي هديه ليه انت تعرفني؟ قصدي هتصاحبني يعني؟
لا مش قصدي كدا..قصدي انت ليه تجيبلي هديه انت جوزي؟ يوووه..جايب هديه ايه وريني
= دبش..دبش كتير طفح في وشي..هو انا بقولك تعالي نروح اوضه في فندق؟
- احترم نفسك!
= اسف مقصدش ، اتفضلي
لقيته جايبلي روايه لـ حسن الجندي ، فرحت..اول مره يجيلي هديه..فضلت بصاله وساکته
- ايه عجبتك؟
= مش عارفه اعبر بس انا حقيقي مبسوطة
- ضحكتك حلوه..افضلي اضحكي ديماً
