رواية حواديت مريم وجون2 الفصل الأخير
ده كتير
اتنهد_مريم أنا زهقت يا مريم بجد نفسي في حته عيل منك يا مريم
بدأت الدموع تتجمع في عيني_وأنت أكتر حد عارف إني خاېفه قد ايه
بصلي وأتكلم بنرفزة_منا كنت طول الوقت عمال أطمنك وأنت برضو خاېفه أعمل ايه أكتر طيب قولتلك أنسي اللي عيشتيه مع أهلك وأنت مصرة تعيشي دور المكتئبة!!!!
بصيتله بصدمة_صعب علي بنت زي عاشت ٢٥ سنه في الهم ده تنسي بسرعه حتي لو حاولت أنسي هفتكر يا چون!!!!
بصلي بعصبيه_وانا مش مجبر علي كل ده يا مريم أنا كل اللي عايزة هو طفل
بصيتله بزعل ودموعي نزلت
اتعصب أكتر_هو أنا كل مهكلمك ټعيطي دي عيشه تقرف
نهي كلامه وهو بيخرج برا البيت وبيقفل الباب پعنف
اتنفضت من أثر الصوت ونزلت علي الأرض فضلت أعيط بحرقه لأن دي أول مرة النقاش يبقي حاد بينا ويسيب البيت!الساعه واحده!!
فضلت أعيط عيطت كتير أوي طبعا مكنتش هعرف أنام لأني مبعرفش أنام غير في حضنه
فضلت أرن عليه مكنش بيرد وفضلت أبعتله مسدچات
_چون أنت فين
عشان خاطري رد
طب رد عشان خاطري أرجع ومش هزعلك تاني
هعملك كل اللي أنت عايزة بس أرجع
أبوس إيدك عشان خاطر مريم
من كتر العياط مكنتش شايفه قدامي أصلا رنيت عليه تاني فجأة رد
أتكلمت بلهفه وصوت مليان عياط_چون عشان خاطري أرجع أنت فين أنا خاېفه
أنا تحت يا حبيبتي مټخافيش طالع أهو
قفلت معاه وكنت مستنياه بفارغ الصبر
أول ما سمعت صوت الباب بيتفتح جريت عليه وحضنته جامد وفضلت أعيط
_أنا آسفه متزعلش مني حقك عليا أنا غلطانه
طبطب علي ضهري بحنان وباسني بلطف_مش زعلان صدقيني يا سكرة وأنا كمان آسف إني عليت صوتي عليكي وسيبتك لوحدك في وقت زي ده وعارف أنك پتخافي حقك علي عيني يا نور عيني
اتنهدت بحزن_أنا عارفه إني غلط وأن تفكيري غلط بس صدقني خاېفه خاېفه أجيب أطفال معرفش أربيهم تربيه صالحه
مسك ايدي بحنان_طول م أنت خاېفه من ده يحصل فأعرفي أنه مش هيحصل وأنك هتحاولي بكل جهدك عشان تربي عيالك صح
صدقيني أنت هتبقي أحلي وأجمل وأحن أم في الدنيا
مر شهرين واكتشفت إني حامل
_بقولك
قولي يا سكرة
_عايزة أشتري هدوم لحموكشا
بصلي
باستغراب_حموكشا مين
_حموكشا ده
وشاورت علي بطني
بصلي پصدمه وقام بسرعه قرب مني_أنت حامل
هزيت راسي ودموعي نزلت
حقيقي كان فرحان أوي
هو يستاهل كل خير
وحقيقي كان مستحملني بجد في فترة حملي كان إنسان حنين أوي عليا وفعلا بابا مغلطش لما أجبرني عليه كان أحلي وأعظم إجبار
تمت
حواديت_مريم_وچون ال٢
بقلم_ڤونا
