رواية قدر لنا اللقاء الفصل 12

اللي افتقدته.
تاني يوم شروق بتفتح عيونها لقت محمود ساند راسه على إيديه وبيتأملها بحب شروق بكسوف صباح الجمال أنت صاحي من أمتى
محمود وهو بيشيل الخصلة من على وشها بحب صباح كل حاجة حلوة أنا صاحي بقالي ساعة كدا.
شروق بذهول بقالك ساعة قاعد كدا وبتبصلي!
محمود هز راسه وقال ايوا أنا حر اتأملك براحتي أنتي ملكي وبعدين في حد عاقل ميعملشي كدا.
شروق بحب عيونك اووي يا محمود.
بقلمي ريهام أبو المجد 
محمود قرب منها وباسها بحب وشوق وبعد عنها وقال وأنا بحبك كلك على بعضك
شروق اتحرجت اووي وحطت اللحاف على وشها فهو قرب منها وشال اللحاف وبعدين شالها وهي قالت بتعمل إية وشايلني كدا لية
محمود بضحك هوديكي الحمام عشان متتعبيش وتمشي على رجلك.
شروق والله أنت مچنون.
محمود بضحك اه ما أنا عارف.
الساعة ٣ كانت مروة وسارة وصلوا شرم الشيخ ووصلوا الفندق في الوقت دا كانت شروق واقفة قدام المراية وبتعدل هدومها محمود حاوطها وشروق جسمها اتنفض وقالت محمود اتلم كدا عيب.
محمود بصلها وهو رافع حاجبه وقال والله أنتي مراتي وحلالي أنتي ناسية
شروق بضحك لا مش ناسية بس عيب بردك أنت بتحرجني.
محمود شالها فجأة وبدأ يلف بيها وهي أتعلقت في رقبته وقالت أنت الحالة جاتلك يا حبيبي.
محمود بضحك ڠصب عني كل إما أشوفك أفقد السيطرة على نفسي.
شروق ضحكت وبعدين لفت وقالت إية دا لسه ملبستش القميص يا محمود أنت بتهزر هتاخد برد يا حبيبي.
محمود عايزك أنتي اللي تلبسهولي إية أجرمت
شروق ضحكت وقالت هنبتديها بقى شغل الأطفال دا.
بعدين فتحت الدولاب وأختارت قميص أسود وقالت قرب عشان ألبسهولك اتأخرنا زمانهم مستنينا تحت.
بقلمي ريهام أبو المجد 
وبدأ تلبسه ومحمود مبتسم ومستمتع اووي وهي بدأت تقفله 
محمود بضحك مش لسه قايلك مبقدرشي أسيطر على نفسي لما بشوفك.
شروق ضحكت بغلب وبدأت تعدله لياقة القميص وعطته ساعته والبرفيوم بتاعه وباسته في خده بحب وهو ابتسم وجهزوا ونزلوا ومحمود ماسكها من وسطها.
كان الكل مستنيهم تحت على البحر في قاعدة جميلة وفجأة مروة وسارة ظهروا فالكل أستغرب وأيمن قال بتعملوا إية هنا وجيتوا إزاي
مروة بخبث أصل سارة كانت زهقانة وعايزة تقضي الأجازة هنا فمقدرتش أقولها لا وأكسر بخاطرها وعمها سابها لوحدها.
أيمن بزهق طيب خلاص المهم هتقعدوا قد إية
سارة مالك يا عمي شكلك مدايق كدا لية
أيمن لا يا حبيبتي مش مدايق أنا بس بسأل والدتك.
سارة هنقعد أسبوع يا عمي.
أيمن براحتك يا حبيبة عمك.
سارة بدأت تدور بعنيها على محمود فقالت هو فين محمود يا عمي هو بيشتغل
ميرا بشماته وضحك محمود مش فاضيلك دلوقتي ولا حتى للشغل.
سارة بإستغراب يعني إية مش فاهمة.
هيام أصل بعيد عنك مشغول مع صاحبتي شروق.
سارة بغيرة وغل ودا لية إن شاء الله
لارين بضحك بصي وراكي وأنتي تفهمي.
سارة ومروة بصوا لقوا محمود جاي هو وشروق ومحاوطها من وسطها وبيضحكوا سوا وماسك إيدها وبيبوسها.
نادية بتوجه كلامها لمروة وقالت مش تقوليلي مبروك يا مروة أخص عليكي.
مروة بعدم فهم مبروك على إية
نادية على جواز ابن قلبي محمود وشروق حبيبة قلبي
مروة وسارة پصدمة إية!
رواية_قدر_لنا_اللقاء
الكاتبة_ريهام_أبوالمجد