رواية شجن الفصل 15

بيكي رميتي أمير ولولا أنا شوفتك وإنتي بتسبيه في الشارع كان زمانه مېت دلوقت وروحتي جريتي ورا الفلوس واتجوزتي راجل غني وجابت بعدها تقولي ابني وسكنتي جنبنا لكن لما ربنا رزقك ب علي نسيتي أمير تاني ومبقتيش تيجي غير كل فين وفين أنا ربنا مكتبليش الخلقة لكن أنا حسيت بكل معاني الامومة تجاة أمير أمير دا حتة مني أمير دا إبني أمير دا عوض ربنا ليا عن عدم الخلفه والحمد لله ربيت وعلمت وطلع ظابط قد الدنيا زي أبوه اللي هو كان جوزك عرفتي بقا يا سعاد أنا مش عاوزه اعرفه إنك أمه ليه عشان إنتي مينفعش تكوني أم الام هي اللي تربي وتداوي وتسهر وتاكل وتلبس وتهتم وتكبر وتسند وتجوز مش اللي تولد وترمي.
سعاد اڼصدمت من كلام غادة ومعرفتش ترد عليها لكن كل اللي عملته أنها فضلت ټعيط بحرقه وانكسار ولأول مرة تكون بالشكل دا جبروتها كله وقع مرة واحده وبقا تحت رجل غادة وغادة طلعت قوتها كلها في اللحظه دي وأثبتت حبها لأمير وأنها خاېفه عليه وشجن سمعت الكلام دا كله وعرفت الحقيقه كلها ونزلت تحت تاني لكن استغربت أن ماهر هو كمان بيضغط على غادة واخد أملاكها لي مش المفروض ماهر هو اللي واخد أمير معاها عشان يربيه لأنهم معندهومش اطفال وطلعت فعلا انجلطت بسببه اهو بسبب ماهر!.
____الڪاتبة_آية_أحمد_أبوداعوس_______
فات كذا يوم بعد ما الأمور كانت هادية لكن حالهم خبر أنهم لقوا مكان علي وأمير لبس هدومه بسرعة وراح المكان اللي المفروض علي فيه عشان يقبض عليه لكن ملقاش علي وقتها في المكان واتضح انه هرب قبل ما يوصل البوليس لأن كان موجود أكل وحاجات تدل إن حد كان قاعد هنا
يومها بالليل بعد ما أمير جيه ونام شجن شافت نفس الخيال اللي كانت بتشوفه قبل كده واللي اخر مره شافته يوم ما حارس الجنينه بعد ما راحت سألته إذا كان شاف أو سمع حاجة وهو نكر 
شجن صحت أمير من النوم لأن لقت نفسها خاېفه و دايخه وهي قبل كده وعدت أمير إنها مش هتخبي عليه حاجه تاني ولا هتتصرف من دماغها فصحت أمير وقالتله أنها شافت خيال في الجنينه تاني امير صحي بسرعه مغزوع وقالها خيال!! يعني احنا كده ممكن نوصل للقاټل اللي دبح الجنايني
شجن ايوه يلا قوم بسرعة.
أمير بص من البلكونه بتاعت أوضتهم وفعلا سمع نكش تحت وشاف خيال فكلم مجدي صاحبه وخلاه يجيب قوة وتيجي على البيت مجدي إستغرب في وقتها لكن أمير قاله إعمل اللي بقولك عليه مفيش وقت أشرحلك دلوقت.
نزل أمير ومعاه شجن وشاف بالفعل خيال
جاي من ناحية الأوضة المهجورة اللي قفلها مصدي ومحدش بيفتحها نهائي من يوم ما وعي وبدأ يفهم وهو طول الوقت