رواية الشاهدة الفصل التاسع

المعلومات سريه بتطلع من عندك ياسيادة الظابط
الظابط . لأ.. المره دى انا متأكد أن المعلومات ماطلعتش من عندنا أنسه فرحه انت قولتى لمين عن الشخص ده
فرحه ٠ ولا حد ولا حتى ماما و بابا ماحدش يعرف عن الموضوع ده حاجه
الظابط . وانت يا استاذ آدم 
آدم . مافيش حد. لأ استنا انا قولت لعمتى و كانت موجوده مرات بابا اه و عمى سراج بس طبعآ عمتى وعمى سراج دول فوق مستوى الشبهات 
الظابط . شغلتى علمتنى مافيش حد فوق مستوى الشبهات
أدم ٠ دى عمتى نيره اخت والدى وعمى سراج صديق العمر لبابا
فرحه ٠ بس رؤوف بيه قالك ماتسدقش حد
نظر آدم لفرحه بأستغراب
الظابط ٠ امتى رؤوف بيه قال الكلام ده 
آدم ٠ دى حاجه بينى وبين والدى
الظابط . طيب فرحه ازاى عرفت إللى بينك وبين رؤوف بيه
نظره آدم إللى فرحه و قالها 
آدم . اتفضلى ردى 
الظابط ٠ واضح ان فيه حاجه انتو الاتنين مخبينها عليا استاذ آدم اظن احنا دلوقتى فى ثقه بينا مش من مصلحة ايه حد فينا انه يخبى حاجة عن التانى
آدم ٠ بابا هو بېموت بعت ليا رساله شخصيه مع فرحه 
الظابط . ممكن اعرف مضمون الرساله
آدم ٠ اسمعنى انا استاذ قانون اكيد لو رساله فيها اى حاجه هتفيدك انا كنت قولتلك بس فيها حاجه واحد هى إللى ممكن تفيدك
الظابط . و ايه هى 
آدم ٠ انه بيقولى انى عندى حق
الظابط . ده معناه ايه
آدم . انا كنت مش موافق على جواز بابا من نرمين وحصلت مشكله جامدة بينى وبين بابا وبعدها سبت البلد وسفرت بعد ما سفرت بابا اتجوز نرمين
فرحه ٠ تقصد. انك عندك حق فى رأيك من جواز رؤوف بيه من نرمين
آدم . بالظبط 
فرحه . صح ده بيأكد كلام رؤوف بيه ليا عن الخيانه
آدم . ايوه ده كمان إللى انا فهمتو من كلامو إللى قالو ليكى
الظابط . واضح انكم على تواصل مع بعض
نظرت فرحه إللى آدم و قالت بأحراج 
فرحه . ده عشان خاطر اوصل رسالة رؤوف بيه لأدم دلوقتى خلاص هو عرف إللى كان عايز يعرفوا وخلاص مابقاش محتاجلى
آدم . قصدك ايه انى عرفتك عشان لمصلحتى
فرحه . انا ماقصدش كده على فكره
آدم ٠ بعصبيه والله طيب فهمينى تقصدى ايه
فرحه ٠ لو سمحت متتعصبش عليه انت كده بتوترتى
الظابط ٠ انا اسف انى بقطع كلامكم بس متهيألى فى قضية المفروض نحلها
آدم ٠ اه عند حق انا هروح الشركه و احاول اجمع معلومات عن نادر مصلحى ده
الظابط ٠ انت كدا بتفكر كويس وانا كمان بوعدك انى هعرف الواد ده مستخبى فين
آدم ٠ طيب نرمين اظن بردوا فى حاجة مش مظبوطه فيها
الظابط ٠ ده بخصوص كلام رؤوف بيه عن الخيانه
آدم . لا مش
كدا وبس انا بعد ما فرحه قالتلى بابا قالها ايه بحثت وراها هى قالت إنها كانت فى بيت أمها عشان كانت تعبانه وقت مۏت بابا
الظابط . صح ده مذكور فى التحقيقات
آدم ٠ ان بقى عرفت إن أمها عند اخوها فى الغردقه من قبل ما بابا ېموت بشهرين يعنى هى كدبت و ماكنتش عند أمها
الظابط . كدا احنا عندنا اتنين مشتبه فيهم
نرمين زوجة رؤوف الحجى 
نادر مصلحى
يتبع