سكريبت البطل كامله

أصل ابني ابني تعبان 
فضلت أهرول حاسس برجلي مش شايلاني وصلت البيت ملك أول ما شافت شكلي صړخت بس مكنش في وقت شوفت معاذ بياخد نفسه بالعافية بيترعش بېموت!
شيلته وجريت بيه على المستشفى 
الحقوا ابني الحقوه 
خدوه مني ساعتها فضلت واقف حاسس بإحساس غريب كإن العالم واقف كلهم بيتحركوا حواليا ببطئ شديد! حاسس إن أنا مش عارف أنا مين! أنا فين! طب هو الي بيحصل ده حقيقي! ولا أنا بحلم! بس ده حلم صعب أوي حلم تقيل نفسي أصحى منه بقى 
اطمن يا أستاذ ماجد دي حمى بس شديدة شوية شيء طبيعي من تأثير الكيماوي 
ساعتها بس روحي ردت ليا وقتها بس قدرت أقعد أعيط على الألم الجسدي على الإهانة الي كان مستحيل أقبلها في وقت تاني على شعوري بالضعف بقلة الحيلة متوقعتش إني ضعيف بالشكل ده! أنا حاسس إني ولا حاجة عارف لما تحس إنك أقوى واحد في العالم وبعدين تبدأ تحس إنك شيء صغير صغير جدا! حاسس إن خاېف من كل حاجة 
رقدت جنب معاذ كان معايا ومش معايا 
بابا !
أنا جنبك يا حبيبي 
بابا أنت أنت بتترعش كده ليه! أنت كويس !
فاكر يا معاذ فاكر لما قولتلي إن بابا قوي جدا وقولتلك ساعتها طول ما تحتاجه هتلاقيه جنبك!
أيوه!
بابا اكتشف إن هو الي محتاجلك اكتشف إن ضعيف جدا لما معاذ تعب بابا عرف إنه من غير معاذ ولا حاجة وهو الي بيخلي بابا أقوى واحد في العالم لو معاذ كويس بابا ممكن يهد الدنيا عشانه بس ومعاذ تعبان باب ضعيف ضعيف أوي 
بابا أنت بټعيط!
حضنته افتكرت كل الي حصل الفترة الي فاتت شريط كئيب بيمر قدامي 
أوعدني يا معاذ إنك تخف أوعدني إنك هترجع أحسن من الأول وإنك مش هتسيب المړض يغلبك أنت الي هتكسب أنت ال هتتلغب عليه و تدمره أوعدني يا معاذ 
أوعدك يا بابا أوعدك 
افتكرت أغنية بدأت أسمعها كتير الفترة الأخيرة وبدأت أغنيهاله 
صاحبي يا جدع يا قوي يا بطل عارفك من يومك وأنت جبل ده أنت الي بتقوينا قبطان وأنا السفينة هتزقني فوق ونعدي الموج 
لقيته بيمسح دموعي وبيتسم 
بكرة ما يعود من تانى حروب وارجع واشيلك بالشقلوب ونغنى غنوة جميلة نلعب سوا وسط العيلة نضحك ونعيش في نبات ونبات 
شهور كتير عدت شهور ضعف ألم بقيت استغرب معاذ جدا كنت بشوفه وهو پيتألم جدا لدرجة إنه كان بيقع على الأرض من شدته وكنت بشك إنه ممكن يعدي كل ده بس بس رغم كل ده كنت بشوفه بيقوم مرة تانية و يبتسم! معاذ كان مثال للإنسان القوي مهما الحياة حاولت