رواية زاي اطفش عروسة بابا الفصل 1-2-3-4-5
يكون شبهك كده ..
حديثها العفوي ضحكه شدته قدرة الطفلة على نخطي اللي حصل قبل شوية بمنتهى البساطة بروحها حلوه دخلت قلبه جاوب على اسئلتها الفضولية بصعوبة قدر عمر يقنعها ترجع معاه على مكتبه باقي ساعات شغله ..
عمر بحنية شالها على ايده و شنطتها بإيد _ غفران يلا هنرجع على بيتنا عايزة أجبلك ايه في طريق الرجعة مكافئة لبنوتي على هداوتها ..
غفران بتثني صباعها واحد ورا الثاني _ لو ينفع تجيبني بكره معاك هبقى متشكرة متبقاش تفكر في موضوع الزواج الغيه من دماغك خالص و ..
عمر قاطعها _ و ايه كمان يا رغاية بقلك حاجة نجيبها فطريق الرجعة بنبوني لعبة ..
غفران دورت وشها الناحية الثانية _ لا شكرا ..
جابر التقى بيهم في الطرقة و اتضح انه جاي مخصوص عشان يشوف غفران _ ايه رأيك لو بابا معندوش مانع تجي نلتقي في الحديقة ..
غفران بحماس بتتنطط _ بجد يعني هتجيب ولادك لي قلتلي عليهم ..
جابر ضحك _ ايوه وعدتهم اخدهم بعد الشغل اجيت أشوف لو الأميرة تحب تتنازل تلعب معاهم ..
رغبتها ظاهرة على وشها بس لفت تشوف رأي أبوها هز راسه دلالة على الموافقة بعد تقصيره في حقها اليوم هيعملها كل اللي نفسها فيه ..
في الموعد المحدد الحديقة المعلومة قاعدة جنب أبوها بتمرجح رجليها شواربها مغرقين عصير بتشربه نطت أول ما لمحت جابر جاي عليهم بقت تلف حولين ولاده الإثنين هما نسخ مصغرة طبق الأصل عنه ..
غفران بتصفق _ الله دول شبهك خالص خالص اسمك ايه انا غفران ..
ده علي و ده أخوه الصغير سليم و أنا مامتهم ياسمين واضح شديتي انتباه جابر ليه عسل يا غفران بتمسح العصير من بقها بشويش ..
جابر _ مراتي ياسمين هتاخد بالها من الولاد هيتسلو سوى و احنا هنمشي نشرب قهوة مع بعض مش كده يا عمر بلاش رسمية بقينا صحاب ..
غفران نفخت خدودها _ افرح يا عمر هتاخد بريك مني تلاقي أعضاءك الداخلية و الخارجية بتزغرت ..
فنانة في اختيار كلمانها خلتهم ېموتو من الضحك بعدها ياسمين أخدت الولاد تلعب معاهم ادتهم كورة و هما بسرعة انسجمو مع بعض ..
سليم ساب الكورة و جري عند والدته _ ماما اربطيلي الشوز بتاعي ..
علي هو الثاني ساب اللعب جري عند مامته _ ماما عطيني اشرب عطشان ..
ياسمين بحنية _ حاضر يا حبيبي استنى شوية ..
غفران بتبصلهم من بعيد بتلعب بالكورة لحالها _ انا معنديش ماما ليه هو ربنا مبيحبنيش عشان كده أخدها مني بس معملتش حاجة وحشة ..
قعدت على كرسي مرضيتش بعدها تقوم تلعب معاهم بس قاعدة بټعيط حتى ياسمين فشلت تهديها بس قعدتها على رجلها بتستنى رجعة أبوها بعد ما اتصلت على زوجها تستعجله في رجعته البنت مش مبطلة عياط ..
عمر اتنهد بثقل خباها فحضنه بيطبطب عليها _ خلاص يا بابا اهدي بطلي عياط اجيب أهو ..
جابر _ هي مالها .. انتو تخانقتو معاها يا ولاد ..
عمر بيبص على وشها محمر زاي _ لو هما اللي مزعلينها كانت عضتهم بسنانها بنتي و حافظها بتوصل للحالة ديه لما تفتكر امها الله يرحمها ..
الساعة ثلاثة بالليل بتتقلب على السرير يمين شمال وشها عرقان
فجأة فزت قايمة من السرير جريت على أوضة أبوها تفيقه في نص الليل ..
غفران بتهز ذراعه في الظلمة _ بابا اصحى بسرعة بابا يلا بقا فوق ..
عمر قام مخضوض شغل كل الأضوية بص عليها پخوف فاكرها تعبانة _ مالك يا غفران فيكي حاجة ..
غفران بوزت _ ينفع تطلب من عمو جابر يتبناني ..
يتبع ..
