رواية بوادرعشق من الفصل الأول إلى الفصل الثامن

وهي بتقول _ اي في أيه ياتمنى انتي لسة سايباني مكملناش نص ساعه 
الله.!!
تمنى_ فريدة قدامك نص ساعه تروحي البيت تطلعي اوضتي تجيبي الرخصة بتاعتي من درج الكومود تنزلي هبعتلك لوكيشن تكوني فيه 
فريدة باستغراب_ كل دا ف نص ساعه 
تمنى _ اتصرفي ...دا الظابط بيقولي هاخدك عالبوكس 
فريدة بخضه _ بوكس بوكس اي ياتمنى وظابط مين دة
تمنى _ يابنتي عديت على كمين وطلبوا الرخص وملقتهاش ف العربية بت بقولك اي انجزي انا هقفل سلام 
فريدة_ طب طب المحاضرة بتاعتي طب 
تمنى بسرعة_ ابقى خديها من اي حد من صحابك يافريدة اتصرفي بقولك هتحبس 
فريدة_ طيب طيب حاضر 
تاااكسي ايوة ايوة بت بقولك ايه سلام انا مروحه اهو 
وقفلت 
تمنى بعتتلها اللوكيشن 
وقعدت ف العربية عدا الوقت بسرعة والنص ساعه خلصوا 
فلقت الي جاي عليها وهو بيقول بسماجة وسخرية_ ناوية تباتي معانا هنا ولا ايه 
تمنى مردتش وقعدت على فونها 
الظابط بزعيق_ لا منا لما اكلمك تردي ياروح امك وانجزي انا الرخص لو ملقتهاش ف ايدي كمان خمس دقايق وربي لبيتك ف الحبس 
تمنى بصتله ببرود ومردتش 
فقال بنفاذ صبر_ مترديش براحتك بس لو الرخص مجاتش محدش يزعل 
ومشي 
وهي رنت على فريدة وقالت پغضب_ انتي فين يافريدة 
يازفته انتي 
فريدة _ والله قربنا اهو خلاص كلها ربع ساعة وابقى عندك 
تمنى بنفاذ صبر_ خلى السواق يستعجل دا عمال 
يافريدة
فريدة پخوف عليها _ طيب والله حاضر 
بس الراجل مسرع اوي على فكرة 
تمنى_ خليه يسرع اكتر يافريدة 
فريدة_ طب حتى بصي...لو سمحت يا استاذ سرع ونبي 
الراجل _ يابنتي هسرع اكتر من كدة ايه انتي عايزانا نطير ولا ايه 
فريدة _ اهو سمعتى اقفلي بقى احنا خلاص قربنا نوصل 
وقفلت 
وبعد شوية من الوقت كانت وصلت لتمنى وأدتها الرخصة 
وتمنى نزلت وراحتله _ لو سمحت اتفضل اهي الرخصه 
الظابط والي اسمه لؤي _ ما لسه بدري والله كنتي باتيلك يومين تلاته معانا هنا 
هاتي واخد منها الرخصة 
وبعد شوية ادالها الرخص وهو بيقول _ والله يعني متمناش اشوفك تاني
تمنى ببسمه برود_ والله ولا اتمنى اشوف حضرتك تاني  
واخدت فريدة ومشيت فريدة_ تمنى هو انتي كدة مروحتش المشوار بتاع النهاردة صح
تمنى بسخرية_ لا روحتة وراجعه اهو 
اكيد مرحتوش 
فريدة_ طب هتروحي ولا ايه 
تمنى _ وهو الي يشوف الخلقه دي فحته هيبقى عايز يروح في تحه 
دا كفاية انه بقاله ساعه مخليني راكنه جنب الكمين 
الحيوان المتعجرف 
لا وقال ايه بېهدد فيا 
انا انا تمنى العسيلي 
فريدة_ احمدي ربنا اصلا انه اداكي مهله تجيبي الرخصة حد غيرة كان زمانه راكنك مش فالعربية جنب الكمين لا ف البوكس 
تمنى_ يستى الحمد لله على كل حال 
بقولك ايه انا ھموت وانا واكل امك طابخه ايه متقوليش قولقاس 
فريدة بصحك_ لا طابخه حمام محشي وملوخية 
تمنى بفرحة_ وربنا امك دي بتفهم 
وروحوا البيت واكلوا 
وكل واحدة طلعت عشان تنام 
تمنى كانت لسة بتغمض سمعت صوت مسدج عالفون فمسكتة بنوم وفتحته 
لقيت رقم غريب باعتلها نقطة 
تمنى_ مين 
_ أمن دوله 
تمنى_ مين مش هقولها تاني 
_ حكومه 
_ هتقول مين ولا ارزع بلوك
_ لؤي 
تمنى_ حصلي القرف ..سلام 
لؤي_ استنى لحظة مش عايزة تعرفي انا مين 
تمنى _ لا مش عايزة أعرف 
لؤي_ انتي الخسرانة 
تمنى_ يعني هيطلع مېت معايا يعني 
لؤى_ ...
عند فريدة كانت قاعدة ف اوضتها 
وبتتكلم على جروب الدفعه وبتقول _ عارف يا عبد الرحمن شوفت مين النهاردة 
عبد الرحمن_ مين 
فريدة_ اخوك الي انت كنت باعت صورتة مش عارفة اسمه لؤى ولا اسمه ايه 
عبد الرحمن_ شوية فين دا ..دنا شخصيا مبشوفهوش 
فريدة_ كان موقف اختى فممكن عشان الرخص 
عبد الرحمن_ اااه 
فريدة_ لا بس بارد اوي دنا اخي كان هاين عليها تولع فية 
يسرى _ لا اخص عليكي يافريدة بقى القمر دا يتولع فية 
دا حاجة كدة بونبوناية 
فريدة_ سيبانهولك ياختى إلهي يارب يطلعلك ف الحلم 
يسرى_ يارب 
فريدة_ طب بطلي يايسرى ..مش وقتك هو عالمسى 
يسرى_ الله ونا عملت ايه انا بس بقول انه قمر وعسل 
فريدة_ طب بردك بطلي 
ايهاب_ ايه يبنات في ايه كل دا عشان لؤى
عبد الرحمن_ والله واخويا بقى بتحصل علية خناقات 
فريدة_ بقولكوا ايه انا هقف سلام 
انتوا باردين ونا عندي بكرة شغل ومش فايقة 
مريم_ والله مش عارفة لي دكتور تمنى مشغلاكي معاها مع انك لسة صغيرة وبتدرسي 
فريدة_ امر الله ..والله يابنتي ما قادرة اقوم اصلا من السرير بس هعمل ايه 
مريم_ طب ماتقوليلها مش عايزة اشتغل 
فريدة_ اة عشان تعلقنى حاضر من عيني 
بقولكوا اي سلام الوقت اتأخر يلا باي 
وقفلت 
يتبع
بوادر_عشق_ال_٣
تمنى_ يعني هيطلع مين معايا يعني 
لؤى_ فاكرة الظابط الي هزقك انهاردة عشان الرخصة
تمنى _ ونبي متفكرنيش دنا كنا نفسي اثبت وشه كدة وانزل تلطيش عليه الغبي الحيوان الي بيزعقلي الي ...
ثانية كدة... انت عرفت منين ان انا فيه ظابط هزقني ا اقصد كلمني بطريقة مش حلوة 
لؤى_ منا الحيوان الغبي 
تمنى _ لا متقولش ..
وراحت عملتله بلوك 
ونامت على ضهرها وهي بتبص 
للسقف وهي بتقول_ ماهي ناقصة بقى يدخل يكلمنى 
انا هتخمد احسن 
وحاولت تنام لحد ما نامت 
عند لؤى كان بيكتب بس لاحظ ان الصورة اختفت 
فقال پصدمه_ دي بلكتني ! 
اه يابنت الللل 
يعني شتماني ومبلكاني 
هوصلك عادي هتروحي مني فين 
وكمل بضحك _ بس قمر يخربيتها 
هييح اما اقوم اشوف حاجة أكلها 
وقام مكنش لابس تيشرت فلبس واحد ونزل 
كان الجو هادي فدخل المطبخ 
وهو بيبص علية وبيقول_ استعنى عالشقى بالله 
ولبس المريلة 
وبدأ يقطع الخضار وبدأ يعمل اكل وهو بيغني 
لقى الي واقفة على باب المطبخ وهي بتبصله بهيام وبتقول_ عقبال التاني ميقفلي كدة في بيتي يلولي 
الټفت بضيق وهو بيقول بحدة_ انتي اي الي منزلك من اوضتك دلوقت وفي شباب..وبعدين اييدة 
اي الي انتي نازلة بية دا  
هي بتقول_ ايه في ايه ..ما حلو اهو 
لؤى بعصبية_ مراااام خمس ثواني والاقيكي اختفيتي من وشي بالقرف الي انتي لبساه دا 
وحزاري حد يشوفك كدة 
مراام بقرف _ ولا اتكلم عدل ياض ..مش عايزة اتعصب عليك !
لؤى ساب الاكل وهو بيقرب منها وبيقول_ تتعصبي على
مين ياروح قلبي
مرام بتوتر_ مش قصدي انت ..اااا قصدي هو هو الي هو انت بس مش انت ...فاهم حاجة
لؤى_ غوري من وشي يمرام ..
غورري اطعلى برة 
خرجت وهي بتتمايل وببتغني_ قولولوا مخرجتش يعني من الجنه ااااااااااااااه قالتها بۏجع لما لقت عبد الرحمن أداها بالقفى
حطت ايدها على قفاها بۏجع وهي بتقول پغضب_ يوووووة بقى هو انت واخوك . 
مترحموني بقى الله 
عبد الرحمن_ بت انتي بتزعقى لمين يبتتتتتتت
مرام_ يعم غور بقى 
هو بيقول وهو بيبص على لبسها_ افهم انا اي الي منزلك بأم المنظر دة وفي ناس عندنا 
مرام_ يووووه انت تقول وهو يقول ناس فين الناس دي انا ليه مش شايفاها 
عبد الرحمن_ نقصد معتصم ياروح امك 
مرام بعين بتطلع قلوب_ احلف عصعص فوق 
عبد الرحمن بقرف _ عصعص يابيئة ياسوفاج 
مرام بتناحه_ امممم
عبد الرحمن وهو بيزقها ناحية السلم _ طب غوري بقى على اوضتك والبسي حاجة واسعه بعد كدة 
مرام _ هو في أيه يابودي مش كاتبين الكتاب انا وهو الله يبقى عادي اقعد كدة قدامة بعدين دا ابن خالتي 
عبد الرحمن_ ان شاء الله بصى يكون مين ..اطلعي اتزفتي البسي حاجة محترمه 
لما تبقى ف بيتة ابقى اقعدي قدامه براحتك 
مرام بحب_ دة كدة كدة يمتغلظ 
عبد الرحمن _ يبت متستفزنيش