رواية زاي اطفش عروسة بابا الفصل 17

شفايفك و لثتك بس اټجرحت مفيش حاجة خطېرة هغسلك بقك نشيل الډم .. 
غفران مسبلة عيونها _ بس واجعني .. 
شالتها على الحمام بتغسلها بقها من الډم شوية شوية بدأت تحس انو في حاجة غريبة في بقها زقت سنها بلسانها لقته بيتحرك و عشان تتأكد فتحت بقها قدام المراية و رجعت زقته ..
نسرين بتلطم خدودها _ يلهوي البنت ضاعت يلهوي و بقت من غير سن يا ربي هقول ايه لأبوها.. 
غفران اتفتحت في العياط من ثاني _ سنتي .. 
نسرين بتمسح لها وشها بفوطة _ شوو اهدي ديه طلعت سن لبنية مفيش داعي للخوف هتوقع و هتجي بدالها سن ثاني جديد متعيطيش .. 
غفران بزعل _ طب هتحتاج قد ايه عشان تطلع .. 
نسرين اتوترت _ ممكن شهر .. 
غفران حطت ايدها على بقها بتغطيه _ مش هسيبها توقع غير لما السن الجديدة تجي لو بقيت من غير سن صحابي في المدرسة هيتريقو عليا .. 
نسرين ضحكت _ مفيش حد هيتريق عليكي يلا افتحي بقك خليني أشوف وضع السن ايه .. 
غفران بتهز راسها يمين شمال _ لا هتوقعيها .. 
نسرين بهداوة _ ھلمسها بصباعي بالراحة مش هوقعها .. 
غفران بوزت _ هتوقعيها .. 
نسرين _ لا بالراحة خالص خالص .. 
غفران غمضت عيونها فتحت بقها _ اذا وقعتيها عمري ابدا ابدا ما هسامحك .. 
نسرين ضحكت _ مټخافيش .. 
يا دوب بتكمل الكلمة حطت إيدها على السن بشويش لقته بيوقع منها على الأرض غفران مغمضة عيونها مستنية نسرين تخلص المسكينة مدريتش باللي صار غير و هي بتنطق مخلثتيش ..
غفران استوعبت وجود فراغ في بقها من لكنتها الغريبة لمست بلسانها مكان السن برقت _ نت وقعتيها .. 
نسرين شالته من على الأرض بتبلع ريقها _ بصي انا مكنش قصدي أوقعها دنا يا دوب بقرب منها وقعت مش ذنبي .. 
غفران بتتنطط من
القهر _ بقا ثكلي وحث مث هثامحك ابدا ابدا .. 
نسرين خلتها توقف قدام المراية _ بصي شكلك مبقاش وحش نت حلوة زي ما نت .. 
غفران بصت على نفسها فعلا مفيش حاجة تغيرت لسا بتضكك مبسوطة لقت بوابة قاعة أفراح اللؤلؤة في بقها _ غفران بقت وحثه .. 
جريت منها على أوضتها نامت على وشها مش راضية تكلمها و لا ترد عليها بصعوبة لقدرت تقنعها تحطلها مرهم على چرح شفايفها بس مكشرة مبتبصلهاش ..
نسرين بمشاكسه _ بعرف جملة سحرية هتخلي السن الجديد يطلع بسرعة .. 
غفران متحمسة _ بجد .. 
نسرين كاتمه ضحكتها _ بجد يلا قولي ورايا سعيد سافر على السوق يشتري سمك .. 
غفران بنطقها الغريب _ ثعيد ثافر على الثوق يثتري ثمك هو في حد بيثافر على الثوق .. 
نسرين بتمسح دموعها نزلت من فرط الضحك _ لا مفيش حد بيسافر على السوق بس كده بنزود في أعداد حروف السين لزوم الضحك .. 
يتبع ..