رواية أحببته رغم كبريائي الفصل 15 بقلم مريم احمد
المحتويات
مبشيلش اي ورق من مكانة !
رد عليها بعصبية اكتر و هو بيقول
اسلام يعني هيكووون راح فين اختفييييى!!!!
دمعت عيونها من زعيقه و بصت لبنتها و قالتلها
كاميليا احفظي دول ماشي
هزت ايناس راسها و كاميليا دخلت اوضة المكتب
و فعلا لاقيت في ورق متجمع و محطوط على المكتب
قالتله و هي بتشاور علية
كاميليا هو دا الورق
خد اسلام الورق و شافه و بعدين هز دماغة بمعنى ايوا و متكلمش
قالتله كاميليا باستغراب و حزن
كاميليا كان لازمته ايه زعيقك ليا يا اسلام
سكت و مردش عليها
ابتسمت و قالت بسخرية
كاميليا امبارح تضايق من اتصالي ليك و انهاردة صوتك سمع ف البيت كله من كتر زعيقك ليا
كملت و هي صعبان عليها نفسها و بتقوله
كاميليا انا معرفش انا عملتلك ايه عشان تضايق مني اوي كدا يا اسلام دا انت حتى مهانش عليك تتصل تقولي متزع
قطع كلامه و هو بتأفف بضيق و زهق لأنه كان كل الي شاغل باله انه يراجع الورق و بيقول
اسلام يووووه مشششش هنخلصصصص
اتنفضت من مكانها بخضة من زعيقه و راحت لأوضة بنتها تاني من غير ولا كلمة
فضلت قاعده مع بنتها بتذاكرلها و هي دموعها بتنزل ف صمت من حزنها و طبعا هو كان بيراجع الورق عشان الشركة و الوقت سرقه و جري و هي فضلت زعلانه لأنه لتاني مرة يزعلها و ميقولهاش متزعليش
_ باك _
مسحت دموعها الي نزلت لما افتكرت و خدت تليفونها و هي حاسمة قرارها
اتصلت بأمها و استنت ترد
جهاد الو
اتكلمت كاميليا و كان صوتها مخڼوق جدا و بتقولها
كامليا ازيك يا ماما
اتخضت جهاد لما سمعت صوتها الي باين جدا انها معيطة و قالت
جهاد مالك يا كاميليا انتي معيطة
دمعت عيون كاميليا و كأنها كانت مستنية تسمع كلمة مالك
اتكلمت و هي بتقولها
كاميليا مفيش يا ماما مخڼوقة شوية بس
جهاد هاتي العيال و تعالي طيب
هزت كاميليا راسها و قالتلها
كاميليا انا كنت عايزه اعمل كدا بس قولت اكلمك الاول
قالتلها جهاد بلوم
جهاد بتستأذني عشان تيجي بيتك يا كاميليا !!!
سكتت كاميليا و متكلمتش و جهاد قالتلها
جهاد يلا خلي اسلام يجيبكوا و تعالوا
محبتش كاميليا انها تعرفها انها متخانقة هي و اسلام و قالتلها
كاميليا حاضر
سبحان الله و بحمده سبحان الله العظيم
عدى وقت مش قليل و خلصت المحاضرة و مايفين و كارولين راحوا لحبيبة
كارولين مشيتي امبارح من غير م تقولي لحد فينا ولا تكلمينا يعني
ابتسمت حبيبة و قالتلها
حبيبة معلش بقى
مايفين هتروحي الشغل انهارده
هزت حبيبة راسها بمعنى لا و قالتلها
حبيبة لا اجازة
قالت كارولين بفرحة
كارولين حلو نخرج بقى
اتكلمت مايفين و هي بتبص لحبيبة بټهديد و بتقول
مايفين احنا مبنهرجش عشانك و انتي يوم العزومة اعتذرتي و مجيتيش
هزت حبيبة راسها بمعنى حاضر هي فعلا كانت محتاجة انها تخرج يمكن تنسى زعيقه ليها و الاحراج الي سببهولها قدام الطلبة كلها
قالت كارولين و هي مش مصدقة نفسها
كارولين كارولين انتي وافقتي بجد!!!
ضحكت حبيبة و قالتلها
حبيبة ايوا
بصت لمايفين و قالتلها
كارولين زغرطي يا مايفين
ضحكت مايفين و حبيبة
متابعة القراءة
