رواية امتحان الحب كامله جمانه السعيدي

شعليك 
مازن...ما شفتيهم يردون ياكلونج 
مسك...وانت شنو دخلك اني اكدر ادافع عن نفسي
اني مو كتلك لا تدخل بحياتي 
مازن...ومرض صوجي اني احاول اساعدج
مسك....عفته ومشيت احس جسمي اشټعل ڼار من القهر
يعني يغيب كل هاي الفتره 
ويرجع يغلط عليه هو شنو ډخله بملابسي
بقه يمشي قريب عليه بس ماحجه ولا كلمه 
منا لمن وصلت للمدرسه 
جمانه السعيدي 
بيومها اترزلت على هاي التنوره من المديره 
هددتني اذا اجي بيها مره ثانيه تفصلني من المدرسه 
بقيت طول النهار ضايجه 
من كد ماضجت حسيت اكو حراره بجسمي 
خدودي صارن حمر لان صخنت 
طلعت من الدوام 
لكيت مازن منتضرتي برا سويت نفسي ماشفته 
كمت امشي بصف الحايط
هو يمشي على كيف لمن صار كدامي
مازن... شني هاي خدودج خالتلهن حمره فوك التنوره 
هاي الي اجيب التايه النوب لاطمه بلحمره لطم
مسك....ماكدرت ارد علي لان انقهرت منه وجسمي مصخن 
حيل 
سكتت هو استغرب ليش سكتت مارديت علي 
مو من طبعي اسكت اذا احد حجا عليه
من كد ما مقهوره كمت ابجي بس بدون صوت 
بس اناشغ
طلعنا من الطلاب والهوسه 
الټفت عليه شافني مسحت دموعي 
مازن...ليش تبجين 
مسك.. مارديت علي بس اني من سمعته كال ليش تبجيت 
كمت ابجي اكثر 
هو بطى مشيته وصار بصفي 
مازن.. ليش تبجين ممكن افهم 
مسك...مارديت علي بقه يمشي بصفي وكل شويه يرفع عينه عليه 
يتأكد بعدني ابجي لو سكتت
منا لمن وصلنا البيتهم مادخل بقه يمشي وياي لمن وصلت البيتنا 
يعني مو يمشي بصفي كلش بس قريب عليه 
دخلت بلبيت وطبكت الباب
قصتنا تحلى بتعليقاتكم احبكم 
قصص
امتحان الحب 
البارت الثالث
جمانه السعيدي
مسك....دخلت وطبكت الباب كبل غيرت ملابسي وتمددت 
شكد ضايجه ومقهوره 
لان المديره حجت عليه كدام الطالبات 
اني كلش اتحسس واضوج اذا واحد حجا عليه 
لان المديره سكتت 
لو وحده ثانيه جان عرفت ارد عليه 
من اجت امي وخاله من الدوام 
حضرن الاكل بس اني ماقبلت اكعد الصخونه مشت بجسمي
امي..ليش ماتكعدين 
شألت الغطى شافتني مصخنه 
مصخنه انتي ليش هيج شنو يوجعك احجي 
مسك.... مااعرف بس احس نفسي بردانه 
امي...اكعدي اكلي حتى اخذج العياده هاي الصخونه موزينه عليج 
مسك...عوفيني مااروح 
بقيت بفراشي امي راحت جابتلي خافظ حراره 
وشربتني بلغصب وانطتني كبسول التهاب دفتلي حليب وشربت ساعه ورجعت جابتلي شوربه شربت
ثاني يوم صرت شويه احسن بس بلاعيمي يوجعني مارحت للدوام 
امي. ابقى وياج بلبيت 
مسك...مايحتاح اتريكت وراح اخذ علاج وانام 
امي...خاف تتخربطين اتصلي عليه 
مسك....اي روحي لاتخافين مابيه شي شويه بلاعيمي يوجعني 
بقيت بلبيت ماطلعت اخذت علاج ورجعت نمت 
جمانه السعيدي 
الساعه بلوحده وقت نهاية المدراس كعدت غسلت واكلت تفاحه ورجعت للفراش 
اندكت الباب استغربت كلت ايجوز امي رجعت من وكت علمودي بس امي ليش ادك الباب عدها مفتاح
قررت اشوف منو بس ماافنح الباب لان وحدي بلبيت
مسك....منو منو بلباب 
مازن...اني مازن 
مسك...مازن اي مازن 
مازن...جيرانكم 
مسك. عرفته من صوته 
مسك.... خير شرايد 
مازن....حبيت اطمن عليج ليش اليوم مااجيتي للدوام 
بقيت قلق لان البارحه تبجين واليوم مااجيتي
مسك....كمت اكح بعدين كتله مابيه شي مريضه شويه 
مازن...سلامتج الف سلامه اجيبلج علاج 
مسك....لا شكرا امي جابتلي علاج 
مازن...تمام باجر تجين للدوام 
مسك... انشاء الله 
مازن....مع السلامه 
مسك...الله وياك 
كمت اضحك امس يتعارك وياي واليوم جاي يطمن عليه 
بعدني ماطبكت باب المطبخ امي فتحت الباب ودخلت
شافتني واكفه ومبتسمه 
امي....منو هذا الي كان واكف بابنا شفته من بعيد بس قربت ابتعد 
مسك....هااا واحد مضبع العنوان وجاي يتأكد 
امي...وليش ايدك بابنا 
مسك....منطينه عنوأن غلط تعاي ادخلي هو تحقيق 
امي....طلعت من وكت قبل خالتج لان كلبي ما انطاني اعوفج وحدج شلون صرتي 
مسك.... زينه تمام الحمد لله بس حوعانه 
امي...هسه نص ساعه يكون الغده حاهز متبله دجاجه
ومنكعه التمن نص ساعه واغديج احلى غده
مسك...رجعت الغرفتي واني افكر بمازن اهتمامه بيه 
صح اني وياا مرحلة مراهقه بس اني عندي مشاعر اتجاها
ثاني يوم كعدت الصبح كلي حماس سبحت وبدلت 
هلمره لبست صدريه طويله من فوك ضيكه والجوه كلوش 
وقميص ابيض ابو الكشاكش
شعري ضفرته كصيبه
الصراحه مااريد المديره تحجي عليه وتفشلني كدام البنات 
من بعيد شفت مازن مبدل ولازم كتبه واكف بلباب 
وصلت قريب بابهم اجا يمشي بصفي 
مازن..صباح الخير 
مسك....صباح الخير 
مازن...شلون صرتي اليوم 
مسك... تمام احسن 
مازن...اي هاي الملابس اليوم حلوه ومحتشمه 
مسك... شنو قصدك اني ما محتشمه 
مازن....اي تردين تتعاركين احنا مايصير نحجي حجي عادي اله نتعارك 
مسك...انت كلامك كله مستفز 
مازن....وانت تصرفاتج مال زعاطيط
مسك....اسم الله على تصرفاتك الي كلها حكمه 
مازن...عوفي العرك خل نحجي مثل الناس ليش البارحه جنتي تبجين 
مسك.....لان المديره حجت عليه بسبب الزي 
مازن...اي ولله تفتهم هاي المديره جايه للدوام تنورتج 
ربع متر 
مسك.... شنو ربع متر الحد الركبه وجواها بوت 
مازن....اي والولد كلها تباوع عليج 
هاي الصدريه حلوه عليج 
مسك.... وصلنا الله وياك
مازن.. اطلع من وكت وانتضرج 
مسك...تمام 
جمانه السعيدي 
من هذا اليوم علاقتنا اني ومازن صارت احلى علاقه 
بدا الحب بينا 
واستمر منا لمن خلصنا جامعه 
بس استمر مو مثل مااحنا انريد لان امي عرفت بهاي العلاقه 
وماقبلت بيها 
امي اكتشفت هاي العلاقه من صرت اني صف سادس 
علمي مره طلعت من الدوام نمشي اني ويااا 
وهي حانت طالعه من وكت وشافته
نمشي اني ويااا وسمعت صوتي 
امي...مسك 
التفتت شفته وراي تمشي كلش خفت لان هي دائما تحذرني من العلاقات 
تخاف عليه وعلى مستقبلي 
هو وكف وياي 
مازن...شلونج خاله 
ردت علي امي بعصبيه 
امي...اهلا هذا منو
مسك....هذا هذا 
مازن...اني مازن جيرانكم 
امي...وليش تمشي وياا مسك 
مازن.. احبها 
امي....اذا تحبها تحافظ عليها مو تمشي وياها والناس كلها تباوع عليكم هيج انت شوهت سمعتها 
مازن....اني ناوي اخطبها 
امي..... تخطبها ناوي تخطبها شلون تخطبها وانت بعدك طالب وهي طالبه 
المفروض اذا تحبها تأجل كل الاحلام بلزواج والارتباط 
منا امن تخلصون مدرسه 
امشي كدامي الضاهر اني انطيتج مجال 
مو عيب هيج تمشين وياا بلشارع
مازن وصل ودخل بيتهم طبعا هو هنا واصل مرحله ثانيه كليه 
واني وامي رجعنا للبيت 
بس وصلنا امي لزمتني 
امي.. تعاي هنا بغرفتج اريد احجي وياج من يمتى هاي العلاقه 
مسك.... صار ٣ سنوات 
امي... تحبي 
مسك.. اي 
امي...ليش ما حجيتلي اني مو امج اني مراح احكم على الولد بس تصرفاتج هاي غلط 
مسك....هو هم يحبني 
امي....الحب افعال مو حجي الي يحب بصدق يحافظ على حبيبه 
انتي بعدج زغيره وماتعرفين شنو الحب 
الحب التزام الحب صدق الحب تضحيه
الحب افعال مو كلام احبج وتحبيني انتم ثنيبنكم بعدكم زغار 
المفروض هو مايقبل يمشي وياج بهاي الطريقه بلشارع 
من يمتى وانتم كل يوم تجون سوا 
جمانه السعيدي 
مسك....من صف رابع 
امي...ليش هيج حبيبتي ما فكرتي بيه بسمعتي
اني وخالتج ماعدنا غير سمعتنا بهاي الدنيا 
اني ماحرمتج من شي ليش تغلطين بحقج وحقي
بعد ممنوع اطلعون وترجعون سوا لا تخليني اتخذ ضدج اي اجراء انتي ماتحبي
انتي غلطتي ولازم تصححين هذا الغلط
مسك....اني اسفه بعد ما يتكرر هذا الغلط سامحيني
للعصر اندكت الباب 
مسك فتحته لكيت ام مازن جايه علينا
دخلت جوا امي خاله كعدن وياها واني رجعت الغرفتي حتى اقرا اكيد مازن دزها حتى يصلح الموقف الي صار الصبح
ماكدرت اصبر رحت قربت حتى اسمع شراح يكولون
ام مازن... يمكن اني اول مره اتعرف عليكم رغم احنا صار ٣ سنوات ساكنيين بلشارع
امي.. اهلا وسهلا فرصه سعيده 
ام مازن....بعد روحي اني الاسعد الصبح انتي شفتي مازن وياا مسك 
ترا مازن يحبها ويريد يرتبط بيها بس منتضر يخلص كليه 
وهي هم تخلص دراستها 
لا يضحك عليها ولا يستغلها
امي... خوش رحمله والديج جبتي المفيد 
اكيد مازن عنده اخت يقبل واحد ياخذها ويرجعها من الدوام كل يوم اكيد مايقبل على سمعته وسمعت اخته 
ليش يقبل هذا الشي على مسك 
اذا يحبها فعلا لازم يحافظ على سمعتها 
لو لان احنا عايشين هنا بس نسوان 
قبل على نفسه يستغل هذا الموقف ويستغل مسك 
لان زغيره ويلعب بمشاعره
ام مازن...بس هو يحبها ومستعدين من هاي اللحظه نخطبها ومن يكملون دراسه يزوجون
امي.....مستحيل اربط مصيرها بمصير طالب ماعنده مصدر معيشي بعده ياخذ مصرفه من ابو وااجل هذا الزواج منا لمن يخلصون جامعه 
محد يعرف باجر شراح يصير
ام مازن....شنو الحل برائيج 
امي....يبتعد عنها السنه هي سادس مرحله مصيريه 
ومايقرب عليه اذا فعلا يحبها 
يعوفها تشوف مستقبلها واذا خلصت جامعه وبعدها تريده اني اول وحده ابارك هذا الزواج 
اني ماعندي غيرها واحب تكون اسعد وحده بلدنيا 
جمانه السعيدي 
ام مازن....اني راح اوصله هذا الكلام واشوف رائيه
امي...لا مو بكيفه ولا رائيه لازم يبتعد عن مسك
هاي مرحله مهمه واريدها تنجح
واني راح اوصل بتي وارجعها حتى اضمن مازن مايحجي وياها ولا يقرب عليها 
وهذا آخر كلام عندي 
ترا احنا مو بس نسوان مسك عدها عمام ليش اسويها
شغلة عشاير 
خل يبتعد عنها احسن اله والها
مسك....امي حطمت احلامي بهذا كلامه 
اني احبه شلون ابتعد عنه مااكدر 
من ثاني يوم امي بدت تاخذني للدوام بايدها 
ومن ارجع ارجع بلخط وياا البنات رغم المدرسه مو بعيده 
حتى تضمن مازن مايقرب عليه 
اما مازن كل يوم ينتضرني من اروح للدوام بس مايقرب عليه 
يكتفي يباوع من بعيد 
بعدين امي خلتلي خط اروح وارجع بي وياا البنات 
وحلفتني بلقران مااخون الثقه بينا 
واهتم بدراستي وانجح 
كملت السادس ونجحت لله الحمد 
ونقبلت كلية تربيه قسم انكليزي
مازن هم يدرس كليه تربيه قسم علوم 
من وصلت للجامعه كان اكو فرص نشوف بعض اكثر من قبل 
رغم اني جاي اخون الثقه بس اني احبه وهو هم يحبني 
وقرارات امي صارمه بحق هذا الحب
خلص مازن جامعه وبدا يدور شغل منا لمن يطلع التعيين 
ومنتضر اتخرج اني حتى يتقدملي ويخطبني
حالتهم الماديه ما تسمحله يفتح مشروع خاص بي وحده 
كان يشتغل بااجور يوميه 
ويحاول بجمع كم فلس علمود زواجنا 
لان احنا اتفقنا بس اتخرج يتقدملي حتة نزوج
شكد اجتني فرص للزواج من دخلت للجامعه 
حتى استاذ جامعي اتقدملي 
بس اني رفضت لو مازن لو ماازوج 
هذا الحب الاول مستحيل اتخلى عنه 
حكايتنا حلوه وتحلى اكثر بتلعيقاتكم احبكم
قصص
البارت_الرابع
جمانه السعيدي
مسك..... انشغال مازن بلعمل قلل فرص
اللقاء بينا بس نحجي بلتليفون كل يوم يطمن عليه واطمن علي 
مابقا شي هاي اخر سنه واخلص 
وساعته نزوج ونسكن سوا هذا الحب لازم يتوج بلزواج
اما امي كانت تحسسني دائما هي تعرف احنا جاي نلتقي
ونحجي بلتليفون 
بس ساكته حتى لا تضغط عليه نفسيا 
المهم خلصت هاي السنه الاخيره وقبل لا تطلع النتائج 
اتفقنا اني ومازن يجي يتقدملي
مسك...اليوم اخر يوم بلامتحانات 
مازن.. الحمد لله بس اصبريلي هذا الشهر واجي اتقدملج
مسك.... شصار على السلفه الي قدم عليها ابوك 
مازن.. بعدها ما طالعه بلكت تطلع هذا الشهر 
انتي هم وصي امج على كيفها وياي 
ترا اني ماعندي فلوس هواي
مسك....حبيبي انت بس تعال مالك شغل امي مو ماديه 
وتعرف زين اني احبك 
مازن...فدوه الحبيبي ولج اني لو ادري ذاك اليوم من كنت انضف بلمجرا راح التقي بيج 
جان بتت بلشارع علمودج 
مسك...عابت لااذكرني شكد جنت مليق وفضولي بيومها 
مازن....وانتي ام خشم اليابس تحجين وياا الناس عبالك 
خدم عندج 
بس شفتي شلون سحلتج سحل وخليتج تحبيني 
شلون اختفيت وخليتج تدورين عليه 
كل يوم اراقبج من بعيد وانتي مثل الثوله تتلفتين ودورين عليه 
مسك...اني ثوله هاي عليه اصلا ماكنت ادور عليك 
مازن.. اي هم صحيح اني ادري هو انتي بعد لو مختفي يوم جان تخبلتي لو ما ذوله طلعو يتحرشون بيج وفشلو خطتي 
جان 
تخبلتي رسمي عليه 
مسك...يااا تخبلت شنو هلغرور 
مازن...من حقي انغر حبيبتي مسك 
مسك....ولله ما ينعرف الشقا من الصدك من احجي وياك 
مازن....بس تطلع السلفه اجي اخطفج 
باعي مو كل شويه