رواية امتحان الحب كامله جمانه السعيدي
الحصه الرابعه اجا يدور عليه بلصفوف
لان احنا بعد حصلنا مخربطه مرات ناخذ حصص المعلمات
شافني واكفه على صف رابع
حمزه....ادور عليج جبتلج جاي
مسك...شكرا مااشرب جاي هيج وكت
حمزه...هلمره اخذي لان اني جبته
مسك...شكرا جزيلا
اخذته منه
كل يوم ينتضرني من ادخل للمدرسه حتى يصبح عليه
ومرات يخلق حجه حتى يحجي وياي
واغلب الوقت اشوفه يراقبني من بعيد
بس اني مجاهلته ماعندي اي دافع للكلام ويااا
بلعكس اتهرب من نضراته اليه
لا احجي وياا ولا وياا غيره كلامي بحدود
كملت شهر واني اداوم بهاي المدرسه وشبه اتعودت على الدوام وعلى هوسه الطلاب
الحد مايوم تفاجئت بي بنتضرني من خلصت الدرس
حمزه...ممكن احجي وياج بموضوع مهم
مسك...تفضل
حمزه...هنا نحجي
مسك....اي هنا ووين لعد
حمزه...هوسه الطلاب كلشي مراح نفتهم
مسك....لا افتهم احجي اذا موضوع مهم
حمزه...ممكن رقم تليفونج
مسك.. نعم
حمزه...لاتفهميني غلط اني ماعندي هاي السوالف
وانتي انسانه محترمه
اني كلش معجب بيج وبااخلاقج
واذا ماعندج مانع اريد اتقدم اطلب ايدج للزواج
اذا ماعندج مانع
ردت احجي وياج بهذا الموضوع
مسك....اسفه طلبك مرفوض
مااعرف ليش صرت عصبيه من حجا وياي
حمزه...شكرا
عافني وراح واني كلش ضجت ليش مااعرف
اي واحد يحجي وياي بموضوع الزواج
اضوج
رجعت للبيت ضايجه
من كعدنا ناكل امي حست اني ضايجه
امي...شكو اليوم مغيمه الدنيا لا حجيتلينا عن الطلاب اليوم ولا عن مشاكلهم
مسك....اليوم معاون المدرسه طلبني للزواج
امي....يالله اي هاي الاخبار الحلوه
مسك... رفضت
خالتي....ياا ليش شبي سمعته موحلوه لو شكله مو حلو
مسك....هيج بدون سبب رغم هو انسان محترم
وكل المدرسه تحبه
امي...ليش حبيبتي انطي النفسج مجال مو كل الزلم
مثل مازن هو شاف حياته انتي هم شوفي حياتج
مسك....مااكدر مااكدر نفسيتي ما تتقبل اي احد
امي...والى متى
مسك....انتي ضايجه مني ترديني ازوج حتى تخلصين مني
امي....لا ا ريدج تزوجين وافرح بيج واشوف جهالج
اشوفج سعيده وياا الانسان الي يستاهلج
حبيبتي الدنيا ماتوكف على احد عيشي حياتج
لاتبقين مضيعه نفسج بلماضي
مسك....مااحب احجي بهذا الموضوع ابد
امي....انطي للولد فرصه تعرفي علي اذا حسيتي نفسج مرتاحه ويااا
اتوكلي على الله
مسك....الانسان الي حبيته عشر سنوات وثقت بي خاني
شلون اثق بواحد صار شهر من عرفته
امي...مو كل اصابيعج سوا ولا كل الزلم نفس الشي
اختبري وادرسي اخلاقه
وبعدين قرري لا تستعجلين بهيج قرار ابد
بس حاولي لا تبقين واكفه بمكانج وتعوفين العمر يضيع منح
حكايتنا حلوه وتعليقاتكم احلى احبكم
امتحان_الحب
البارت_التاسع
جمانه السعيدي
مسك....اليوم الي بعده رحت للدوام بس حمزه ماكان ينتضرني بلباب مثل كل يوم
كلت خلاص هو افتهم اني ما موافقه علي وسحب نفسه
دخلت للمدرسه اول حصه ماشفته الحصه الي بعدها مر يم الصف الي ادرس بي
وهو يمشي سلم عليه
حمزه...صباح الخير
مسك...صباح الخير
سلم وعده عليه مو مثل كل يوم
التهيت ادرس وباقي النهار ماشفته قبل الدرس الاخير
المدير دز عليه
رحت لكيت استاذ حمزه كاعد ولمدير كباله
مسك...نعم استاذ
المدير...ممكن تكعدين اريد احجي وياج بموضوع مهم
مسك...كعدت حمزه ما رفع عينه عليه
المدير....الموضوع خاص شويه
مسك...تفضل استاذ
المدير...انتي متربطه
مسك...ليش هذا السؤال
المدير....جاوبي انتي مثل بنتي لو ماتردين تكونين مثل بنتي
مسك....لا اتشرف اكون بنتك طبعا لا اني مامرتبطه
المدير...اني اريد اطلب ايدج الابني حمزه
مسك....باوعت على حمزه وهو هم رفع عينه عليه
المدير....اني ازكي حمزه اني اكفله حمزه اعز من ولدي
انسان محترم
ومتدين وحباب واخلاقه عاليه وعندا بيت ملك
وسياره وراتبه محترم
اذا ماعندج مانع هو معجب بيج ويريد يتقدملج
هو ما يحب علاقه وكلام زايد وانتي مبينه محترمه وبت اصول هاا شكلتي
جمانه السعيدي
مسك...اذكرت امي من كالت انطي الولد فرصه واختبري
وبعدين قرري
حمزه....اني مستعد الكل طلباتج
مسك...اريد وقت افكر واخذ رائي الاهل بس اذا رفضته
هلمره يحترم رائي ويبتعد عني
المدير....اي اتفقنا
حمزه...كم يوم
مسك...باوعت علي بستغراب ليش مستعجل
حمزه....لان اني حبيتج من اول مره شفتج بيها ومااستحي احجي واكول كدام المدير اني احبج
مووحب عادي حب تعلق ومستعد الاي شي في سبيل
اني وياج نرتبط
مسك....اسبوع وارجعلك الجواب
حمزه....هواي اسبوع هنا يومين
مسك...لا اسبوع افكر واقرر بيهن
حمزه... ميخالف اصبر اسبوع
بس ممكن تستعجلين لان اني مجهز كلشي بس توافقين نرتبط راسا
اذا تردين اتسئلين عني اني ممكن اجيبلج عنوأن بيتنا
واسمي الثلاثي
مسك....انشاء الله خير من رخصتكم
مسك...رحت كعدت بلاداره وبعد ما طلعت منها
افكر قبل لا أوافق علي لازم اختبره اذا نجح بلاختبار
أوافق علي اني اعرف هو انسان محترم مبين علي
بس المشكله مني مو منه
اتصل السايق عمته ماټت ومراح يجي ياخذنا من المدرسه
يومين راح يتغيب عنا منا لمن تخلص الفاتحه يله يرجع يأخذنا
البنيه الي وياي بلخط اجت اختها وزوجها اخذوها وياهم
اضطريت اخذ تكسي وارجع للبيت
وصلت حضرت الاكل لمن امي وخاله رجعن من الدوام
كعدنا ناكل
مسك.... خطبني
امي...منو
مسك....حمزه
امي.... اني بعدني ماشايفته هذا الولد بس مااعرف ليش كلبي مرتاح اله
خالتي...بس لا رفضتي
مسك....لا طلبت مهله افكر راح اختبره واشوف صدق النوياااا اذا يحبني صدك لو عجبه مضهري
امي...اي شي يعجبج سوي براحتج انتي جبيره وتفتهمين
واني عندي ثقه بيج
جمانه السعيدي
ثاني يوم طلعت للدوام بس وصلت راس الشارع طلع مازن من بيتهم من شافني مثل الي تفاجئ
اني وياا محد شايف الثاني من ليلة عرسنا
درت وجهي عبالك ماشفته
اهم شي بهاي اللحظه اني من شفته ماضجت عادي
ماعندي اي احساس اتجاها لا حب ولا كراهيه
ابتسمت فرحت بنفسي اني تخطيت مازن ماعاد يعنيني اي شي امشي ومبتسمه فرحانه بنفسي
فرحانه بمسك الجديده
هذا الإنسان ماعاد يعنيلي شي
هو انتبهلي شاف مسك القديمه نفسها ما متغيره
نفس جمالها وشكلها وقوته المړض ماكدر يهزمها
لا وفوكاها مبتسمه
طبعا هو جان رايح للدوام يمكن هم طالع اسمه وياا
دفعة التعيينات المجانيه
مشا بسرعه وصل قريب عليه وكال
مازن...شلونج مسك
مشيت بسرعه وماحجيت وياااا لان هو ما يعنيلي اي شي رجع عاد السلام
مازن...شلونج مسك شلون صرتي
مسك....ممكن تبتعد عني اني مااعرفك ومااحجي وياا احد مااعرفه
مازن....ما تعرفيني هيج شايله بكلبج عليه
مسك....منو انت حتى اشيل بكلبي عليك كلبي غالي
مايشيل الناس الرخيصه
أشرت للتكسي وكفت صعدت وهو بقى واكف بمكانه
عبالك اتبسمر متفاجئ مني ومن شكلي ومن كلامي ويااا
جان متوقع بس يعوفني انهار واموت من بعده
واذا ما متت من بعده اموت من المړض
مايعرف اني تخطيته ونسيته وبعد مايرجع الحياتي لو ېموت
وصلت للمدرسه شفت استاذ حمزه واكف برا يدخل بلطلاب
انتبهلي اني جايه بتكسي
حمزه....صباح الخير
مسك....صباح الخير
حمزه...اليوم جايه بتكسي
مسك...ابو الخط عنده فاتحه
حمزه....هااا
دخلت وهو بقا واكف برا دخل وراي
ماحجه وياي بلمدرسه بس لمحته مرتين يباوع عليه من بعيد من طلعت من الدوام لكيته منتضرني
حمزه....ست مسك ممكن اوصلج
مسك....لا شكرا اخذ تكسي
حمزه....بس اليوم اريد احجي وياج اذا سمحتي
مسك...مااكدر اعذرني
حمزه...اعتبريني زميل وعنده مشكله ومحتاج مساعدتج
مسك....غير مره اعذرني
عفته ومشيت اجرت تكسي ورجعت للبيت
اليوم الي بعدا انعاد عليه موقف مازن اليوم كان واكف بلباب ينتضرني
يحاول يعيد حركاته القديمه عباله اني مغفله مثل قبل
يقشمرني بكلمتين
بس وصلت اجا قرب عليه
مازن...صباح الخير
...مارديت علي
مازن...حقج ازعلين عليه اني اسف
......وكانما ماااسمعه
مازن...الضروف جبرتني انتي صدمتيني اكو وحده
تحضر هيج خبر الليله عرسها
مسك....لو سمحت احترم نفسك وبتعد عني
اني مااعرفك وما مستعده احصل حجي بسبك
مازن...بس فرصه اشرح موقفي
مسك....الله وياك طلبك مو عندي
مازن...ليش كلبج هيج اسود بس اريد اطمن عليج شلون صرتي
مسك....من عفتك صرت احسن الله شكد يحبني نجاني من واحد مثلك لا ذمه ولا ضمير ولا مشاعر
اشرت للتكسي وصعدت وهو بقى واكف بمكانه
جمانه السعيدي
وصلت للدوام حمزه شافني ودار وجها عني
يمكن زعلان لان ماصعدت ويااا
دخلت للمدرسه الدرس الاول كان عندي حصه صف رابع وهو عنده حصه بلخامس
صفه بصف صفي من طلعنا من الحصه صار وجهي بوجها
استحيت مااسلم علي
مسك...صباح الخير
حمزه....اني زعلان
مسك...كاله بطريقه فكاهيه ماكدرت مااضحك
مسك...وليش زعلان نحجي ونمشي اني ويااا
حمزه....اني ما تقبلين اصعدين وياي ليش شبيه
موراحه مهرمش سمعتي موزينه غاثج
اصلا اني احبج واموت عليج وماتحلى وحده بعيني غيرح
مسك...ابتسمت من طريقته بلكلام
حمزه....لا لا اتبتسمين ممنوع انتي ما تحجين وياي
ومخبلتني النوب تبتسمين وين اروح
مسك...لاتزعل مني اني مااصعد وي اي احد
حمزه...ابو الخط احسن مني من باجر اعوف وضيفة
المعاون واشتري تكسي واشتغل خط
مسك.... اسفه إذا ازعجتك
حمزه...ماكو اسفه الاعتذار مامقبول
مسك...شلون نتصالح
حمزه...اريد فرصه احجي وياج من حقي أبين وجهة نضري انت ليش هيج مبتعده عني
شنو ناقصني شاب حلو ومرتب
مسك...ميخالف بس اني هم عندي وياك حجي
قبل لا تبدي اي خطوه اكو سر بحياتي لازم تعرفه
قبل لا تتقدملي وتطلب ايدي
حمزه.... انتي واسرارج اضمكم بكلبي انتضرج من يخلص
الدوام
مسك....تمام اتفقنا
جمانه السعيدي
بقا طول النهار عينه عليه وهو مبتسم ما مصدك نفسه
من طلعت لكيته منتضرني برا
صعدت وياا بلسياره
حمزه...احجي اسمعج بس قبل لا تكولين اي شي
احب اكلج اني متمسك بيج انتي عجبتيني ومستحيل اتخلى عنح
مسك....اني مريضه
حمزه...ياستار
مسك...اني عندي سړطان بصدري قبل فتره اكتشفت
هذا الشي وجاي اخذ جرع كيمياويه
شعري كله وكع ونفسيتي تعبانه من هذا المړض
هسه عرفت ليش جاي اصدك ليش اتهرب منك
انت مستعد ترتبط بوحده بيها هذا المړض
اني مااعرف اذا راح اصير زينه لو لا
هسه تكدر تفكر براحتك وتقرر تكمل وياي لو لا
اني مااريد اضلمك الك حق الاختيار تكمل لولا
انت انسان محترم ومن حقك ترتبط بوحده
مو مريضه انسانه ما تعبك وتصرف عليها قلوسك
وتخلص عمرك كله بلمستشفيات
حمزه...اني هم مريض
مسك....ياا صدك
حمزه...نفس مرضج هذا وجاي اتعالج منه بس مو علاج
كيمياوي وجنت ناوي افاتحج بهذا الشي
شنو رائيج انتي موافقه ترتبطين بيه لولا
مسك.... ياعيوني ياا مسكين الله يشافيك ويعافيك
حمزه....هااا مستعده ترتبطين بواحد اخلاق وأدب وشرف
محترم ما ناقصه شي
بس مريض
مسك.... المړض هذا اختبار من رب العالمين
محد يكدر علي اله الي رب العالمين يساعده
حمزه...يعني موافقه
مسك....اني وراي فترة علاج طويله تكدر تتحملني
راح تشوفني بدون شعر بدون حواجب بدون اضافر
حمزه.....موافق وانتي
مسك...موافقه
حمزه....اني مو مريض كلشي مابيه بس حبيت اخليج بنفس الموقف
واشوف ردت فعلج شنوو وو
مسك....يااا خوفتني
حمزه....يمه كلبي خفتي عليه تعال بويه شوف هاي الحلوه خاېفه عليه
مسك....ماكو خطوبه اله بعد مااخلص علاج موافق
حمزه....شغلتين مو بيدنا بيد رب العالمين
المۏت والمړض ذني محد يكدر يغيرهن غير رب العالمين
القادم الاخير احبكم
امتحان_الحب
البارت_العاشر_والاخير رررر
جمانه السعيدي
الجميع
مسك....صممت امشي على خطتي واشوف حمزه شكد راح يتحمل هل هو حب حقيقي راح يصبر ويتحمل وياي
لو هو هوس البدايات
اذا هو حب راح يصمد وياي
واذا مجرد اعجاب بلشكل لو اعجاب لان صديته
مراح يتحمل وياي شويه وينسحب
كل شهر اكله اليوم موعد الجلسه اليوم اروح اخذ كيمياوي
احجيله عن مرضي وهو متمسك بيه ما يقبل بعوفني
تفاجئت بي من ثاني مره كتله راح اخذ العلاج
حمزه...اني اليوم اروح وياج
مسك.... ووبن
حمزه...للجلسه جلسة العلاج
مسك....ليش
حمزه....هيج مرض يشفى بلعلاج النفسي اكثر من العلاج الطبي
مسك....شلون يعني
حمزه....اسئلي دكتورج الدعم المعنوي اساس علاج هيج مرض واني اليوم اروح وياج
اني صار فتره اقرا عن هذا المړض حتى اساعدج تتشافين منه بسرعه
مسك...ماكو داعي امي تروح وياي
حمزه...ليش مصممه تحسبيني غريب
مسك...لا انت موغريب ابد موقفك واحد احلى من واحد
مسك...غير مره مو هلمره
حمزه....مو راح ازعل منج
مسك....انت ليش موضوع مرضي عندك موضوع عادي
يعني متقبل المړض عادي غيرك من يسمع هذا المړض ينهزم
حمزه...لان بساطه اني ممكن بيوم اوكع
