رواية العاشق المجهول الفصل 12

تلاقينا حواليها ومن حسن حظنا إنهم كانوا مخدرينها طول الفترة دى عشان متحسش بحاجة من اللي حصلت
عادل طب وخالد لما تسأل عليه
وقبل أن يجيب يحيي يخرج الطبيب من غرفة العمليات فيركضوا جميعا نحوه
مريم ابنى يا دكتور عامل إيه
الطبيب اطمنى يا مدام الحمد لله الړصاصة جت سطحية
مريم الحمد لله أحمدك وأشكرك يارب
يحيي طب وإحنا نقدر نشوفه يا دكتور
الطبيب هو حاليا نايم وهيفوق كمان شوية لما يفوق تقدروا تشوفوه
بقلم أمنية الريحانى
فى غرفة فاطمة
تفتح فاطمة عينيها ببطيء لتجد الجميع حولها ما عدا خالد تستعيد فاطمة وعيها تدريجيا
فاطمة فى ضعف أنا فين وإيه اللي حصل
عادل فى الجنة يا حبيبتى وإحنا الملايكة بنحاسبك
يضرب يحيي عادل قائلا بس يا خفيف مش وقت غلاستك
وينظر لفاطمة قائلا حمدا لله على السلامة يا حبيبتى
فاطمة إيه اللي حصل يا عمى أنا كل اللي فاكراه وأنا خارجة من المدرسة واحد وقفنى وقالى إنه سواق عمتو غالية وإن بابا رجع من السفر ومستنينى عندها أنا فرحت أوى ورحت معاه بس محستش بحاجة بعد كده
عادل فالحة أوى وإنتى أى حد يقولك بابا عندى تروحى معاه دا لو كل البنات زيك مكنش الشباب هيتعبوا فى الخطڤ
مريم بس يا عادل هى فيها اللي مكفيها
يحيي دول كانوا شباب صيع كانوا عايزين يخطفوكى يا فاطمة بس الناس أنقذوكى منهم وجابوكى على هنا
فاطمة الحمد لله يعنى مخطفونيش
يحيي فى تردد لا يا حبيبتى ملحقوش
بقلم أمنية الريحانى
وتنظر مريم فى حنان لفاطمة قائلة قدر ولطف يا بنتى المهم إنتى بخير ووسطنا وربنا نجاكى من إيديهم
تنظر لهم فاطمة فى تساؤل أمال أبيه خالد فين
نظروا جميعا إلي بعض فى حيرة وقبل أن يجيب أحد قاطعهم صوت خالد من وراءهم قائلا أنا أهو يا طمطم
ينظر الجميع لخالد فى دهشة الذى يدخل رابطا زراعه برباط فتنظر له فاطمة فى قلق قائلا أبيه خالد حضرتك حصلك إيه
خالد مټخافيش يا طمطم دا موتوسيكل كان معدى مخدش باله وخبطنى
فاطمة يا خبر إمتى الكلام ده
خالد لسه النهاردة عشان كده أتأخرت عليكى معلش
فاطمة طب حضرتك كويس
بقلم أمنية الريحانى
خالد أنا كويس يا حبيبتى متقلقيش المهم إنك رجعتنلنا بالسلامة
تملس مريم على رأس خالد فى حب قائلة حمدا لله على سلامتك يا ابنى
خالد الله يسلمك يا أمى
يحيي حمدا لله على سلامتك يا بطل
عادل خلاص يا جدعان عملتوه بطل ما أنا كنت متبهدل معاه فى القصة كلها إشمعنى هو
ينظر الجميع لعادل فى تحذير لينتبه لما يقوله
فاطمة قصة إيه
عادل قصدى يعنى إنى أنا أول واحد بلغونى باللى حصلك وجيت على ملى وشى شوفتى بقى يا بطة إنتى غالية عندى إزاى
يكز خالد على أسنانه قائلا طب يالا يا أخويا نسيبها ترتاح
وينظر خالد لفاطمة قائلا هرجعلك تانى يا طمطم
تبتسم له فاطمة فى إطمئنان من حديثه
بقلم أمنية الريحانى
يخرج الجميع من غرفة فاطمة فيضع خالد يده على كتفه مخرجا ما كان يخفيه من آلالام
عادل مالك يا خالد
يحيي ماله إيه يا أبو النباهة لسه عامل عملية ومخرجين منه رصاصة وبتسأله مالك
وينظر يحيي لخالد قائلة ولما أنت يا ابنى تعبان كده سبت أوضتك ليه
خالد كنت عارف إن فاطمة هتسأل عليا لما تقوم ومرضتش أخليها تحس بأى حاجة
عادل اللى هيجننى بجد انت عرفت مكانها إزاى
خالد هقولك يا فضولى أنا لما خالى بعتنى وقالى إن فاطمة فى خطړ وإن فى ناس نزلت مصر مخصوص عشان تأذيها خرجت من عنده محتار مش عارف أعمل إيه وأفتكرت ساعتها حسام مهندس زميلى بس هو فى كلية