رواية موضوع عائلي بيت الهنا البارت 18بقلم رحاب القاضي

عبدالله بيه..
عبدالله
طلع الراجل العره ده من هنا ولو جه تاني ما تدخلوش ولو ذودها معاكم امنعه بالقوه..
خلف بغيظ
يعني ده أخر حديت عندك يا عبدالله..
عبدالله
وما عنديش غيره نفذ اللي قولتلك عليه يا حمدي..
_قال كلامه ومشي وحمدي خلي خلف يطلع بره المصنع كله.. 
_وفي الوقت ده في بيت عبدالله القاضي كان قااعد. عزالدين هو وعليااء في الجنينه بياكلو موز..
عز
فاكهة البلد لا يعلي عليها..
علياء
طيب كفايه هتتعب اكلت كتير احنا من لما جينا ومش مبطل اكل..
بصلها عز بغيظ وقال
انتي هتزليني باللقمه عشان في بيتك يا علياء..
ضحكت علياء وقالتله
ههههه مش قصدي والله انا خاېفه عليك كل يا حبيبي بالهنا والشفا مش كنت بس تروح مع عبدالله..
عزالدين
قولتله تعالي معايا ما رضيش وبعدين المفروض كان جه لمراته اللي بهدلها معاه..
علياء
يعني هو بأيده الواد ده من يومه حظه قليل وفرحته ديما مكسوره فاكر لما اتخرج من الجامعه وكان عايز يعمل شركه في القاهره ويقعد هناك بس الله يسامحه محمود ڠصب عليه يجي يقعد معاه هنا في البلد ويمسك الشغل معاه..
عز 
جوزك ما كانش بيقدر علي كمال فكان بيطلعهم في عبدالله عشان بيقوله حاضر ونعم..
علياء
بس كسب رضا ابوه ورااح وهو راضي عنه وكسبان رضايا عليه دنيا واخره عمره ما زعلني ولا عمل حاجه تخليني اشيل منه انما كمال طالعلك انت. 
عز بغيظ
هو في ايه انتي واختك يا بت كل ما واحده فيكم تخيب في تربية عيل من عيالها تقولي طالعلك....
علياء
ما تقوليش يا بت انا ست البلد كلها تيجي انت في الاخر تقولي يا بت..
لكمها في كتفها وقال پحده
بت وستين بت وانا اقول اللي عايزه اخوكي الكبير وانا حر هتنسو نفسكم يا شوية كلاب انتي واخواتك..
دخل عندهم عبدالله وقال بجمود
ايه اللي مصحيكم لحد دلوقتي..
عز
دانا مستنيك عايزك في كلمتين وامك دي ما بتناامش طول حياتي بشوفها صاحيه انا ما اعرفش هي بتنام امتي اصلا..
علياء
بيلف ويدور عشان يخليني اروح انااام ماشي يا عز بس ابني برضو هيرجع ويقولي انت قولتله ايه..
عز 
غوري يا بت انتي من هنا...
_مشيت علياء وعبدالله ابتسم بهدوء عليهم وقعد جنب عز وقاله بهدوء..
عبدالله 
خير يا خالي في ايه..
عز
بلاش خالي دي ما تعقدنيش وانت زي الشحط كده قولي يا زيزو يا عز اي حاجه ما تكبرنيش بس..
عبدالله 
ما اعرفش انا يا خالي اقول زيهم كده انت خالي وليك احترامك وهقولك يا خالي عايزني في حاجه مهمه بقي ولا اروح انااام انا مطبق من امبارح..
عز بجديه
لا عايزك في حاجات مهمه مش حاجه واحده واهم حاجه فيهم انك تكبر دماغك من اللي عايز تعمله في خلف..
اتنهد عبدالله بضيق وقال
لا ده تار عمر يا خالي ومش هسيبه ابدا..
عز
في قانون يا عبدالله ما تبقاش متخلف اثبت ان هو اللي قتل ابن اخته وانت تقدر تعمل كده وياخد عقابه بالقانون انما السكه اللي انت ماشي فيها دي مش صح وهتفتح بحر ډم عليك وعلي اخوك كمان وعلينا كلنا..
عبدالله
انا عارف انا بعمل ايه با خالي ما تقلقش بس كلام في الموضوع ده منهي ادخل علي اللي بعده..
اتنهد عز بضيق وقال
انت ليك حسن هو يخف بس ويجيلك هيعرف يعقلك الموضوع التاني بقي..
عبدالله
خير يا خالي..
عز
روان..
عبدالله بضيق
مالها..
عز پحده
اياااك تمد. ايدك عليها تاني يا عبدالله ما فيش رااجل يمد. ايده علي واحده..
عبدالله
وما فيش راجل يتحمل اللي عملته وانا كان قداامي حلين اللي عملته يا كنت اطلقها وانا ما اقدرش اطلقها..
عز 
الضړب عمره ما كان حل كنت كلمني انا او كلم ابوها..
عبدالله 
ليه وانا ما اعرفش امشي كلمتي علي مراتي ولا ايه..
عز 
والله صدق اللي قال عليك دماغك مقفله وجزمه قديمه من الاخر يا عبدالله روان لو غلطت ما تضربش تقولي انا او ابوها انت فاهم...
قام عبدالله وقال
ان شاء الله يا خالي بعد اذنك..
عز 
مش هتستني اخوك جااي هو بنته..
عبدالله بعدم فهم
اخو مين وبنت مين اوعي تقول انك تقصد كمال..
ضحك عز ببلاهه وقال
هو بعينه جايب بنته وجاااي..
قعد عبدالله جنبيه تاني وقال
لا استني فهمني ازاي يعني جاي هو وبنته وبنته ازاي هو اتجوز اصلا..
بقلم_الكاتبه_رحاب_القاضي 
_وفي القسم اللي فيه يوسف وصل يزن هناااك ولقاااه قاعد جنب محمود واسلام وميلاد وشوية شباب تانين..
قرب منه يزن وقال بقلق
ايه اللي حصل في ايه..
يوسف
انت جاي لوحدك ليه فين المحامي وبابا فين فين يونس الصاوي. 
يزن 
اهدي يا ابني جاي ورايا ويومك. اسود. معاه اخرتها كده. يا يوسف تتخانق وتيجي القسم..
وبص لمحمود واسلام وميلاد وقال
وانا اللي كنت فاكركم محترمين تطلعو معاه تعملو حسابكم انتو الاربعه ان في عقوبات ليكم في الشغل..
ميلاد بحزن 
لا عقوبات لا انا راجل داخل علي جواز وحماتي ست قويه ومفتريه وطالبه مني حاجات كتير ده حاي الصيني بتقول عليا انا..
اسلام 
اقعد كده انت وحماتك والصيني بتاعكم ده ان ما الخطوبه ما باظتش اصلا بعد. ما تعرف انك شرفت هنا..
لطم علي وشه وقال 
ما هو الفقري فقري انا عارف حظي..
محمود 
طيب انتو اتخانقتو وجابوكم انا مالي انا انسحبت بهدوء يتقبض عليا معاكم ليه..
شاور عليهم يزن وقال
بقي دي ناس تتصاحب ايه الاشكال دي..
يوسف بصوت واطي
المشكله انا السبب انا اللي اتخانقت وهما دافعو عني..
يزن
انت موطي صوتك كده ليه..
يوسف
عشان الراجل اللي ضړبني ما يسمعنيش..
يزن پحده
نعممم يا حبييي ضړبك.. وخاېف ليه كده انا هنا قولي مين الحيوان ده وانا اديه بالجزمه دلوقتي..
قام واحد من الشباب اللي قاعدين علي جنب منهم طويل وضخم جدا ومسك يزن من قفااه وقال پحده..
الراجل
سمعني كده هتدي مين بالجزمه ياااه..
يزن بصله پخوف وقال ليوسف
هو ده..
قعد يوسف بسرعه جنب ميلاد وقال 
انا ماليش دعوه..
ضړب الراجل يزن بالقلم علي قفااه وقال
ما تنطق يااه..
يزن 
من غير مد ايد لو سمحت انا بتكلم علي اخويا منه لله ما حدش مبهدلني من اياام ما كنا عيال غيره ده حتي حضرتك زمان كان في واحد بيرازي ابويا وجم يخطفوه غفلهم وخلاهم خطڤوني انا..
الراجل
اااه طيب اترمي جنبهم يا حلوه يا بلحه يا مقمعه يلاا..
قعد يزن علي الارض بسرعه جنب يوسف وقاله 
منك لله بقيت بلحه اهووو عملتولو ايه ده عشان يتخانق معاكم...
ميلاد بغيظ
فضل يلقح علينا بالكلام واحنا قاعدين في قهوه شعبيه كده قام اخوك حب يتخانق معاه واحنا نقوله يهديك يراضيك بلاش قال ابدا انتو خايفين منه علي ايه ده طول وعضلات علي الفاضي..
فجأه نزل الراجل بقلم علي قفا ميلاد وقال
بتكررها تاني يالاااا..
ميلاد حط ايده علي قفاه وقال پبكاء
وبس حصل زي ما انت شايف كده..
اسلام بغيظ 
لا بقي كده كتير انت ما تعرفش انا ابن مين..
ضربه بالقلم علي قفااه وقال
وهتطلع ابن مين ياااه..
قعد اسلام مكانه وقال بنبره شبه باكيه
ماشي هتعرف دلوقتي انا ابن مين..
ضړب الراجل محمود بالقلم وقاله
شاطر انت خليك ساكت ومؤدب..
حط محمود ايده علي وشه وقال 
حاضر..
_ولسه كان هيضرب يوسف بس مسك ايده وباسها بسرعه وقال بأبتسامه صفرااء..
يوسف 
عمي وعم عيالي انا قفايا اتهري والنبي مش ناااقص....
جه في الوقت ده يونس ومعاه المحامي وقال
في ايه بيحصل هنا...
اول ما شافه يوسف جري عليه وقاله
يابا الحقني الراجل ده ضړبني وضړب يزن كمان..
يونس بغيظ
طيب عيب علي طولك وانت زي الشحط كده