رواية زاي اطفش عروسة بابا الفصل 43

مبيفهمش هاخد غفران نلعب .. 
غفران نطت من حضنه مبوزة لا هروح أصالح بابا لو هو ظل زعلان مني حتى هو هيسبني .. 
جريت من قدامهم سايباهم مصډومين من موقفها زاي بس بعقلها الصغير بتفكر كده دخلت على أوضته بسرعه تصالحه لقته داخل بيستحمى ..
غفران قعدت على السرير بتمرجح رجليها مش بيعرف يزعل مني هصالحه ببوسه كبيره خالص خالص .. 
عمر طلع من الحمام بيمسح شعره بالفوطه بص لها مكشر و راح رامي الفوطة على الكرسي و قعد على السرير في حته بعيده عنها و هي قامت لزقت فيه روحي على أوضتك .. 
غفران مطت شفايفها بابا نسيان مبنمش غير على سريره و في حضنه .. 
عمر لو على السرير هنام في الحته اليمين و انت الشمال و لو على الحضن غفران للي مبيسمعش كلمتي ملهاش عندي أحضان مفهوم .. 
غفران بابا بص في عيوني .. 
عمر بص في عيونها لفتره أهو بصيت حركاتك ديه مبقتش هتمشي عليا و مش هغير رأيي .. 
غفران شهقت قعدت تفرك في عيونها جامد لا كده اتأكدت عيوني عطلانه .. 
منطقش و بعد إيدها عن عيونها اللي بقو حمر من كثر ما فركتهم سابها و نام على جنب السرير اليمين حط المخدات بالنص بيعمل فاصل ما بينهم فهمت إنه مقرر مش هيكلمها كان ممكن يحصل لو مكنتش غفران ..
غفران عايز تستفزه بأي طريقه عشان تجذب انتباهه ليها المهم ميفضلش ساكت الفوطه المبلوله حطتها على السرير لايقه ع لون المفرش .. 
عمر اتنهد رجعي الفوطه مكانها مبلوله .. 
غفران اللي عارفه كويس نقطة ضعفه حست تصرفها مفرقش معاه أوي حطت الفوطه على راسها طبطبت على إيده يشوفها بما أنه غمض عينه هي طلعت عليا أحلى .. 
عمر فتح عينه نص فتحه قام قعد شد الفوطه من على شعرها مكشر هتتعبي .. 
غفران مطت شفايفها لو هتنيمني فحضنك لما اتعب هتعب عادي مفيش
مشكله .. 
عمر اتنهد شالها نيمها على صدره باس راسها عايزه تنامي يلا نامي بس انا لسا زعلان منك مش معناها زعلان هبطل أحبك زي ما غفران بتزعل مني لما اغلط و بصالحها أنا زعلان و مستني اتصالح .. 
غفران على صدره بتطمن بسماع دقات قلبه هو أدرى بالأفكار اللي بتدور فراسها عارف ازاي يريحها غفران عايزه تصالح بابا هتصالحه زاي .. 
عمر بطفولية لو مهمته هتعرفي بنفسك .. 
غفران ضحكت شرير يا بابا .. 
عمر بحزم مش كنت عايزه تنامي يلا نامي ارتاحي و بعدين نشوف الموضوع ده .. 
لسا بتغمض عينها هتنام سمعو صوت دوشه و رغي كثير جاي من تحت عمر نيمها على السرير و نزل يشوف في ايه هي فضوليه قامت جري لحقته سمرا اللي قاعده مع عيلتها في الصالون شالتها بمجرد ما شافتها ..
سمرا بزعل يا روحي انت كويسة قلقت عليكي أوي الحمد لله انك كويسه .. 
غفران نطت من حضنها استخبت ورا عمر همستله ايه اللي جابها دلوقتي .. 
سمية جايين يطمنو عليكي بالمره نكمل الخطوبة اللي تلغلت و تبقى بدل الفرحه فرحتين .. 
غفران مبوزه همست ده اللي كان ناقص .. 
ليلى روح عمتو بتقولي حاجة .. 
غفران بطفولية كنت بتسأءل بس هي مش الخطوبه بتبقى في بيت العروسة صح .. 
ليلى استغربت صح يا عمتو .. 
غفران بطفولية يعني بابا هو العروسة ..
يتبع ..