رواية غلطه أبكتني عمرى من الفصل الأوّل حتى الفصل 15 بقلمي سحر السحرتي 

غير اني ابن عم صاحبتك 
سلمت عليه و شكرته ودخلت الفيلا كنت مبسوطه قوي
فعلا هيقدر يساعدها وازاي هتبدا قصه حبهم
غلطة أبكتني عمري 
حلقة ٨
ثاني يوم المفروض اني كنت اقابله خفت لان طول الليل بفكر فيه خفت اتعلق بيه وانا كنت مقرره هعيش من غير جواز بسبب مرضي وده اللي بابا زرعه فيا ووصل لي واتمكن مني 
بعث له رساله اعتذر ان حصل ظروف ونأجلها بعد يومين 
حددنا الموعد بعد يومين لبست فستان شيك واهتميت بنفسي بلا وعي ولما وصلت لقيت نظره اعجاب ارضت غروري كانثى 
كنت سعيده جدا بيها سلمت عليه وهو مصر يمد ايده ويسلم يمكن المره دي شعرت بحاجه غريبه لكن لم انتبه لها وقتها
ممكن اعرف ايه الظروف اللي منعتك تقابليني الموعد اللي لغتيه
اظن علاقتنا مش قويه لدرجه اني احكي لك كل خصوصياتي 
اتضايق من ردي وحاسس اني بصده
طب قولي لي بتعرفي تعملي ايه او بتحبي تشتغلي في اي مجال 
وضحت لك اني فاشله وبلا هدف
اكيد لا ما فيش انسان فاشل 100 واكيد عندك هدف بس لسه ما وصلتي له 
ممكن يكون كلامك صحيح وممكن كلامي انا اللي صحيح 
انت درستي ايه 
اداره اعمال 
هايل نبدا ندور على شغل في التخصص ده ايه رايك تروحي تدريب في بنك شغل محترم وهوصي انهم يتعاملوا معك بالتدريج
وايه اللي هيخليهم يعملوا كده 
اولا لانك جايه من طرفي
يا سلام على الغرور
ليه سميتيه غرور يمكن ثقه بالنفس
لان من اول ما شفتك واخذت انطباع انك مغرور جدا
هو انت اللي في قلبك على لسانك على طول كده 
معاك بس مش عارفه ليه اول مره اواجه حد بحقيقته بالطريقه دي
انت واخده فكره وحشة قوي عني
يجوز وثانيا بالنسبه للشغل اللي كنت بتقول عليها 
عايزه تدخلي في الموضوع على طول
مش عايزه اعطلك اكيد مشغول
لا مش مشغول ولو حتى افضالك يا ستي
هي الاسطوانه دي لسه شغاله مش بقت قديمه شويه
انت ليه بتصديني ومش قابله مني اي كلام
هصدك ليه بالعكس انا ممنونه انك عايز تساعدني بس برد على كلام غير مقنع وانت اكيد لك علاقات ببنات كثير و بيحبوا يسمعوا الكلام ده بس انا مش بحبه 
واذا قلت لك اني حاسس انك غير هم
اكيد انا غيرهم لان علاقتنا هتقف بعد مساعدتك لي لو لسه مصر يعني تساعدني
اكيد هساعدك و هسيب الايام تثبت لك صدق كلامي المهم ثانيا اللي بتسألني عنها هنستغل اسم والدك لانه يعتبر واجهه مشرفه ان بنته تشتغل في البنك 
واذا انا مش عايزه استغله والناس تعرف اني بنته
هيبقى كفايه اولا انك جايه من طرفي 
ضحكت قوي من قلبي 
الغرور متمكن منك بجد
بكره تعرفي انها ثقه بالنفس بس قبل ما ادور على شغل في حد ممكن يعترض على شغلك
قصدك بابا ما تقلقش هخلي ماما تقنعه انت عارف الست المصريه لها قدره غريبه على اقناع زوجها
بقلمي سحر السحرتي 
لا مش بابا انا متاكد لما يعرف انك هتشتغلي في بنك له اسمه هيوافق
اخواتي ما حدش فيهم بيتدخل في حياتي نهائي
لا مش اخواتك 
ضحكت واستغرب من رد فعلي
المفروض انك ظابط اسألني سؤال مباشر انت مرتبطه 
ضحك اني فهمت و سألني بس ما حبيت اريحه 
حتى لو ما لوش انه يتدخل في حاجه زي دي 
ملامحه اتغيرت و حسيت پحده في نبره صوته
يعني الاجابه اه او لا
مش معقول واحد لسه عارفاه يعرف معلومه شخصيه مش معلنة للناس 
مش فاهم قصدك
قصدي لو مرتبطه هيبقى شيء سري لاني مش لابسه دبله يبقى الارتباط مش معلن وبعمل حاجه غلط 
وانت ايه اي ارتباط لك هيبقى بدبله 
مش ده الصح 
يعني عمرك ما ارتبطتي خارج اطار اجتماعي 
لا بأطار اجتماعي ولا بغيره اظن جاوبتك على سؤالك واحب اضيف مش ناويه لانه خارج اهتماماتي او اهدافي 
في اللحظه دي ماما رنت عليا و اطمنت اني وصلت وخليته يكلمها عشان تسلم عليه
ماما ازيك يا ابني متشكره انك بتحاول تساعد دارين انا وافقت انها تقابلك لانك ابن عم اعز صديقه لها واكيد هتتعامل معاها كاختك الصغيره زي جومانا بالضبط
قفل مع ماما و بصي لي بفخر 
الرساله وصلت
رساله ايه 
انا عمري ما شكيت في ذكائك فخلينا نتكلم بوضوح
يا ريت انت اللي بتلف وتدور و اسئلتك غير مباشره 
الرساله انك غير كل البنات و بترفضي تعملي حاجه غلط السؤال المباشر ليه خليتي مامتك تكلمني
عشان انت متعدد العلاقات فحبيت اوصل لك اني مش هكون منهم لاي ظرف بس محتاجه مساعده فبوضح لك الصوره 
دارين مش هنكر اني اتشديت لك اول ما شفتك و حابب اتعرف عليك اكثر
و المساعده دي حجه طبعا
لا انا حاسس انك محتاجه مساعده وبجد هساعدك من قلبي 
هتساعدني حتى لو عرفت اني مش عايزه اعرفك بنفس طريقتك
ايه رايك نسيبها للايام ونشوف رايحه بينا على فين 
شوف يا مروان اسمح لي انادي لك من غير حضره الظابط انا حياتي عايشاها محتاجه هدف احققه ... بس اللي متاكده منه اني مش محتاجه راجل في حياتي عشان ما تحاولش ولا تتعشم ان ممكن يبقى مستقبلا في بيننا اي حاجه و تحطني ضمن قوائم البنات اللي عرفتها 
هو ده سبب رفضك
لا من ضمنهم
وباقي اسبابك ايه
احب احتفظ بيها لنفسي
مش هضغط عليك بس اللحظه دي انا مش بكڈب وعمري ما كذبت على اي بنت بعرفها عمري ما قلت لها بحبك او هتجوزك احنا بنقضي وقت لطيف مع بعض
بقلمي سحر السحرتي 
ما ده اللي بيخلي رجاله كتير تفكر ان البنات كلها بلا استثناء بتحب الوقت اللطيف اظن حدود علاقتنا وضحت محتاجه امشي 
ممكن اوصلك 
شكرا السواق بره 
رفض يضغط عليا حس ان حياتي مش سهله رغم الرفاهيه اللي عايشه فيها 
جومانا كلمتني اكثر من مره عشان تقابل معاذ وانا كنت بتهرب منها 
اخر مكالمه بينا اضطريت اقول لها ان واحد زميلنا بلغه انها رجعت لخطيبها
بابا هو اللي اجبرني اعمل ايه فضل يزن عليا
اللي اعرفه ان باباك عمره ما ڠصب عليك في الخطوبه لا اول مره ولا ثاني مره
انت بتكذبيني يا دارين
لا بس انت اللي كنت بتحكي لي ولما رجعتي لخطيبك عايزه معاذ في ايه ثاني 
لو رجعت لمعاذ اقدر اقنع بابا بيه
حاولي تنسيه لانه مش ناوي يرتبط دلوقتي غير لما يثبت نفسه 
وده كلامك انت
لا ده كلامه هو و بيقول لك ربنا يوفقك 
انت اللي عملت كده بتفرقي اثنين بيحبوا بعض 
جومانا انت مصدقه نفسك انتم سايبين بعض بقالكم اكثر من سنتين ومعقول اللي بتقوليه انت اعز صديقه ليا ويوم ما ارتبطت بيه كنت انا الواسطه بينكم لو مش حابه وجودكم مع بعض كنت رفضت اتدخل من الاول واكيد هو ممكن يكون ارتبط او عمل علاقات ثانيه
اه بس الظاهر ان ما لكيش مزاج نرجع لبعض ثاني
احلف لك بايه ان ده رايه هو كمان هو اللي قال انه لما ارتبط بيكي كان بيحبك واتشجع لما عرف انك بتحبيه مش عشان تدخلي
مش عارفه ليه صعبه اصدقك
اعمل ايه يعني اثبت لك ازاي 
اتحايلي عليه اعملي اي حاجه
اسفه هو رفض اني افتح معاه الموضوع ده مره ثانيه وما بقاش بيرد عليا زي الاول لانه بقى نجم ومشغول وبعدين يا جومانا الحب ما بيبقاش بالمحايله
يا سلام يعني لما بعت لك دعوه الحفله ده اسمه ايه
ده اسمه رد جميل عشان انا اللي عرفته على المنتج مش اكثر من كده
ما اقتنعتش وانا حاولت اوصل لها ان علاقتي بمعاذ ضعفت رغم انها مش كده اول ما ببعت له بيرد عليا لكن براعي انه بقى مشغول عن الاول ولازم يركز في مستقبله 
بقلمي سحر السحرتي 
بعد كام يوم مروان كلمني طالب يقابلني لانه لقى شغل في بنك كويس وعايز يعرض عليا تفاصيل التدريب
اتفقت اني اقابله ثاني يوم 
في الموعد استنى كثير بس انا ما وصلتش 
اتصل اكتر من مره ما ردتش وبعد اكتر من مره رديت وصوتي كان مش واضح افتكر اني نايمه واتكلم پغضب شديد
اه الهانم نايمه و لطعاني بقى انا استنى البرنسيسه ولا على بالها 
ما قدرتش ارد
طبعا مش قادره تتكلمي هتقولي ايه فعلا كنتي صادقة لما قلتي انك شخصيه فاشله 
كحيت بطريقه صعبه جدا حس فعلا اني تعبانه ومش عارفه اتكلم ورغم كده رديت عليه ونفسي مكتوم من دور البرد
اسفه ما قدرتش اتصل حتى مش قادره امسك التليفون دلوقت ومتشكره على تعبك معايا 
حس بدموعي وانا بقول له 
اظن كنت واضحه من البدايه لما بلغتك اني فاشله ما كانش في داعي تفكرني لاني مش بنسى 
وكملت كحه بطريقه اصعب وقفلت الخط 
ما قدرش يقاوم احساسه انه عايز يطمن عليا وصل عند الفيلا وكان متردد يدخل او لا لكن اتشجع لما لقى الداده بتوصل الدكتور وبيديها روشته العلاج 
لو سمحت انسه دارين موجوده 
اه بس تعبانه قوي انا اضطريت اطلب لها الدكتور السخونيه عاليه ومش بتنطق مع الكحه 
طب ممكن اقابل والدتها 
هي مسافره مع البيه الكبير 
يعني مفيش حد جنبها 
ومن امتى في حد جنبها يا حبيبتي بتفضل بالايام ما حدش بيقول لها انت فين انا اصلا اكتشفت بالصدفه طلعت اسألها هتاكل لانها لا فطرت ولا اتغدت قلقت لقيتها سخنه زي الڼار عملت لها كمادات على ما الدكتور وصل 
ينفع اشوفها
ازاي يا ابني ما حدش في البيت ومش معقول هتدخل غرفه نومها ما هي مش هتقدر تنزل لك
مش قصدي كنت عايز اطمن عليها 
طب سجل رقمي وهبقى اطمنك
بعد كام ساعه اتصل على دادا عشان يطمن عليا بلغته ان الحراره كانت عاليه لسه ما قدرتش تقول له ان النوبه جاتلي لان بابا منبه عليها محدش يعرف وعرف انها كلمت الدكتور و نقلني المستشفى وعلق لي محاليل وجهاز تنفس لان الدور كان جامد ومش قادره اتنفس طبيعي 
طبعا وصل المستشفى عشان يزورني لقى داده مشيت حسب طلب الدكتور لاني مش هفوق غير الصبح 
مسك ايدي وباسها حلمت بيه بس بعدين هو اعترف انه عمل كده وتأكد وقتها اني إحتليت جزء من قلبه بدا يكبر مع الايام 
طبعا مشي ما قدرش يقعد حسب تعليمات الدكتور انه شخص غريب ممنوع يكون مرافق
رفض يستغل سلطته ويقعد لان فعلا ده غلط 
ثاني يوم زارني كنت فوقت شويه ورديت عليه على قد السؤال 
شعر قد ايه انا زعلانه من طريقته ومشي لانه مش وقت كلام او عتاب 
بقلمي سحر السحرتي 
اليوم اللي بعده وصل المستشفى عشان يزورني بعد شغله اكتشف اني خرجت 
حاول يتصل بيا كنت عملت له بلوك
جرب يكلمني من رقم ثاني معاه انا مش مسجلاه عندي لقاني قافله التليفون خالص 
فهم اني متوقعه كل شيء ممكن يعمله وبحاول اقطع اي وسيله اتصال بينا 
ما كانش قدامه غير جومانا يستخدمها للوصول إلى طبعا دفعها انها تزورني لاني تعبانه وهو بيحاول يوصل لي عشان المحضر لسه مفتوح ولازم يتقفل 
جومانا استبعدت انه يكون معجب بيا