رواية غلطه أبكتني عمرى من الفصل الأوّل حتى الفصل 15 بقلمي سحر السحرتي 

ومش هينفعنا ببصله 
زاد استغرابه وحب يعجزني 
طب ما تكلمي باباك انت يا شاطره 
اكيد مش مستنيه اقتراحك الرائع لان بابا مسافر و بتليفون منه مش اقل من لواء هو اللي يخرجنا 
ليه هو انت مين
رديت بكل ثقه مصطنعة طبعا بس من جوايا مړعوبه وكنت واخده الدوا احتياط
دارين المنشاوي اظن تعرفه 
وانا بقول في نفسي كل الناس تعرفه الا انا على اساس هيتحشر لي فرد باهتمام
الا اعرفه ده رجل اعمال محترم و بيعمل خير كثير ومش عشان خاېف منه بس فعلا هو راجل محترم 
وانا مش بخۏفك بس بعرفك وكمان ليا حق صيانه العربيه اللي خبطوها بس محتاجه امشي بدري لاني وعدته اكون في البيت بدري مش بيحب أتأخر خصوصا وهو مسافر 
تقول لي جبت الثقه دي منين اقول لك استفزني غروره
طب يا صاحبه الحق اقعدي هنا على ما اتصرف
اسمي دارين على فكره
بص لي باعجاب وشي احمر قوي 
حلو اسم دارين عجبني
ما سألتش رايك 
حسيت اني زودتها لما برق لي كأنه بيبرق لمچرم عايزه يعترف فرديت بكل خوف 
بس شكرا على رايك يهمني اعرفه جدا
خرج وهو بيضحك اني قلبت قطه من بصته بعد ما كنت عامله سبع رجاله في بعض 
خرج من هنا و جومانا كانت مصدومه من طريقتي معاه 
ېخرب عقلك انت عملتي ايه ده ما حدش في العيله يقدر يتكلم معاه نص كلمه
ليه يعني وبعدين ازاي تسيبيه يمسكك من شعرك كده 
هو متعود على كده من ايام ما كنا عيال صغيره يمسكنا كلنا كاننا حراميه زي ما يكون كان عارف انه هيبقى ظابط لما يكبر 
ظابط على نفسه يا حبيبتي ولا لا احسن يسمعنا وكويس اني عرفت اتكلم احسن يبعت يجيب باباكي 
بقلمي سحر السحرتي 
هو طبعا بحسه الظباطي حس ان في حاجه مخفيه فحب يجرب فخ وانا وقعت فيه زي الهبله دخل علينا 
خلاص المنشاوي بيه قال 10 دقائق ويوصل نكون خلصنا الاجراءات
نطيت من مكاني
بابا ايه هو رجع ... امتى وعرف اني كنت في الحفله 
ضحك بطريقه خبيثه
يعني ما يعرفش انك كنتي في الحفله
فهمت انه كشفني وانها لعبه منه فكان لازم ارد بثقه 
بصراحه ماما اللي تعرف ووافقت 
يعني كذبتي عليه
لا ما كذبتش بس معلومه ما يعرفش عنها حاجه مش هيضروا او يفيدوا يعرفها اصله بېخاف علي قوي
وخوفه طلع في محله يبقى ده يعلمنا ايه
يعلمنا ان لما يحصل حاجه لينا تاني عمرنا ما نتصل عليك ... هنخرج ولا اتصل على ماما تبعت المحامي ذليتنا بما فيه الكفاية كفايه بقى 
انت اول مره تدخلي قسم 
واكيد اخر مره
جومانا مسكتني من ايدي پخوف من طريقتي معاه وهو لاحظ 
وانت كمان يا ست جومانا عمي يعرف ولا معلومه مش هتضره معرفتها 
بقول لحضرتك ايه يا استاذ مروان متشكرين بجد تعبناك معانا انا هكلم المحامي بدل ما انت مذنبنا كده زي مدرس بيأنب تلامذته اللي ما عملوش الواجب 
جيت امسك الموبايل اكلم ماما مسك ايدي وضغط عليها جامد
خلاص يا لمضه عشان خاطر عمي هيزعل انه اذن لجومانا بالخروج وحصل لها كده وكمان هخلي الموضوع بينا
اه ايدك جامده قوي انت قافش حرامي عموما شكرا لحضرتك ممكن نمشي
اه بس هاتي رقمك عشان في شويه اجراءات لازم تخلص
ما تاخد رقم جومانا
هي جومانا صاحبه العربيه 
حاضر هخلي جومانا تبعته خلينا نمشي هنتاخر 
مع السلامه يا لمضه
ابتسمت وهو كمان ومشينا وصلتها وكانت مش مصدقه اللي حصل وازاي عدينا منها 
بقلمي سحر السحرتي 
بعدها بيوم اتصل عليا وطبعا رقم غريب رديت ببرود
نعم مين معايا 
ده رقم انسه لمضه
لا الرقم غلط حاول تفتح وانت بتتصل على الناس مش ناقصه رزاله 
قفلت الخط و استوعبت بعدها كلمه لمضه ان مروان هو اللي قال لي كده في القسم اتصل ثاني وقالي بنرفزه 
اوعي تقفلي الخط احسن المره دي هحبسك 
عملت نفسي هبله 
مين معايا 
على فكره انا ظابط واعرف الكذاب من نبره صوته وعرفت دلوقتي انك افتكرتيني بعد ما قفلتي
برافو عليك ظابط بجد 
ظابط شاطر وشاطر قوي
وعايز ايه يا حضره الظابط الشاطر قوي
في اجراءات لازم تخلص بعد ساعه تكوني عندي في القسم 
هبعت المحامي بتاعي
على ايه ما فيش داعي كلها ربع ساعه وكل حاجه تخلص مش هعطلك 
لازم يعني
اه الشباب هتدفع ثمن صيانه العربيه 
مش عايزه مسامحاهم التوكيل هيتكفل بيها لانها متأمن عليها 
لا ازاي اوعي تسيبي حقك 
حسيت انه مصر اروح فعملت نفسي هبله ثاني 
يا سيدي انا مسامحه 
بكده هتخليهم يعملوها تاني مع اي بنت لازم يتربوا 
وجهه نظر فعلا طب ممكن اتاخر شويه عن ساعه
ليه
اصل القسم بعيد على ما يجي السواق
لا ما هو مش القسم بتاع امبارح اللي جنبك يعني عشر دقائق هتكوني هنا
ده ازاي يعني هو مش المفروض اروح نفس القسم
لا ما انا حولت المحضر عندي عشان ما تتعبيش كل شويه رايحه جايه
و هروح واجي كل شويه ليه هي مش المره دي وخلاص 
لا ساعات الاجراءات بتاخد كام يوم
حاضر جايه خلال ساعه صح
اه اكون خلصت الدوام 
نعم و جايبني ليه بعد ما تخلص شغلك 
انت بتشغلي مخك كثير كده يتعب
ابتسمت وهو حس فقال بسرعه 
ما تتاخريش
وقفل قبل ما اكمل اسئله 
مزاجي كان مقلوب و متضايقه من اللي عملته جومانا والموقف اللي اتحطيت فيه مع معاذ فلبست ترنج رياضي وحذاء مناسب معاه و لمېت شعري ديل الحصان 
رحت له سألت على مكتبه ... اول ما دخلت بص لي وهو مستغرب ازاي دي نفس البنت اللي كانت في منتهى الشياكه اول امبارح وقال
اهلا كابتن عطوه اتفضل في ميعادك بالظبط
ضحكت ڠصب عني
اهلا بيك ارجوك بسرعه اصل مستعجله
باين الاولمبيات مستنيه عداءة مصر الاولى
هو حضرتك بتتريق ممكن اكمل معاك حفله السمر بس مش فاضيه
دخل علي صاحبه وهو بيقول 
فين يا ابني واقف على باب القسم عشان اشوف البنت القمر اللي انت مستنيها ما حدش جه لغايه دلوقتي
قلعت النظاره وقلت
نعم افندم هو انت جايبني عشان تفرج عليا صاحبك
رد بثقه وهدوء عشان اصدقه
لا طبعا هو انت فهمت ايه انا مستني واحده صاحبتي خارج معاها وبعدين مش سامعه بيقول قمر انا راضي ذمتك انت قمر 
لا انا عايزه امشي ممكن
اخرج يا علي امشي لما تيجي قمر خليها تستناني في مكتبك 
و غمز له بس اخذت بالي طبعا وعملت هبله عادي طبعي كده 
بقلمي سحر السحرتي
بعد ما خرج علي بص لي كأنه مش مصدق اني نفس البنت
في ايه بتبص لي كده
ليه حاسس انك اتبدلتي فين اللماضه بتاعتك 
ابدا متضايقه و مزاجي مقلوب غير اني حسيت نفسي قد ايه كنت سخيفه معاك وانت بتحاول تساعدنا 
طب استني افتح محضر 
ليه 
للي قلب مزاجك و نشده عشان ما يعملهاش ثاني 
ضحكت على كلامه بالعافيه هو حاس قد ايه متضايقه 
انا خلصت شغل تحبي نقعد سوا في مكان ونتكلم على اللي مضايقك يمكن الاقي حل بجد 
ممكن تلاقي لي طريقه للمۏت الرحيم 
نعم عايزه ايه 
ما تاخذش في بالك
طب اتفضلي معايا في كافيه قريب محترم نقعد فيه شويه 
بصفاتنا ايه
انا ابن عم صاحبتك هنتعرف على بعض و ندردش
ده على اساس اني ماشيه اتعرف على عيله صاحبتي نفر نفر ممكن اخلص الاجراءات اللي طلبتها مني لان مزاجي وحش جدا وڠصب عني ممكن يطلع كلام يضايقك وانا بكره ازعل اي حد حتى لو ما اعرفوش
بصراحه كنت مستني محامي الشباب بمبلغ التعويض وقبل ما تدخلي بخمس دقائق اعتذر 
حسيتها حجة طبعا بس عديتها
مفيش مشكله بلغوا اني متنازله او خدهم منه و اديهم اي جمعيه خيريه استأذن 
مد ايده يسلم عليا هشوفك تاني
لو اضطريتني الظروف بس ما اعتقدش 
جيت امشي فضل ماسك ايدي وهو لسه بيتكلم
طب اوصلك اكيد العربيه لسه في التوكيل 
سحبت ايدي منه
شكرا انا اصلا جايه مشي و هرجع مشي
ياااه كل المسافه دي
وانت عرفت ازاي انها مسافه
لا دي جومانا اللي قالت انك ساكنه قريب من هنا بس مش مسافه كبيرة تمشيها
انا لما ببقى متضايقه بمشي مش بحس لا بالوقت ولا بالمسافه
يبقى نتمشى سوا اصلي رايح لواحد صاحبي في نفس الكومباوند 
امام اصراره ما حبيت اكسفه او لاني كنت عايزه اتكلم مع حد 
ممكن بس تستنيني لحظه واحده
اه انت رايح تشوف قمر وصلت ولا لا
هههههه لا هدي علي حاجه 
مسك زي كوره كده وفتح باب مكتب وسمعت علي بيقول
اه ايدك تقيله يا جدع 
و قفل الباب ومشي معايا
تضايقي لو قلت لك مالك
تعرف الملل القاټل
اه مش ده لما الانسان بيبقى فاضي ومش بيعمل حاجه ولا له هدف 
هو بالظبط
ماله 
انا عايشاه دلوقتي بعد ما اتخرجت 
ما تشتغلي زوري اصحابك مارسي هوايه
بابا رافض الشغل واصلا انا مش بعرف اعمل حاجه ومش فاكره درست ايه في الجامعه كنت بنجح بالعافيه يعني فاشله في كله
مفيش انسان فاشل هو انت دخلت الجامعه ڠصب عنك
تقدر تقول اه او لا
مش فاهم وضحي لي
انا سقطت في الثانويه العامه سنه لاني بخاف من الامتحانات و اتوتر جدا طول عمري ونجحت فيها بالعافيه ودخلت جامعه خاصه عشان انجح لكن ما كانتش هدفي ولا لي هدف 
و اصحابك مش بتشوفيهم ليه و تخرجوا مع بعض 
ما ليش اصحاب غير بتوع الجامعه وفي اللي بيشتغل و مسحول واللي اتجوزت واللي بتجهز نفسها للجواز زي جومانا 
وانت مش هتتجوزي ما حدش من اللي بيتقدم لك ينفع وما تقوليش ما حدش بيتقدم لك والا الرجاله اتعمت
شكرا على ذوقك بس بابا بيرفض على طول من غير ما اقابل حد
ليه رافض انك تتجوزي
لا انا اللي رافضه مش حابه الفكره ومش مستعده لها
واهلك في البيت مش بتقعدي معاهم اخواتك الصبيان 
انت عرفت منين ان انا عندي اخوات صبيان
دي جومانا
يظهر ان جومانا حكيت لك تاريخ حياتي
يعني كنت بدردش معاها وجت سيرتك في النص
وانا كنت بدردش معاها وقالت انك مش بتتكلم مع حد يبقى جبت المعلومات دي ازاي 
مش بقول لك بتشغلي مخك كثير عشان كده تعبانه كنا بنقول ايه قبل سيره جومانا اه اخواتك فين 
هيكونوا فين اكبر مني و صبيان اكيد ماسكين الشغل مع بابا اللي باستمرار مش موجود او مسافر 
طب ايه رايك ادور لك على شغل يكون كويس تشغلي وقتك فيه
يا ريت بس مش هستحمل حد يزعق معايا او يتهمني بالاهمال في الشغل
مش كله بيكون كده هحاول اشوف لك حاجه كويسه 
و تفتكر لو لقيت بابا هيوافق 
قولي لماما زي يوم الحفله المعلومه اللي ما يعرفهاش مش هتضره على ما تثبتي نفسك وانا هتاكد انها امان بالنسبه لك قلتي ايه 
بقلمي سحر السحرتي 
هكون متشكره لك جدا واحس ان معرفه جومانا اخيرا طلعت منها بفايده 
ضحكنا مع بعض
مبسوط اني قدرت اغير مودك اشوفك بكره في نفس الميعاد 
ليه مش الاجراءات خلصت
عشان ندردش مع بعض واعرف امكانياتك و بتحبي تعملي ايه عشان اقدر ادور لك على شغل مناسب وأمن 
بصيت له بحيره هو فهم عايزه اقول ايه
احنا هنتقابل في مكان عام بهدف ايجاد وظيفه مناسبه لك