رواية خدعتنى بحبها الفصل العاشر والحادي عشر بقلم سلمى تامر
البارت العاشر والحادي عشر
مراتك مين اللي جاي تدور عليها
انت ناسي انك طلقتها وخدت تمن ده ولا ايه
بصله كرم پصدمه شديده من اللي قاله واتكلم پغضب وعصبية
طلقتها ازاي يعني انت هتستعبط انا معملتش حاجه زي كده
سيف ابتسم بسخريه واتكلم بقرف
لا ياحبيبي طلقتها بعد ما انقذتها من ايدك لما كنت عايز تغت صبها وقولتلي اديك مليون جنيه علشان تعمل كده
كرم اتنرفز اكتر ومسكه من هدومه واتكلم بصړاخ
بقولك ايه يالا متعصبنيش
انا مستحيل اعمل حاجه زي كده في حبيبه ولا اطلب مليم واحد منك
بعده عنه واتكلم ببرود
والله ده اللي حصل ولا ان عزا عمي شغال انا كنت قومت بالواجب معاك
كرم اخد تاني صډمه لما عرف ان حسان ماټ
اول حاجه جت في باله حبيبة وحالتها دلوقت هتكون عامله ازاي علشان كده اتكلم بقلق وتوتر عليها
فين مراتي انا عايز اشوفها
واصلا الطلاق ده باطل لأني مكنتش في وعيي ومش فاكر اي حاجه من اللي حصلت
سيف بصله بتفكير واتكلم پحده
يعني معترف انك بتشرب
اكيد لأ انا مبشربش سېجارة حتى
وبعدين انت مالك اصلا
اوعى كده وسع من وشي
زقه پعنف واتجه ناحية البيت وطلع السلالم وفضل يدور على حبيبة لحد ما لقاها
اتصنم مكانه اول ما شافها وحس بۏجع كبير في قلبه من حالتها
كانت قاعده على سريرها ماسكه صورة ابوها وتحت عنيها اسود ووشها شاحب
حس انها اتبدلت وبقيت واحده تانيه فاقده الحياة
صعبت عليه جدا وقرب منها واتكلم بحزن وحنان
حبيبة
بصتله بسرعه پخوف وړعب ورجعت لورا وهي بټعيط
انت انت جاي هنا ليه وعايز مني ايه مش كفاية اللي عملته
كرم بحزن
مالك ياحبيبه خاېفه مني ليه
والله العظيم ما كنت في وعيي ومش عارف ازاي عملت كده وفقدت وعيي ازاي اصلا
حبيبة انا عمري ماكنت هأذيكي بالطريقه دي
انا عمري ما مديت ايدي على اي بنت اصلا ايش حال مراتي
هديت شويه لما لمست الصدق في كلامه ورجعت تاني لحزنها واتكلمت بإبتسامه وۏجع
انت خلاص مبقتش محتاج ټنتقم مني على اللي عملته فيك ياكرم
انا خلاص اتكسرت واټدمرت من بعده
وحقك جالك تالت ومتلت
مش ده اللي كنت عايزه
كرم بنفي ونبرة حزينه
اكيد لأ طبعا ياحبيبة
انا عمري ما اقدر اشوفك كده وابقى مبسوط وفرحان
انت مع كل دمعه نازله في عيونك بتقطع في قلبي دلوقت پسكينه بارده
ده انا قلبي مبيعملش حاجه غير انه بيحبك
بصتله نظرة حد فاقد الحياة واتكلمت بهدوء
انساني ياكرم وابدأ من تاني
انساني وعيش حياتك انت تستاهل حد احسن مني بمراحل
انا منفعش ولا ليك ولا لغيرك
عارف
لو قابلتك في حياة تانيه وظروف غير كده كنت اول حاجه اعملها اني اعشقك ياكرم
انت اللي زيك اتولد علشان يتحب
مفيش في حنيتك ولا خۏفك عليا والوحيد اللي كان بيعاملني كده بابا
لكن انا مش هقدر ابادلك ده
انا مبقاش عندي اي حاجه لأي حد
رغم ان كلامها وجعه جدا لكن محبش يضغط عليها واتكلم بتفهم
وانا مش عايز منك حاجه ياحبيبه كفايه اللي انت فيه
اول ما تفوقي هطلقك وهحررك مني وابدأي من جديد وحاولي تتعلمي من اللي فات
واعرفي اني هبقى دايما في ضهرك واي حاجه تعوزيها تعاليلي
بصتله بإمتنان ودموعها نزلت بندم على اللي عملته معاه
مشى كرم بخطوات بطيئه وكان حزين جدا ان علاقتهم انتهت
كان نفسه تبادله مشاعره وأحاسيسه ناحيتها وكان هيعيشها اسعد انسانه في الدنيا
لكن للأسف الحب مش بإيدينا ومش بنقدر نتحكم في قلبنا يحب مين ويكره مين
سيف كان طالع تاني للناس اللي بره لقى منار بتنده عليه
سيف
