رواية شمس تتحدى الغيوم الفصل الرابع والثلاثون والخامس والثلاثون بقلم عبير سليم

حسونتك ياستي
يأتي وقت عقد القران فيضع والد شمس يديه فى يد شاكر لعقد قرانهم أمام الجميع والكل يصور هذا الموقف الذي يربطهم بالرباط المقدس
ينتهي عقد القران بقول الماذون بارك الله لكما وبارك عليكما وجمع بينكما فى خير
تنطلق الزغاريد فى المكان ويستمر الحفل
يتجه سامر نحو حنين _القمر قاعد لوحده كده ليه انتى مبتحبيش اللمه
حنين _بالعكس بس اصلي معرفش حد غير عهد بس وهي قالتلي اقوم معاها بس انا اتكسفت
سامر _يعني انا اللى اعرف حد قومي قومي فى الافراح محدش بيسال حد انت مين المهم الكل يفرح وينبسط وبس
ياخذها من يديها لتشاركهم فى الرقص مع العروسين
كانت عهد تشارك الكل فرحتهم وكان سيف بجوارها لا يفارفهامما اشعرها باهميتها عنده حتى انها كلما ابتعدت عنه وجدته يبحث عنهابعينيه
لم يتوانى على ومروة عن الرقص
وكان انس يرقص هو الاخر ممسكا بيد عشق الذى لا يطيق ان يتحدث اليها اى ولد غيره
مازن ابن احد الجيران لهم_فستانك حلو اوى ياعشق وشعرك كمان حلو اوى
عشق _هههههه بجد شكلي حلو
أنس وهو يحيط كتفيها بذراعه _ايوة طبعا شكلك حلو روح يابنى انت اقعد جمب مامتك
مازن_هو انا كل مااتكلم مع عشق تتخانق معايا
أنس _هو انا اتخانقت معاك انا بقولك اقعد او ارقص براحتك بس بعيد عننا
عشق_جدو ياجدو
شاكر_ايوة ياروح جدو
عشق _انس بيزعق لمازن عشان كان بيكلمني
شاكر _حيجيبه من برة يعني ماابوه كان كده مع عمتك مروة
أنس _لو الواد ده كلمك تاني مترديش عليه انتى فاهمه
عشق _ليه يعني هو مقليش حاجه وحشه
شاكر _مالك بالولد بس ياانس
أنس _مبحبوش واد رخم اوى
يجلس بجوار عشق دون ان يتحدث إليها
عشق _انت مخاصمني ياانس
انس_واخاصمك ليه ياعشق لو عاوزة تروحي تتكلمي معاه او تلعبي معاه روحي
عشق _لاياانس انا عاوزة اقعد جمبك والعب معاك انت
أنس _طب ياللا بينا نرقص مع شمس وخالو
اما عند سناء وامل وزوجها وليد الذى اصر على الحضور ليشاركهم فرحتهم _شفتى شمس جميله ازاي ياامل
أمل _بسم الله ماشاء الله ربنا يهنيها يارب زى القمرربنايسعدهم ويهنيهم يارب
ياتى ميعاد رقصة السلو بين العروسين واى كابلز آخر 
يتقدم الكل للرقص معهم فى هذه الليله جمع غفير من الكابلز
شاكر وهاله وعلى وعاليه وعلى ومروة وعمار واشرقت وايمان وشمس والعاشقان الصغيران انس وعشق
يمد سيف يده لعهد _تسمحيلي
تجد عهد نفسها تمد له يديها هى الاخرى
ولم يفوت سامر هذه اللحظه فطلب هو الاخر من حنين ان تشاركه الرقص فلم ترفض طلبه كان الجميع يرقصون على اغنية
غمض عينيك واحلم معايا وهات ايديك واحضن هوايا احضن هوايا لابعد حد والمس معايا خدود الورد
لا نجوم وليل ولا سما ولا ارض ده احنا فى دنيا لوحدنا
دوقني شوق دوق الغرام غمض عينيك وفحضني نام
قول فالهوا احلى الكلام ده احنا اتخلقنا لبعضنا
ليلة غرام نحلم ندوب من غير كلام تحكي القلوب خدنى فهواك ده احنا يادوب باب الهوا مفتوح لنا
سامر _تعرفي انك اجمل بنت فى الحفله
حنين _انا
سامر_ايوة انتي ياحنين
حنين _بس انا طول عمري حسه انى اوحش واحده فى الدنيا ومحدش بيحبنى
سامر _ليه كده
حنين_لابابا ولا ماما بيحبونى رمييني عند تيته محدش فيهم بيعبرني انا اوقات كتير بقول ليه اتجوزوا واخلفوني انا زعلانه اوى ياسامر
سامر _محدش بياخد من الدنيا كل حاجه بس احيانا ربنا بيعوضنا ياحنين باللى يفرح قلوبنا ويحسسنا بقيمة وجودنا فى الحياة
سيف _انا مش مصدق نفسي انك بترقصي ببن ايديا
عهد _ليه ده كله
سيف _مانتى عارفه ليه ياعهد انا لو قلتلك اد ايه انا سعيد مش حتصدقينى انا حاسس احساس عمري ماحسيته قبل كده انا حاسس انى طاير فى السما
عهد _للدرجه دي بتحبني ياسيف
سيف _بحبك اوى ياعهد فوق ماتتخيللي
عهد _ليه اشمعنى انا
سيف _الحب مفيهوش ليه ياعهد واشمعنى مش احنا اللى بنختار اللى بنحبهم قلوبنا هى اللى بتختار وانا قلبي اختارك انتى ادينى فرصه ياعهد ادينى الفرصه وانا اوعدك انك مش
حتندمى ادينى الفرصه وانا اعيشك الحب وادوق طعمه واخليكي تدوبي فيه ټغرقي فى بحره وتبقي مش عاوزة حد ينجيكي منه
تخترق هذه الكلمات قلب عهد ولما لا وتلك الكلمات نابعه من قلب عاشق فلا تشعر عهد بنفسها سوى وهى تقول له
عندك استعداد تستحملني تساعدنى تقف جمبي لحد مااقدر اقف على رجلي فى المكان الصح اقدر انسى ومشوفش غيرك انت وبس
سيف _العمر كله مستعد استحملك العمركله
عهد _مش حتزهق
سيف _ده حيبقى احلى زهق فى الدنيا كلها
عهد _خلاص
سيف _خلاص خلاص ايه
عهد _خلاص كلم ابيه علي
سيف _عهد انتى قصدك انى اتقدملك واخطبك
عهد _ياربي شكلك كده فهمك تقيل
سيف _فى الحاجات دى ايوة عهد متلعبيش باعصابي اكلم علي بجد ياعهد اخطبك منه بجد
عهد _ايوة بجد طبعا
تعلن الاغنيه عن الانتهاء من الرقصه
ويتوجه الكل للجلوس مكانه
بينما ياخذ يبف عهد من يديها ويتوجه نحو على
على على
على_ايوة مالكم فى ايه
سيف _انا بطلب منك ايد عهد
علي_تما انت ماسك ايدها اهوه ونازلين رقص وانا اريال عادى يعنى عاوز ايه تاني
سيف _على متغلسش بقى انا عاوز اتجوز عهد
علي_انت عاوز تتجوزها انتى موافقه تتجوزيه
عهد _ايوة موافقه
على_تمام اوى روح بقى اطلب ايدها من جدها انا مليش دعوة
سيف _طب وافرض رفض
علي_تبقي فقري ومش وش نعمه روح بقى وربنا معاك
يتجه سيف حيث يجلس شاكر ليجلس بجانبه_عمي
شاكر_نعم
سيف _عاوز اتجوز عهد
شاكر _عاوز تقعد عالارض ليه يابنى ماالكراسي ماليه القاعه
سيف _ياعمي بقول لحضرتك انا طالب ايدها
شاكر _انت عاوز ايه يابني انت جعان
سيف _يالهوي عمي ابوس ايدك اسمعني انا عاوز اتجوز عهد 
شاكر_هو انت مش ليك اهل
سيف _ايوة ياعمي
شاكر_تجيبهم بكرة وتيجوا انا كلامي مع الكبار بس
يقبله سيف بقوة _حاضر حاضر ربنا يخليك
على الجانب الاخر نجد من ينظر اليهم والغيرة والحقد يملئون أعينهم _شايفه ياموكوسه هو ده النسب شايفه الفرح وجماله واللا الأكل ايه ده اناحسه كانى فى فيلم ده انا عمري ماشفت حاجه زى كده غير فى الافلام وبس
رنا_ايوة فعلا ياماما دي طلعت لئيمه اوى دى تلاقيها هى اللى سابت خطيبها عشان ترمي شباكها على المز ده يالهوى ياماما ده شبه نجوم السنيما ده احلى منها مية مرة
نجوى_محظوظه مش انتى يافقريه عارفه لو جيبتيلي سيرة الزفت اللى كلمتيني عنه تانى حولع فيكي وفابوكي
رنا_خلاص ياماما انا حلزقلها بعد كده يمكن ينوبني من الحب جانب
الكل ملتف حول العروسين ليشاركوهم الرقص
تخرج خارج القاعه لترد على جدتها_ايوة ياتيته متقلقيش ياحبيبتى حاضر حاضر والله خلاص انا حقول لعهد وحاجي على طول
تغلق معها الهاتف لتجده يتحدث إليها _ربنا يخليهالك يارب
حنين _سامر انت واقف من امتى
سامر_من وقت ماقلتي لتيته انك حتسلمي على عهد وتمشي
حنين _اصلها قلقانه علية
سامر _طب ياللا بينا
حنين _ياللا بينا فين
سامر_حروحك
حنين _متشغلش نفسك انا حاخد تاكسي
سامر_لا والله على اساس انى حوافق انك تركبي تاكسي وانا موجود اتفضلي قدامي
تشعرحنين بأن قلبها سيتوقف من شدة فرحته فلتهدا ياقلب
يفتح لها باب السيارة لتركب بجواره ويتحرك بالسيارة
ممكن اطلب منك طلب
حنين _اتفضل
سامر_متلبسيش اللبس الضيق ده تاني
حنين _انا مش متعوده البس ضيق بس دى مناسبه يعنى وبعدين مش انت قلتلي اني احلى بنت فى الحفله
سامر_ايوة طبعا انتى احلى بنوته مش فى الحفله فى الدنيا كلها بس فى بنات وستات