رواية شمس تتحدى الغيوم الفصل الرابع والثلاثون والخامس والثلاثون بقلم عبير سليم

كتير اوى كانوا موجودين ولابسين شيك جدا وواسع وجميل
حنين _طب وهو انت يعنى عندك مشكله انى البس ضيق
سامر وهو يقف بالسيارة فجاة _ايوة عندي مشكله انا مقدرش اشوف حد بيبص عليكي او يتغزل فيكي وانا واقف
حنين _.......................
سامر_حنين ممكن تاخديلي معاد من تيته وبابا
حنين _معاد ليه
سامر _عشان اقولهم انك كنتي لابسه ضيق ومحتاجه راجل يشكمك والراجل ده هو انا حضرتك موافقه واللا لاء
حنين _لاء
سامر _لاء مش موافقه
حنين _لاء قصدي يعنى لاء مش فاهمه تقصد ايه
سامر_يالهوي واضح كده ان فهمك على اده حاضر ياستى حفهمك انا بحبك بحبك بحبك فهمتي وعاوز اتقدملك فهمتي
حنين_اه
يامر_وانتي ايه رايك
حنين_ايه رايي فى ايه
سامر_ياسنه سوخه ياولاد
يعلن الحفل عن انتهائه بالقاء شمس لبوكيه الورد الذي تلتقطه ايمان سريعا فيحتضنها حسن _عقبالنا يارب
إيمان _يارب ياحسونتي
يسلم الجميع على العروسين مع الدعاء لهم بالسعاده والذريه الصالحه
بينما يأخذ عمر شمس ليصعدان فى المصعد والتوجه الى الجناح المخصص لهما حتى الصباح قبلةان يسافران الى احدى الدول الاوروبيه لقضاء شهر العسل
يدخلان الجناح وهو يحملها على ذراعيه كالفراشه
ينزلها من على ذراعيه ليحتضن وجهها بكفيه_هو انا بحلم واللا دي حقيقه
شمس بخجل_سواء كان حلم او حقيقه فدي اجمل حاجه حصلتلي فحياتي
عمر_لا ياقلبي الحلم مسيره ييجي يوم ونصحى منه لكن الحقيقه اللى احنا عايشينها دى حنفضل مستمتعين بيها وعايشين فيها العمر كله
ياااه انا مش قادر اصدق انك خلاص بقيتي معايا وملكي انك بقيتي مراتي حبيبتى
شمس _للدرجه دى فرحان ياعمر
عمر_فرحان بس ده انا اسعد إنسان في الدنيا كلها انا لو سعادتي النهارده اتفرقت على العالم حتملاه كله سعاده وحب
شمس _توعدني ياعمر ان السعاده دي تطول طول العمر
عمر _اوعدك ياشمس اني طول مافية نفس فى الدنيا طول ماقلبي بيدق مش حيدق غير بحبك انتي
شمس _يعني عينك مش حتشوف واحده غيري في يوم من الايام
عمر_يوم ماعيني تشوف واحده غيرك اتاكدي ان ده مش انا وانى أكيد بدلوني بواحد تاني
شمس انا قلبي اتفطم على حبك انتي لاحب قبلك ولا حيشوف بعدك انتى حبيبتي ومفيش غيرك ممكن يكون حبيبي مهما طال الزمن
شمس _وانا بحبك اوي ياعمر بحبك لدرجه انى خاېفه اوى
عمر _شمس انا مش عاوز اسمع كلمة الخۏف دى طول مانا معاكي
ينهي حديثه معها وهو يضع قبله رقيقه على شفتيها تلك القبله التى ولأول مرة يتذوقون فيها طعم العشق الذى يسكن قلوبهم قبله تجعلهم هائمين فى عالم لا يشعرون فيه سوى بالحب الذي يغمر قلوبهم ويملؤه حب وسعاده
مااصدق المشاعر عندما تكون نابعه من قلب لا يعرف سوى الحب
قلب لم يجيد العشق من قبل ولكنه الآن عاشق بكل ماتحمله الكلمه من معنى
ملك أنا لمدينة لم يسكنها سوى ملكته التى توجت عرش قلبى
ملك انا لامرأة استحوذت على كل مشاعري
ملك انا ومليكتي تملك قلبي فى ايديها وتحركه كاللعبه بين يديها كيفما تشاء
اذا كنت انت ملك فأنا أسيرة قلبه ذلك القلب الذى منحني من الحب مالم انعم به من قبل
حمدا لك يالله شكرا لك ياقدر على توفيقك لنا بهذا الاختيار الذي وفقتنا اليه ولم نسع نحن اليه فى يوم من الأيام
تنطفئ الشموع وتنغلق الستائر لتنعم قلوبهم بدفء ليله من اجمل ليالي العمر
ليله تختم فيها القلوب على هذا العشق يضع صك ملكيتها عليها
تصبح زوجته بكل المعاني زوجه وحبيبه وصديقه
انتهى البارت النهارده يارب يكون عجبكم معلش بقى اتأخرت عليكم بس انا عند مامتى وانتوا عارفين بقى التجمعات العائليه بيبقى صعب انك تعمللي اى حاجه غير الجري ورا الولاد ومش حينفع اعمل نفسي نايمه ههههههه
كل سنه وانتم طيبين ومعلش بقى لو كنت ضيعت الليله كلها فى الفرح بس بصراحه فرحهم كان عاجبني اوى وكنت عاوزة نعيش الفرح معاهم ربنا يهنيهم ويسعدهم
انتوا عارفين بقى غلاوتهم عندنا وعقبال كل البنات
وربنا يستر من اللي جاي اشوفكم على خير يارب
توقعاتكم تعليقاتكم رايكم في البارت سلام ياحبايبي
الفصل الخامس والثلاثون من رواية شمس تتحدى الغيوم
بقلمي _عبير سليم
فى فيلا عائلة المهدي فى غرفة عليا ويزيد
عليا_عهد ياحبيبتي انتي متأكده من مشاعرك ناحية سيف
عهد _أيوة ياعليا متأكده اانتى عاوزة تقولي حاجه
عليا_ايوة ياحبيبتى عاوزة اقولك ان الجواز مش لعبه وچرح المشاعر أكبر مليون مرة من أى چرح فى الدنيا
عهد _انتي ليه بتقوليلي كده ياعليا
عليا _عشان انا خاېفه تكوني قررتي توافقي على سيف عشان تنسي عمر مش اكتر سيف إنسان كويس اوى وميستاهلش منك انه يكون مجرد وسيله للنسيان مش اكتر
عهد _متقلقيش يالولو انا منكرش انى فى الاول كنت بوافق انى اروح معاه الجيم واخرج معاه عشان ابطل افكر فى عمر لكن مع الوقت اتعلقت بيه بقيت بحب اخرج معاه بقيت بفرح لما الاقي اسمه على شاشة التليفون بقى بيوحشني لما بيغيب عنى يوم واحد مشوفهوش فيه حبه لية واهتمامه بية فى ادق تفاصيل حياتى خلاني ڠصب عني اتعلق بيه وابطل افكر فى عمر بقيت لما بشوف عمر قلبي مبيدقش زى الاول ولما اسمع صوته يبقى شئ عادي بالنسبه لي
انا مش عارفه اذا كنت بحبه واللا لاء بس انا بحب اشوفه بحب افضل معاه بحب اتكلم معاه بحس معاه بالراحه وبالامان والاكتر من كل ده انى بقيت حبه انى ارتبط بيه.
واطمني يالولو انا عمري ماحجرحه او اتسببله فى اى الم لانه ميستاهلش مني غير كل خير
انا جربت انى أحب من طرف واحد لقيته شئ وحش اوى وصعب وتعب قلب عالفاضي
كنت طول الوقت بتمنى نظرة كلمه ضحكه شبه الشحاتين لكن انا دلوقتى معايا كل ده من غير مااطلبه ودي نعمه كبيرة اوى من ربنا ويبقى غباء مني لو فرطت فحاجه زى دى
عليا _ياحبيبتى ياعهد ربنا يكملك بعقلك يارب انا مش مصدقه انك كبرتي وبقيتى بتفكري صح بالشكل ده
عهد _وجودكم فى حياتي هو اللى قواني وكمان جدة حنين صاحبتي اتكلمت معايا وحكتلي قصة جواز مامة حنين وباباها وبصراحه انا خفت يحصللي كده
عليا _للدرجادي
عهد _ايوة يالولو انا عارفه ان باباها ومامتها منفصلين بس مكنتش اعرف السبب وعمري ماسالت حنين لأن ده شئ ميخصنيش لكن جدة حنين قالتلي ان مامة حنين كانت بتحب بابا حنين اوى وهى اللى فضلت تجري وراه لحد مااتجوزته لكن بعد مااتجوزوا هو مقدرش يحبها وهى كانت طول الوقت حاسه انه على علاقه بحد غيرها والشك والغيرة ملوا حياتها وكترت بينهم المشاكل لحد ماكرهته وقرروا هما الاتنين ينفصلوا وكمان عشان تعند معاه اتجوزت وهو كمان اتجوز وحنين كانت هى الضحيه الوحيده ونصحتني اني اتمسك بسيف وماسيبهوش مهما حصل
وانا بصراحه اقتنعت جدا بكلامها خصوصا انى بثق جدا فيها
عليا_الدنيا ياما فيها ياعهد وربنا يكتبلك الخير يارب
يدخل عليهم يزيد_ايه ياعليا هو انتوا كل ده لسه قاعدين والناس على وصول ياللا بقى قوموا البسوا
عهد_حاضر ياابيه
فيمسكها يزيد من كتفيها ويقبلها من جبينها_الف مبروك ياحبيبتى
عهد _ربنا يبارك فيك يارب عقبال عشق
يزيد _فرحتي بيكي النهارده مش اقل من فرحتي بعشق انتي بنتنا كلنا ياحبيبتى وربنا يكمل فرحتنا على خير يارب
عهد _انا بحبكم اوى انا بحسد نفسي عليكم وعلى حبكم