رواية شمس تتحدى الغيوم الفصل الثانى والثل بقلم عبير سليم

قصدي ليه يعني وبعدين ده انتي اتاخرتي أوى بقى على كده
مياده اه انا قعدت لحد الساعه ١١ بالليل
عمر ليه يامياده ده كله حرام عليكي صحتك وكمان جيتي النهارده لاء كده كتير طب كنتي ريحي
مياده لا طبعا مينفعش كان لازم اسلمك الشغل وكمان حقعد فى البيت اعمل ايه لوحدي
عمر لوحدك ليه فين اسرتك
مياده موجودين بس احنا فى البيت كل واحد فحاله محدش بيكلم التاني غير نادرا ولية اخ واحد مبيفكرش غير فنفسه وبس ومحدش مهتم بية خرجت امتى ولا رجعت امتى ولا حاسين بوجودى اساسا
عمر معلش يامياده كل واحد عنده همومه
مياده الحمد لله يابشمهندس حضرتك تؤمرني بحاجه تانيه
عمر لا اتفضلي
تخرج مياده بينما تدخل عليه المكتب بانفعال شديدكانت بتعمل ايه البت دي عندك دلوقتي
عمر بسم الله
الرحمن الرحيم خضيتيني يابنتي في ايه
ايمان بقولك الزفته دي كانت بتهبب ايه هنا
عمر كانت بتجيبلي الشغل اللى كان عندهم
إيمان وتجيبه هيا ليه ده اختصاص محمد هى مالها
عمر مالك بس ياايمان حطاها فدماغك ليه بس دي غلبانه وربنا
إيمان غل ايه غلبانه بقى مياده غلبانه وده من ايه بقى ان شاء الله اوعى تكون اشتغلتك بكلمتين وانت صدقتها واللا حاجه
عمر انتي شايفاني اهبل يعني حتشتغلني
إيمان ماشي يامياده الكلب وانت ياعمر ارجوك احذر منها
تخرج فتجدها امامهاازيك ياايمان عامله ايه ياحبيبتى مبشوفكيش يعني
ايمان موجوده ياحبيبتى وحفضل موجوده دايما
مياده طيب
ايمان انتي متقربيش من مكتب عمر تاني انتي فاهمه واللا تحبي افهمك بطريقتي
مياده وانتي بقى عينتي نفسك وصيه عليه واللا ايه واللا يكونش عينك منه ويكون احلو فعينك وعاوزة تخطفيه من صاحبتك
ايمان ماهي الواطيه اللى زيك لازم تقول كده وان شاء الله طردك من الشركه دي حيكون على أيدي
مياده هههههههههه بكرة نشوف مين اللى حيطرد من الشركه يا يامونتي
ايمان اضحكي براحتك الشاطر هو اللى بيضحك فى الاخر
مياده ايوة برافو عليكي اديكي قلتيها اهوه وبكرة نشوف مين اللى حيضحك فى الاخر باايمان هانم
تتركها وتمشي بينما تظل ايمان ټلعن وتسب فيهاماشي يامياده الكلب اما وريتك مابقاش انا ايمان
يؤذن المؤذن لصلاة المغرب حيث كان يتوجه الجميع لبيت راشد خال هاجر
علاء الله اكبر الله اكبربقولك ايه ياعصام تعالى نصلي الاول وانتى ياسلمى ادخلى صلي انتي كمان ونتقابل هنا بعد الصلاه
عصام ياللا بينا ياعلاء انا محتاج ادعي لربنا باللى جوايا
بعد القليل من الوقت يجلسون جميعهم فى بيت راشد ينتظرون دخوله عليهم
يسلم عليهم ويتعجب من وجودهم معاايه اللى لم الشامي عالمغربي
علاء البركه فهاجر هى اللى ليها الفضل فانها جمعتنا
راشد كلامك فيه الغاز ياعلاء ياريت توضح اكتر
علاء دلوقتى حتفهم كل حاجه ياحاج بس ياريت تجيب هاجر عشان تحضر كل كلمه حتتقال دلوقتى وبعدها اللى حضرتك حتحكم بيه حيبقى سيف على رقابنا
راشد ماشي يابني
ينادي على زوجته لتحضر هاجر فتفرح هاجر كثيرا بان خالها يريد رؤيتها ظنا منها بان علاء قد جاء لخطبتها وتنفيذ وعده لها تدخل ولكنها تتفاجا بوجود عصام هو الاخر وسلمى كذلك
يامرها خالها بالجلوس وعدم النطق بحرف الا عندما يأذن لها
راشد اتكلم ياعلاء قول اللى عندك يبدا علاء بالحديث عما حدث بينه وبينها اثناء فترة زواجهما ووصولا الى مۏت طفلتهما الذي لايعلم خالها شيئا عن سببه الحقيقي وۏفاتها وطلاقها منه ومجيئها اليه وحديثها معه
ثم يستكمل عصام حواره بماحدث بعد ذلك منذ بداية مطاردتها له وحتى هذه اللحظة
ولم تسكت سلمى هي الاخرى بل تحدثت بكل ماحدث بينها وبين هاجر
كان راشد متماسك اعصابه لاقسى درجه ثم وجه لها الحديث إيه رأيك فى الكلام اللى اتقال ده ياهاجر
هاجر كدب كل ده كدب وافترا ومحصلش
راشد ايه رايكم في ردها وقبل ماتردوا عاوز اعرف انتوا ايه اللى وفقكم انكم تيجوا مع بعض
علاءيوم ماجت هاجر الورشه شافها عصام ورجعلي وحكيتله كل حاجه وكل اللى حصل بعد كده كان على علم بيننا
وعشان حضرتك تصدق كل كلمه ومتفتكرش اننا بنفتري عليها
حتسمع دلوقتى تسجيلات بصوتها وهي بتتكلم مع كل واحد فينا واللى حتكم بيه بعد ماتسمع حننفذه من غير ماننطق حرف حتى لو كان فيه ظلم لينا ولو اني متاكد انك عمرك ماكنت ظالم ابدا
تبدأ سلمى فى تشغيل التسجيلات كان راشد فى صډمه ممايسمع فهو اشد مما حكي له
بينما هاجر كانت صډمتها اشد بكثير لم يصدق عقلها مايحدث اكانوا متفقين عليها اكانت غبيه لهذه الدرجه لتقع تحت ايديهم بهذه السهوله
لم تفق من صډمتها سوى على عدة صڤعات على وجهها من خالها جعلت الډماء تملاء وجهها لم يدافع احد عنها بل تركوه يفعل بها ما يريد
لم تعد قادرة على النطق بكلمه فبم سترد وكيف لها ان تدافع عن نفسها بعد كل ماسمعته من فمها باذنها
راشد وهو يطيح بها ضړبا انتي لا يمكن تكوني بنت اختى اللى من لحمنا ودمنا انتي نبت شيطاني لازم يتحرق ويتقلع من الأرض عشان مينبتش تاني
ايه الجبروت ده كله ده الشيطان برئ منك ده إبليس نفسه ميعرفش يعمل اللى عملتيه ده انتي ازاي جالك قلب تعملي اللى عملتيه ده كله
انتى لا يمكن تكوني بنى ادمه ابدا انتى اللي زيك المفروض بتشنق فى ميدان عام عشان يكون عبرة للناس كلها اللى زيك حرام عليه يعيش زي بقية الخلق
يعني ربنا سترك اول مرة وجوزك مفضحش عمايلك السوده وراعى صلة الرحم سړقتي تعبه وشقاه واتسببتى فمۏت بنتك ومع ذلك متكلمش
ورحتي لفيتى عالراجل التاني واتجوزتيه وبردو مراعيتيش ربنا فيه
ليه انا عاوز افهم ليه ده كله طب كنتي داري على نفسك وعيشي ليه ذنيتي على خړاب عشك ليه
رايحه تتفقي مع طليقك على جوزك ابو بنتك يافاجرة انا ممكن دلوقتى اۏلع فيكي واشوف الڼار وهي بتاكل فجسمك وارتاح من عمايلك السوده واريح الناس كلها من شرك واډفنك بايديه وملكيش عندي دية بس لاء مش حعمل كده عارفه ليه لان المۏت حيكون راحه ليكي وانا مش حريحك ياهاجر انا حنتقكم منك على كل اللى عملتيه حسبي الله ونعم الوكيل فىكى ياشيخه
اطمنوا كلكم حقكم اللي فايدي واقدر عليه حرجعهولكم لكن اللى عنده هو اللي حيرجعه فلوسك ياعلاء وتمن غربتك حيرجعولك على داير المليم واكتر كمان
اما حق بتك عند اللي خلقهاوانت ياعصام فلوسك ودهبك فشقتك انت مخرجهتاش غير باللي عليها واحنا مش عاوزين اكتر من كده
وبنتك فحضنك خللي بالك منها واحمد ربك انها بخير
وهى اللى تستاهل ضيعت حقها بايديها اما انا بقى فكفيل انى اجيبلكم حق خيانتها ليكن انتم الاتنين حق طمعها وجشعها وانانيتها حق بتك الصغيرة اللى رمتها واتنازلت عنها بكل سهوله
انتي اللى زيك حرام يبقى ام اللى زيك لازم يتحرم من انه يبقى ام فيوم من الايام
غبيه وكانت فاكره بغباءها انها حتقدر ترجع علاء ليها ماهي لو عندها عقل كانت فهمت لوحدها ان اكيد دي تمثيليه عليها لكن ربنا اراد انه يعمي عينها عن انها تشوف الحقيقه اللى كانت واضحه وضوح الشمس عشان يبطل كيدها
ويتحقق فيها قول ربنا
ويمكرون ويمكر الله والله خير الماكرين
خلص الكلام لحد هنا اتفضلوا روحوا لحال سبيلكم بكرة الصبح
كل واحد فيكم حيكون واخد حقه اللى عندي
وحيكون عندكم علم باللى حيحصللها عشان ماتفتكروش اني حطنش واللا بقول كلام فى الهوا وخلاص
علاءلا يا حاج راشد انا جايلك وانا متاكد ان محدش حيرجعلنا حقنا بعد ربنا سبحانه وتعالى غيرك
راشد وانا حقدر ان شاء الله ارجعه
كانت هاجر فى حاله لايرثى لها وهي غير مدركه ماذا سيفعل بها خالها وماالعقاب الذي يتحدث عنه
يخرجون وهم يفكرون فيما يمكن ان يفعله خالها بها بينما ينادي راشد باعلى صوته صوت تهتز له جدران البيت على زوجته تعالي هنا
ام حسام حاضر ياابوحسام خير
راشد وهو يمسك شعرها بيديه يكاد ان يقتلع من جذوره عقابك حيبدا من دلوقتى والظاهر اني حطلع فيكي غلب السنين يابت اختي
فى منتصف الليل وقد عادوا من منزل عصام وهم مرهقون
علاء انا حدخل اخد دش حاسس انى تعبان اوى 
سلمى ماشي يا علاء
تسمع صوت رساله اتت الى هاتفه من راشد
تفتح الرساله فتجدها صورة تنتظر تحميل الصورة فتصعق مما رات عيناها
ياترى ايه اللى رجعهم من عند عصام فى نص الليل وياترى ياسلمى شفتي ايه فجعك كده
انت ناوي على ايه يا راشد وعملت تعمل ايه فيها بالظبط
بس تصدقي مش عارفه اتعاطف معاكي خالص ومهما عمل فيكي مش حقدر احوشه عنك ان شالله حتى يقطع من لحمك مانتي بصراحه بجحه اوى وتستاهلي كل خير