رواية للعشق كلمته الأخيرة (الجزء الثاني من رواية شمس تتحدى الغيوم)الفصل الثالث عشر بقلم عبير سليم
ايه المفاجاة الحلوة دي
مانا قلت مش معقوله مجيش اقولكم حمد الله على السلامة
أشرقت الله يسلمك ياقلبي شرم نورت والله
حبيبتي منورة بيكم ازيك ياسموحتي
سماح وحشاني والله يابيرو مش كنتي تقولي انك جايه كنا جينا سوا بدل مانا طول الطريق بكلم نفسي وربنا واعدني بسواق اخرس
انا مكنتش عامله حسابي اني جايه والله بس بصراحه لما لقيتكم حتاكلوا رنجه مقدرتش قلت لازم اجي اكل معاكم
أشرقت ايوة بقى خللي القعده تحلو ياللا بينا
حسن ايه اللي بيحصل ده رنجه عالشط السياح حيطفشوا حرام عليكم
طب سلم قول اي حاجه
حسن عبير انتي جيتي امتى
وبعدين انا اصلا زعلان منك
ياخي اتنيل هو انت ليك عين تزعل مش انت اللي اتسرعت وسيبتها
حسن مش عارف عملت كده ازاي
خلاص بقى متقرفناش
الله ايه الرنجه العسل دي هاتي حتة بصل ياسماح
سماح خدي يابيرو بالف هنا وشفا
اشرقت عاوزه اشوف ياسين قبل ماارجع
أشرقت حسن روح هات ياسين من ماسه
حسن لا وربنا انتوا التلاته حتشللوني ياناس كده مينفعش في سياح
على اساس اننا حاطين مخډرات
امشي يابني طريقك اخضر بقولك ايه ظبط امورك معايا عشان اظبطلك الدنيا بدل وربي لخللي الكل يفرح وانت تفضل قاعد كده تبكي على ليلاه
حسن لا وعلى ايه الطيب احسن
ناس تخاف متختشيش
سموحتي جوزك عامل ايه
سماح ياختي افتكريلنا حاجه عدله قطيعه
قطيعه تقطعهم كلهم ياحبيبتي
ملكيش دعوة بينا انتي ياشوشو احنا اصلنا خيبتنا واحده
انما انتي بقى وعمار عصافير كناريا
أشرقت عمار ده اخلى حاجه حصلتلي فحياتي
سماح ناوليني شوية بيبسي ابلع يااختي بلاهم
كلي ياشوشو ياحبيبتي
أشرقت هههههه مانا باكل اهوهبصي استني لما ييجي عمار وتسلمي عليه
لا يا شوشو مش حينفع انا يادوب ارجع بسرعه اروح لقدري
اللي مستنيني شكرا ياحبايبي عالاكله الحلوة دي سلمولي على ماسه القمر وقولولها عبير بتسلم عليكي
ياللا سلام
حسن استني انا جبتلك ياسين
ياخلاثي عالعسل ياناس ايه الولاداللي بالالوان الطبيعيه دي
مش كنت جبتلك ادهم يشوفك ويلعب معاك
الف سلامه عليك ياحبيبي ربنا بحميك يارب
خللي بالك من الولد ياشوشو ياللا سلام
انبسطت اوي سماح بالقعده فشرم وقعدتها ساعدت حسن انه يخرج من ازمته شويه
وكمان عمار ماسابهوش لحظه وبدا ينشغل فى الشغل ويحاول يبعد تفكيره عن اي حاجه تفكره بايمان
وكانت ماسه بتتعامل معاه بشكل كويس وبتحاول متجيبش سيرة اي حاجه تضايقه
اما اشرقت برغم فرق التفكير بينها وبين سماح بس حبتها جدا وحبت بساطتها وتلقائيتها فى الكلام
وكانوا تقريبا بيقضوا معظم اليوم سوا وطبعا القعده ماخلتش من الكلام على بسمه وجوزها
اللي كان بتخللي اشرقت ټموت من الضحك
أشرقت ههههههههههه طب وهي ليه استعجلت مش كانت استنت لما ابنها يكبر شويه
سماح متخلفه تقولي ايه قلتلها يابناي ابنك لسه صغير تقوللي اصل أحمد بيحبني اوي ياماما وعاوز يجيب ولاد كتير
اقولها مانتي لو جبتي ولاد ورا بعض حتتعبي ومش حتقدري تهتمي لنفسك وممكن هو يلعب بديله
تقوللي اطمني ياماما احمد مالوش ديل
أشرقت هههههههههه والله انتوا ملكمش حل انتي شوقتيني اشوفها
سماح متشوفيش وحش ياحبيبتي
بعد مرور عدة أيام
تجلس قرفصاء تضع رأسها على ركبتيها وهي تبكي بشده
تقترب منها احدى النساء ايه يا حلوة مالك بس بټعيطي ليه
انتي عملتي مصېبه ايه رمتك هنا
قټلتي واللا سړقتي واللا تكوني استغفر الله العظيم اداب ياقلبي
مياده وهي ترفع رأسها انا معملتش حاجه انا بريئه والله انا مش فاهمه حاجه
المرأه هههههههههه الكل بيقول كده فى الأول بمرة تتعودي ويجيلك تناحه
مياده لاء انا بريئه معملتش حاجه انا لازم اخرج من هنا
المرأه معاكي فلوس
مياده لا ممعييش
المرأه اللي ممعهوش ميلزموش ياحلوة
يفتح العسكري الزنزانه مياده السيد توفيق
مياده ايوة انا
العسكري تعالي معايا جايلك زيارة
ياترى عملتي
ايه يامياده جابك هنا
بصوا بقى انا كتبتلكم الفصل وانا والله مش مركزه خالص عندي دور برد ونفسي انام بس خفت انام مقدرش اصحى اكتبلكم الحلقه
يارب تكون عجبتكم الحلقه النهارده
انا عارفه انها قصيرة ومفيهاش احداث كتيرة بس بجد والله مش قادرة
حلقة بكرة ان شاء الله حتكون فيها احداث كتيرة حتعجبكم بأمر الله
