رواية موضوع عائلي بيت الهنا الفصل 23-24 بقلم رحاب القاضي

موضوع_عائلي
بيت الهنا 
_ الحلقه ال 23 
ما كنت أحسبهم يرجون لي ألما 
لكن رموني بسهم هد أركاني!
_دخلت يارا عند. زين اللي كان قاعد علي سريره في المستشفي وبيقلب في موبيله ولما شافها قفل الموبيل بسرعه وحطه جنبيه وقال..
زين 
اهلا وسهلا اتفضلي..
دخلت وسابت الباب مفتوح وقالت
اهلا بيك والف سلامه
زين 
الله يسلمك تعالي اقعدي واقفه ليه
يارا بخبث
علي فكره بقي انا ما كنتش جايه بس ماما اللي صممت اني اجي معاها..
زين 
يعني انتي ما كنتيش عايزه تطمني عليا
يارا 
لا مش عايزه اطمن علي حد..
زين 
زعلانه عشان ما كنتش بكلمك صح والله العظيم انا بعمل كده عشانك انتي وعشان لو كان في نصيب وعشت تبقي ليا علي طول..
ردت عليه بتوتر وقالت
عادي ما فرقش معايا اصلا ومش هكلمك تاني..
زين 
يعني تعبان وهدخل عمليه خطړ اووي وانتي تقوليلي كده اخص عليكي..
يارا بحزن 
طيب ما انت حط نفسك مكااني كنت بكلمك وانت ما بتردش عليا خالص ولولا ان ماما قالتلي اللي حصل بينك وبين بابا انا كنت صدقت..
زين 
هو بعيد عن انك عرفتي كل حاجه انتي كنتي هتصدقي ايه
يارا 
انك بتكلم واحده غيري..
ابتسم زين وقال
عبيط انا عشان اعمل كده وهلاقي احلي منك فين اصلا..
ابتسمت بخجل وهو قال
بصي يارا هو انا لازم انفذ كلام ابوكي ومش هتكلم معاكي في اي حاجه خالص لحد ما اخد منه الاذن هو معاه حق انتي غاليه اووي وانا لازم اثبتله اني اقدر احافظ عليكي من نفسي قبل اي حاجه..
ابتسمت بهدوء وقالت 
ماشي خلاص..
زين بهدوء
انا هطلب منه انك تكوني موجوده معايا يوم العمليه انتي وبابا وماما وبس مش عايز اي حد تاني يعني مش عايز يكون في نااس كتير كفايه يبقي موجودين اكتر تلاته بحبهم في الدنيا..
وشها قلب احمر وقالت بتوتر 
ان شاء الله تقوم بالسلامه..
_دخلت في الوقت ده فيروز ومعاها شهد اللي قالت لزين بابتسامه بسيطه وهدوء..
شهد 
الف سلامه عليك يا زين وربنا يقومك بالسلامه
زين 
الله يسلمك. يا طنط وشكرا. جدا انك. جيتي بنفسك. تطمني عليا وجيبتي يارا..
شهد 
ده. الواجب يا حبيبي وكمان يونس تحت مع باباك وهيطلع يطمن عليك دلوقتي هي العمليه امتي يا فيروز
فيروز
بعد اربع ايام. بالظبط. من النهارده..
شهد 
ربنا يقومه بالسلامه..
بقلم_الكاتبه_رحاب_القاضي 
_وفي الصعيد في بيت القاضي طلع عبدالله اوضته واول ما دخل اتفاجئ بروان قاعده ومعاها عليااء اللي قالتله بسرعه..
علياء
ورحمة ابوك لتقعد وتتكلم معاها كده بالهداوه اهي جات لحد. عندك...
بصلها عبدالله پغضب وطلع موبيله وقال بجمود
هكلم السواق يوصلها لحد ابوها انا ما قولتلهاش تيجي وما بقيتش عايزها خلاص.
روان بدموع
وانا مش همشي يا عبدالله غير لما تسمعني..
علياء
استهدي بالله يا ابني مش من اول مطب كده عايز تنهي كل حاجه..
روان بحزن 
قوليلو فالح بس يقول انه بيحبني بيحبني وهو مش راضي يصدقني ولا عنده ثقه فيا اصلا..
عبدالله بجمود. 
تصبحي علي خير يا امي اتفضلي نامي..
بصتلها روان پخوف وهي قالت 
طيب نتكلم الاول..
عبدالله بنبره غاضبه 
تصبحي علي خير يا امي هي مش عايزه تتكلم تمام انا هتكلم معاها بس بمعرفتي..
علياء بتوتر
وماله يا ابني زي ما تحب تصبحو علي خير..
طلعت علياء وروان قالتلها پخوف
استني يا عمتو بس رايحه فين..
_كانت لسه هتروح وراها بس عبدالله مسك ايدها جامد وسحبها ناحيته وقال پحده..
عبدالله 
علي فين يا روان مش جايه تقلبي عليا الترابيزه خلينا بقي نخلص الحوار ده كله بيني وبينك من غير لا ادخل اهلك ولا اهلي..
روان پخوف 
انت هتعمل ايه
عبدالله بخبث
هنتكلم..
روان بقلق
واحنا واقفين كده..
ذقها پعنف علي الكنبه وقعد قدامها وقال
سامعك قولي اللي عايزااه بس الاول ردي علي سؤالي انتي ايه سبب رفضك اني اقرب منك من لما اتجوزنا..
روان بتوتر
كك كنت بتدلع عليك شويه..
عبدالله پحده
رواااان من غير لف ودوران تردي عليا يا تاخدي بعضك وتمشي..
روان بجديه
والله العظيم دي الحقيقه مؤخرا يعني الاول كنت قافله منك لما ضړبتني وكنت بقول يومين هقضيهم معاك وهتطلق لاني كنت زعلانه منك اووي بعد كده يعني كنت. مكسوفه علي متوتره شويه فكنت بتهرب منك والله ما في حاجه تانيه..
عبدالله 
وحوار انك كنتي مصاحبه واحد وبتروحيله بيته ده ايه وقبل كده لما شوفنااه واحنا مخطوبين وسألتك ليه كدبتي عليا ما قولتليش الحقيقه ليه
روان بحزن 
كنت خاېفه من بابا وقتها وكل الحكايه اني اتعرفت عليه من ناحية ناس صاحبنا كنت منبهره بقي انه غني وكده واتعرفنا واتفقنا والله انه هيجي يتقدملي..
عبدالله پغضب 
روحتيله بيته ليه
روان پخوف
كان عايز يعرفني علي مامته او ضحك عليا وقالي كده وانا صدقته وروحت هناااك وحاول يقرب مني ڠصب عني والله وقتها بابا جه واخدني ومشينا..
عبدالله بسخريه
وعشان يعاقبك علي الغلط اللي بتعمليه خلاكي توافقي بيا وانتي بتكرهيني ومش عايزاني..
روان 
لا والله انا مش بكرهك ولا عمري كرهتك كل رفضي ليك كان عشان مش عايزه اعيش هنا في البلد وقتها كنت عايزه اقعد في القاهره واتجوز حد مرتاح هناك..
قامت وقعدت جنبيه ومسكت ايده وقالت 
بس دلوقتي خلاص والله انا مش عايزه اقعد غير معاك انت وفي اي مكان المهم ابقي معاك وهتعملم اعملك الاكل اللي انت بتحبه ومش هتنك علي حد هنا تاني وهغير لبسي والبس اللي انت تقولي عليه بس عديها وسامحني..
عبدالله بجمود
ليه هتعملي كل ده عشااني معقوله حبتيني يعني ولا خاېفه تخسري فرصه مش هتلاقيها تاني..
روان بحزن 
لا هلاقيها عادي بس انا مش عايزه اسيبك ومش عايزااك تطلقني عشان حبيت حياتي معاك يعني..
عبدالله بخبث
اما نشووف هتحبيها في اللي جاي ولا لا
روان بقلق
يعني ايه
عبدالله 
يعني هشووف هتتحملي طريقتي معاكي بعد كده ولا لا هتبقي زوجه مناسبه ليا ولا لا..
روان 
يعني ايه برضو مش فاهمه
عبدالله 
هتشوفي ودلوقتي مش عايز اي كلام تاني عشان جاي فاصل من الشغل وعايز انااام..
روان 
طيب سامحتني خلاص ولا ايه
عبدالله 
اثبتيلي انك اتغيرتي يا روان وقتها هسامحك انما انا مش قادر اشوفك دلوقتي غير واحده لو كنت عرفت اخلاقها قبل ما اتجوزها عمري ما كنت هبصلها مش اتجوزها..
روان بدموع 
طيب وانا اثبتلك العكس ازاي
عبدالله
بعدين قولتلك عايز انااام...
_ورااح غير هدومه ووقف قدامها وهي قااعده علي الكنبه وقال بجمود..
عبدالله 
روحي نامي يا روان انا هناام علي الكنبه هنا..
روان بحزن 
حاضر اللي يريحك..
_وقامت من علي الكنبه وهو نام علي طول وهي بعتت رساله لحسن وكتبتله فيها..
روان
يعتبر الامور اتحلت يا بابا اطمن
بقلم_الكاتبه_رحاب_القاضي 
فتح طارق الباب وكان واقف قدامه ست كبيره شويه في السن ومعاها راجل في نفس سنها وبيبصوله بعصبيه وڠضب..
طارق بقلق
في ايه
كوثر
انت الاستاذ حسن
طارق 
لا انا ابنه انتو مين وعايزينه في ايه
مجدي 
شايفه يا كوثر بنت اختك قاعده مع راجل غريب وابنه الشحط ده..
طارق پحده 
جرا ايه يا جدع انت ما تحترم نفسك شحط في عينك اتكلم كويس..
مجدي
انا اتكلم زي ما انا عايز ودلوقتي حالا تندهلنا هنا بنت سيد..
طارق 
وانتو مين اصلا وتقربو لهنا ايه
كوثر
انا خالتها يا دلعادي ومش هنمشي من هنا غير لما ناخدها معانا..
طارق بجمود
تاخدوها معاكم اممم طيب وسعو كده بس انهدلكم بابا يتصرف معاكم..
مجدي 
ايوه يا اخويا انده بابا طول الباب وبيقول بابا زي العيال..
طارق بغيظ 
اللهم. طولك ياروح احترم شيبتك يا حج عشان افضل محترمك انا كمان..
_وخبط طارق علي باب شقتهم وبص تاني لمجدي وافتكر كلام هنا علي جوز خالتها اللي كان بيحاول يتح _ رش بيها واتحولت ملامحه للڠضب والعصبيه.. وبعد شويه كانت ليلي بټعيط وبتقول لحسن قبل ما يطلع من اوضتهم ويقابل خالة هنا وجوز خالتها..
ليلي 
انت هتعمل ايه يا حسن
حسن
مش عارف يا ليلي هطلع اشوفهم الاول هما عايزين ايه..
ليلي
ما هي باينه زي عين الشمس عايزين ياخدو بنتنا مننا بقولك ايه انت اللي خليتها تقعد. معانا وانا اتعلقت بيها زي باقي ولادنا واقسم بالله لو خليتها تروح معاهم انا عمري ما هسامحك..
حسن 
لو كنت عايزهم ياخدوها يا ليلي كنت من الاول خليتهم يجو ياخدوها ومش لوحدك اللي اتعلقتي بيها يعلم ربنا انها من اول ما قعدت معانا هنا وهي بقيت في غلاوة ولادي برضو..
خبطت في الوقت ده رضوي علي الباب وقالت
بابا ممكن اتكلم معاك..
حسن
ادخلي يا رضوي..
دخلت رضوي وقالت بحزن 
بابا انا كنت عايزه افكرك. ان عم سيد الله يرحمه قبل ما يدخل العمليات قالي اقولك ان لو حصتله حاجه هنا تفضل معاك وما تخليهاش تروح عند. خالتها عشان ما بتحبهاااش وانت عارف برضو السبب فلو سمحت خلي الناااس دي تمشي ويسيبوها معانا..
حسن 
هو انتو ليه محسسيني اني رايح اقولهم خدوها وامشو ما حدش هياخد هنا من هنا ڠصب عنها ده كان طارق ۏلع فينا..
ضحكو هما الاتنين بهدوء وحسن قال
هي هنا فين يا رضوي
رضوي 
اول ما عرفت انهم بره وهي وشها اتخطف كده وقالت انها مش عايزه تقابل حد..
حسن 
طيب خليكي مع امك هنا ما تخليهاش تطلع بره وانا هطلع اشوفهم دول عايزين ايه
_وطلع حسن بره وكانت قاعده. كوثر خالة هنا ومجدي جوزها مع طاااارق اللي قاعد. معاهم ومتعصب جدا..
حسن بهدوء
يا اهلا وسهلا نورتونا..
كوثر پحده 
لا اهلا ولا سهلا انت الي اسمك حسن
_كان لسه طارق هيرد عليها بس حسن شاورله يسكت ورد عليهم وقال بهدوء..
حسن 
ايوه يا حجه انا حسن خير ان شاء الله
مجدي
وهيجي منين الخير بقي الراجل ېموت ولا حد. يبلغنا وكمان تاخد البنت عندك والله واعلم عملت فيها ايه
حسن قعد قدامهم وقال
عملت فيها كل خير وهنا هي اللي طلبت انكم ما تعرفوش اللي حصل ولو كنتو بتسألو عليهم اصلا كنتو عرفتو ان عم. سيد ماټ من غير ما حد يبلغم بعد الفتره دي كلها..
مجدي 
اهو ولاد الحلال بلغونا باللي حصل ممكن بقي تندهلنا بنتنا عشان ناخدها ونمشي ويكون في علمك احنا عارفين كويس اوي ان شقة الدور الارضي كانت تمليك للحج سيد..
حسن 
بالظبط وكمان بيته اللي في البلد تمليك برضو ومالوش اخوات يعني اللي هتورثو لوحدها هي هنا وبس فانتو بقي جايين تقولو بنتنا عشان اللي وراها مش حبا فيها..
كوثر
دي حاجه ماتخصكش احنا اهلها وادري بمصلحتها انت مالك انت في الاول والاخر انتو ناااس اغرااب عنها واحنا هناخدها يعني هناخدها
طلعت ليلي في الوقت ده من اوضتها وقالت
تاخدي مين ياخدك. ربنا هو انتي لسه فاكراها ياختي طيب وريني هتاخدوها ازاي..
كوثر پحده 
هناخدها بالاصول والحق يا حبيبتي احنا اهلها انتو تطلعو مين
ليلي بغيظ
احنا اللي اهلها انتو جايين عايزينها عشان البيت والشقه اللي ورثتهم من ابوها انما انا بعتبرها بنتي وولادي كلهم شايفينها اختهم ومتعلقين بيها حاجات انتي والنطع اللي جنبك ما تفهموهااش..
مجدي 
بقولك ايه يا ست انتي احترمي نفسك..
طارق بعصبيه 
لا انت اللي تحترم نفسك وتتكلم هنا بأدب..
كوثر
لا واضحه فعلا اخلاقكم وانا هاخد بنت اختي يعني هاخدها ومش همشي من هنا غير وبنت اختي معايا الا والله اروح فيكم في داهيه..
_طلعت هنا في الوقت ده ودموعها علي وشها وقالت بنبره خائفه....
هنا 
انا مش همشي معاكم انا قاعده هنا عند