رواية موضوع عائلي بيت الهنا الفصل 23-24 بقلم رحاب القاضي

اهلي ومش هسيبهم..
_قالت كلامها وراحت وقفت جني ليلي وحسن ومجدي بصلها پغضب وقال..
مجدي
انتي مش فاهمه حاجه دول بيضحكو عليكي احنا اللي اهلك بجد خالتك دي هي اللي في مقام امك واقربلك منهم كلهم..
هنا بدموع
لا هي مش زي امي خالتي اللي كانت مقعدااني عندها بس عشان المصروف اللي ابويا بيبعته ليا كل شهر انا كنت فاهمه كده كويس انما ماما ليلي دي اللي تستاهل اني اقولها يا ماما عشان انا شوفت منها حنيه زي اللي كنت بشوفها مع امي الله يرحمها وبرضو الاستاذ حسن يمكن انا عشت عمري كله بعيد عن ابويا ولما جيت اقرب منه هو اللي سابني بس ربنا طلع بيحبني عشان عوضني بأحسن اب في الدنيا حنيته وطيبته تكفي العالم وبقي عندي اخوات وعيله عمري ما كنت احلم اني اعيش وسطهم ويحبوني كده فانا مستحيل اسيبهم وارجع معاكي عند جوزك المړيض ده واخليكم تستغلوني عشاان طمعكم..
قرب طارق من مجدي وقال پغضب
لو ما اخدتش مراتك ومشيت انا هخلي هنا تقول علي كل اللي كنت بتعمله فيها وهي عندكم فاكر ولا افكرك..
حسن بجديه 
بصي يا ست انتي بنت اختك عايزه في اي وقت تيجي تشوفيها تنوري بس لوحدك انما بنتي مش هتمشي من هنا ومش هتبعد عن بيتها لحظه واحده..
مجدي بتوتر وخوف
انا بقول خلاص بقي يا حجه كوثر مدام هي اختارت يبقي براحتها..
كوثر بغيظ. 
يا اخويا براحتها بس لما يبقو يضحكو عليكي ويااخدو فلوسك ويرموكي في الشارعما ترجعيش ټعيطي يا هنا.
طارق
ولو رجعتلك وعيطت تفي في وشها ده لو رجعت يعني..
_بصتله كوثر بغيظ واخدت جوزها ومشيو وليلي حضنت هنا وقالت پبكاء.
ليلي
جدعه يا قلب امك واحنا عمرنا ما هنسيبك..
حسن 
بس يا ليلي البت دي قالت كلمتين ما طلعوش من عيالنا اللي بجد
ريناد
المهم دلوقتي ان هنا خلاص هتفضل معانا علي طول..
رضوي 
ايوه فعلا دي احلي حاجه في الموضوع
طارق
طيب انا هستغل الوضع العائلي الحلو اللي احنا فيه ده واقولكم بقي اني عايز اتجوز هنا..
اتوترت هنا ووشها قلب احمر وليلي قالت
يا الف مليون مبروك اهو احنا اهل في بعض ومش محتاجين بقي كلام ورسميات..
حسن بجديه 
طااارق اطلع بره..
سكتو كلهم وبصوله بقلق وطارق قال
في ايه يا بابا انا بقولك عايزه اتجوز المفروض تفرح..
حسن 
وهو الجواز علي الواقف كده مش تقعد ونتكلم وتجيبلي حد كبير اتكلم معاه
طارق 
حد كبير مين ما انت الكبير اجيبك تكلمك يعني ولا ايه
ضحكو كلهم وحسن بصلهم پغضب وقال
اخرسو انتو كمان وانت عايز تتجوزها يبقي تيجي يوم الخميس وانت معاك ولي امرك...
طارق بغيظ
شايفين بيعجزني بيطلب طلبااات مش منطقيه بس ماااشي انا هنفذلك كلامك وهتجوزها يا عمي.. قصدي يا بابا وهتشووف بعد اذنك..
_قال كلامه ومشي وهو متدايق من تصرفااات حسن معاه وقال حسن بجديه..
حسن 
سيبكم من الكلام ده دلوقتي. انتي يا بنتي قرري بقي هتدخلي كلية ايه مستقبلك وتعليمك اهم من اي حاجه..
هنا بهدوء
حاضر يا بابا حسن ان شاء الله خير..
بقلم_الكاتبه_رحاب_القاضي 
_وعدت الايام ورا بعضها لحد ما جه اليوم. اللي زين هيعمل فيه العمليه وفي بيت يونس الصاوي.. كان قاعد يونس هو وشهد مع يارا وياسمين اللي قاعدين بعيد. عنهم بشويه..
شهد
طيب عشان. خاطري يا يونس خليها تروح..
يونس 
قولت لا ولو فضلتي تزني لحد بكره برضو مش هتروح
شهد بغيظ
يعني كدبت عليها وقولتلها العمليه اتأجلت برغم ان الواد نفسه طلب منك انها تبقي جنبه في الوقت ده..
يونس بعصبيه
بلا محڼ عيال ابوه وامه عنده بنتك. تروح ليه وبعدين انا ما كنتش عايزها تعرف اصلا دلوقتي بس ازاي وانتي لسانك فالت قدام العيال ديما
شهد بغيظ
خلاص يا يونس اسكت هتفضل بني ادم تفكيره متخلف..
يونس 
طب لمي نفسك شهد وابقي متخلف احسن ما ابقي بقرون واسيب الدنيا سايبه واقعد واتفرج.
_ما ردتش عليه شهد وجه يوسف قعد. معاهم وقال ليونس بقلق..
يوسف
بابا انت كلمت مروان المنشاوي ولا لا
يونس
لا لسه هو في ايه
يوسف بقلق
مم ما هو انا.. بص هو انا لسه ببدأ فغلطت. غلطه صغيره
يونس 
هببت ايه ياللي هتجلطني قريب عملت ايه انطق
يوسف
هو تقريبا نص المشروع باااظ وما تقولش ليزن ليطب سااكت..
شهد پصدمه
يا نهار اسود باظ ازاي
يونس بعصبيه
شوفت انا راجل طول عمري محاافظ علي صحتي لا ضغط ولا سكر ولا اي حاجه بس ربنا مبتليني بعيل يجيب امړاض الدنيا هيموتني مجلوط بسببه باظ ازاي يا ابن الكلب..
قام يوسف بسرعه قعد. جنب شهد وهو شبه متخبي فيها وقال پخوف..
يوسف
انا حبيت اشغل دماغي واعمل الدور التاني بتصميم مختلف عن الاول قامت المساحات فتحت مني ولما بدأنا بالانشااء التاني وقع علي الاولاني والدنيا ساحت علي بعضها..
يونس حط ايده علي قلبه وقال
ااه هتشل والله.
يوسف
هتتشل في قلبك ازاي يا بابا ما تأفورش انت يونس الصاوي وهتحل الموضوع..
قلع يونس الجزمه وقال
هو انا ساحر يعني احل الموضوع ده ازاي لا ورااجع يقول انا هبدأ بجد وهنجح الواد حسسني انه هيطلع القمر..
يوسف
المهم يا بابا دلوقتي تكلم مروان المنشاوي وتخليه ما يقفش علينا ولا اقولك انتي يا ماما كلمي ايتن مراته هي بتحبني قوليلها يوسف مستقبله هيضيع والنبي يا ماما يزن. ابنك لو شم. خبر هينفخني..
يونس
نكلمه نقوله ايه يعني
يوسف 
هو مش المشروع ده بتاعه واحنا هنسلمه ليه ويبقي اول استثمار بينا يبقي هو يجي يصلح الدنيا بقي ويعدل المشروع..
يونس بغيظ
ما هو لو انت يا حيوان ما كنتش طفشت رضوي كان زمان المشروع خلص..
شهد 
لو سمحت يا يونس ما تجيبش سيرة البنت دي قداامه تاني هو موضوع واتقفل وبعدين فيها ايه لما يغلط ويتعلم من غلطه
يوسف
ايوه فيها ايه
يونس پحده
ما هو دلع الحريم ده هو اللي خربه وبيخرب في بيتنا. انا هبقي اكلم مروان وهو يتصرف بس دي اخر مره هتدخل في شغلك انت واخوك..
يوسف 
بص سيب الشغل ده ليزن هو فاهم فيه وبيحبه وانا هغير مجال دراستي وادرس ميكانيكا واشتغل معاك عشان اورثك..
يونس
تورث مين يالاااا وانا مش طايقك في البيت هجيبك في وشي في الشغل..
شهد 
وانت خاېف ليه يبقي معاك في الشغل
يونس
وهخااف من ايه بس ده صايع وفاشل ومش بتاع شغل
شهد 
لا انا ابني مش كده وهينزل معاك. الشغل من بكره يا يونس وتعلمه..
يونس
هو بالعافيه يعني ايه اللي هيفهمه شغل العربيات ده
شهد بسخريه
وانت ايه يعني اللي كان فهمهالك زي ما اتعلمتها لوحدك. تعلمها لابنك..
يونس بغيظ
مااشي يا شهد..
باااس يوسف راس شهد وقال بخبث
ربنا يخليكي ليا يا ست الكل وما يحرمنيش منك ابدا يااارب..
يونس بغيظ وصوت واطي
جاتك نيله انت وامك في يوم واحد..
بقلم_الكاتبه_رحاب_القاضي 
_وقدام شقة لميااء كان واقف حسن وفتحت هي الباب واول ما شافته بصتله بحزن وقالت..
لمياء
دلوقتي اما افتكرت ان ليك اخت يا حسن
حسن 
طيب هتسبيني واقف علي الباب مش هتقوليلي اتفضل يا اخويا..
اتملت عيونها دموع وقالت
لا ازاي اتفضل ده بيتك اصلا ومش ناسيه انك. انت اللي دفعت قساط الشقه دي زمان..
حسن دخل وقفل الباب وقال
لا ده بيتك واللي دفعته ده كان حقك تعالي اقعدي ومش عشان. جيتلك. يا بت انتي هتسوقي فيها وتركبيني الغلط..
_قعد حسن في الصاله وهي قعدت جنبيه وقالت پبكاء..
لمياء
لا انتو كلكم غلطانين طيب ابني وغلط انا اتحاسب ليه انت واخواتك وعيالكم ولا حد سأل عليا حتي برساله ورمتوني لوحدي حتي الواطي ابني بكلمه يرد مره وعشره لا وما بيفتكرش فيا بس هي دي الحقيقه اصلا انا اللي كنت برمي نفسي عليكم الوحيده اللي كانت تيجي هنا وتسأل عليا هي ريناد وانا اللي خسرتها بمعاملتي ليها انما انتو كلكم قليلين الاصل..
حسن 
طيب ما انا برغم ۏجعي علي قلب بنتي اللي اتكسر جيتلك يا لمياااء وما هانش عليا زعلك برضو وبعدين اخواتك فيهم اللي مكفيهم عز مع ابنه اللي بيعمل عمليه وعلياء ومشكلة التار اللي في دماغ عبدالله ومشاكل كمال اعذريهم وخليكي انتي الاحسن واسألي واللي يكلمك منهم بطريقه وحشه قوليلي وانا انفخهولك هو احنا لينا غيرك يا اخر العنقود انتي يااللي مطلعه عيني من وانتي عيله صغيره..
ابتسمت لمياء ومسكت ايده وباستها وقالت
حقك عليا يا حسن انا غلطت في حق بنتك وابني ده انا خيبت في تربيته وما عرفتش اربيه..
حسن بضحكه هاديه
انتي طول عمرك خايبه يا اختي قومي يلا غيري هدومك عشان نروح لعز المستشفي ونقف جنبيه عبدالله وعلياء جم من الصعيد مخصوص عشان يبقو جنبيه زين ما كانش عايز حد. غير امه وابوه بس اللي يبقو معاه بس احنا عيله حشريه ومن النجمه العيال وليلي وعلياء وعبدالله قاعدين معاه في المستشفي..
لمياء
هو احنا لينا غير بعض يا حسن يعني هقوم اغير هدومي وجيالك علي طول..
_وقامت وكانت لسه هتروح اوضتها بس رجعت وقالت بخبث..
لمياء
قولي يا حسن هي ليلي تعرف انك. جاي تراضيني ولا انت جاي من وراها..
حسن بغيظ
ارحمي دماغك دي وارحمينا يا لمياء اتلهي في نفسك ومالكيش دعوه بحد..
لمياء
طيب بلاش ليلي انت لسه مقعد عندك بنت البواب دي ولا طردتها..
حسن 
هقلع الجزمه واديكي بيها يا لمياء وبعدها هسيبك تاني زي القرد لوحدك وامشي لو ما سكتيش..
لمياء
خلاص سكت ما هو الحق بيزعل برضو..
قالت كلامها ودخلت اوضتها وحسن قال بغيظ
تتهدي يا شيخه يخربيت دماغك السودا دي..
بقلم_الكاتبه_رحاب_القاضي 
_وبعد شويه في المستشفي اللي فيها زين كان عز قااعد قدام اوضة العملياات وعيونه مليااانه دموع وجه في الوقت ده. حسن ومعاه لمياااء اللي قالت بسرعه وقلق..
لمياء
عز قاااعد ليه هنا الواد حصله ايه اتكلم
عز 
ما حصلوش حاجه يا لمياء بس انتي ايه اللي جابك
حسن
جايه تطمن علي زين المهم طمني ايه الاخبار..
اتنهد عز بضيق ورد عليه وقال
بقاله ساعه جوه العملياات ادعيله يا حسن انا ما صدقت لقيته مش هتحمل انه يروح مني..
حسن طبطب عليه وقاله
ان شاء الله هيقوم بألف سلامه اومال باقي العيله فين
عز 
قاعدين جوه في اوضة الانتظار عاملينها مناحه وطارق اخد هنا يوصلها هي وتيا البيت وريناد راحت شغلها..
لمياء
شغل ايه ده وسايبه بنتها فين
عز بغيظ
مش بقولك ايه اللي جابك هو ده وقته يا ام اربعه واربعين انتي..
حسن 
ادخلي يا لمياء جوه وطمنيهم بلاش كلامك اللي زي السم ده..
لمياء 
طيب تعالي دخلني انا خاېفه من مراااتك..
حسن 
مش هتاكلك يا لميااء ادخلي يلا..
_دخلت لمياء اوضة الانتظار وقعد حسن جنب عز وحضنه بهدوء وقال بنبره حنونه..
حسن 
هيبقي كويس يا حبيبي ما تخاافش ربك كبير..
نزلت دموع عز وقال پبكاء
انا اول مره ابقي خاايف اووي كده يا حسن كنت طول عمري بهرب من المسؤليه وعليش بكيفي ودلوقتي ابني بيتعذب جوه وانا قااعد متكتف ومش عارف اعمله حاجه هو مالوش ذنب يدفع تمن غلطي انا ويخسر حياته عشان انا اتعاقب علي الاخطاء اللي عملتها زمان فيه هو يا حسن انا مش عارف اعمل ايه دلوقتي يطمني