رواية المجنونه الفصل 19-20-21
المچنونة
الفصل التاسع عشر
عدنان مصډوم شاور على نفسه _ ليه هو انا وباء نيتي الصافية اتفهمت غلط ولا إيه ..
معاذ قرب بنته ليه بيحاوط كتفها كنوع من الحماية و التحذير مالي نبرته _ بلا صافية بلا متوسخة احتفظ بنيتك لنفسك ولو العشرين نقصو بخطوة هتشوف ..
فضل في نص الطريق واقف مستني الفرصة اللي جت متأخرتش بمجرد ما معاذ سابها ليرد على اتصال جاله يادوب لف وشه هو نط قدامها ..
عدنان بضيق _ مش عارف وجودي جنبك مزعل أبوكي فإيه طيب و انت إيه رأيك في الموضوع إزاي تسيبيه يفرض عليكي رأيه ..
و بدال ما تقله انه رأيها من رأي أبوها ندهت عليه بصوتها العالي عشان تخليه يشوفه عدنان خبى نفسه ورا العربية قبل ما أبوها يبص ناحيتها ..
لين عملت حركة بتبين له انها طالعة تستناه في العربية شاور لها براسه و رجع لف وشه الإتجاه المعاكس ضحكت _ مستخبي ليه خاېف ..
عدنان بعدما كان نازل تحت مستخبي قام و بص بتركيز في عينها _ من عدنان لا بس عليكي اه خفت أوي ..
لين لفت خصلة من شعرها حوالين صباعها على أساس متأثرة باللي قاله _ پتخاف عليا ..
با .. قفل بقها قبل ما يسمعها أبوها كان قريب منها لدرجة وثرتها مصر ميبعدش رغم محاولاتها تفلت من إيده بس الكورة للي ضړبت فظهر المسكين شلت عموده الفقري كان ليها رأي تاني
لين على عجل كتمت بإيدها بقه مانعه صويته المتوجع يطلع همست _ متصوتش هيسمعك انت كويس ..
عدنان بيتنطط زي الضفضع _ ظهري اتكسر الولد اللي رمى الطابه الليلة هيتحشي رز ..
انت اللي هتتحشي رز يا حبيبي يا ابن اخويا ..
عدنان اتكشف لقا نفسه مسحوب من قفاه _ عمي متفهمش غلط الطابه كانت هتضرب فيها لولا اني فديتها بنفسي لين قوليه اني فديتك بروحي ..
لين طلعتله لسانها _ كذاب ..
شالت الكورة من على الارض و راحت تدور في الإتجاه اللي جت منه على صاحبها خاڤت و هي حاسة بعيون بتبص عليها بس هي مقدرتش تشوف صاحبها حتى حاسة بوجود قريب بس بيختفي
لين لفت لورا لثالث مرة بتحس بوجود حد قريب منها أغصان الشجر بتتحرك _ مين ..
سألت أكثر من مرة محدش رد و هي راجعة منتبهتش لوجود عيل قدامها خضها قلبها قريب وقف ..
خالتو الكرة ديه بتعتي ممكن ترجعيهالي ..
عطته الكرة و طبطبت على خده رجعت بسرعة احساس انه في حد مراقبها مختفاش و فضل مرافقها حتى بعد ما رجعو وصلو على البيت ..
معاذ _ نزلو الشناتي ادخلو جوا انا هروح أشيك على الشغل و راجع .. لين لين مالك ..
لين متوثرة بتبص حوالين نفسها مرتاحتش و بتحاول تقتنع انه مفيش حاجة ابتسمت _ مفيش يا بابا حتى بلاش توصيات هدخل ارتاح ..
معاذ مسح على شعرها _ شاطرة ..
زي ما وعدت بمجرد ما دخلت على أوضتها نامت من تعب السفر و صحيت بعد كم ساعة على لمسة إيد بتمسح على راسها كانت بتحسبها مريم بس مكنتش هي ..
اجيت آخدك معايا يا لين يا نور عيني ..
فتحت عيونها على طول مبرقة و بعدت منكمشة على نفسها و مصډومة
