رواية المجنونه الفصل 19-20-21

دفشتها كانت جامدة بدل ما تبعدها وقعتها
بسمة قومتها من ع الارض _ إيه تصرفات المجانين ديه انت طلعتي ملبوسة بجد البنت جاية تعمل الواجب تطمن عليكي كنت هتموتيها .. 
لين بصت فعيون شمس _ لو ينفع ټموت يكون أحسن .. 
عدنان بحدة _ ايه اللي انت بتقوليه ده .. 
لين زغقت _ صعبت عليك يلا خليها تطلع لبرا و الحقها اشبع بيها .. 
مريم قربت منها بتكاول تهديها رغم انها مش فاهمة سبب اللي هي فيه _ لين يا بنتي مينفعش اللي انت بتعمليه ممكن تهدي شوية .. 
لين بتصوت _ محدش ليه دعوة يتصرفاني .. 
فريدة بتريقة _ بصي البنت بنتعلي صوتها زاي متستاهليش قلقها عليكي و هي بتعاملك زي بنتها .. 
لين وعت على نفسها بصت لمريم بعيون مليان أسف مقصدتش تزعلها بس مريم لفت وشها الناحية الثانية حسستها بالعجز بصت في عيون شمس _ خلاص وصلتي للي كنت عايزاه ارتحتي يلا امشي فرحيه .. 
شمس بټعيط _ لين صدقيني مكنش في نيتي أعملك مشاكل صدقيني .. 
لين برجفة _ بكرهك يلا اطلعي برا مش طايقة أشوفك .. 
عدنان زعق _ لين .. 
لين _ خليكي انا اللي همشي .. 
طلعت من الباب سايبة وراها شمس مموتة نفسها من العياط لو فضلت دقيقة معاها في نفس المكان الباقي من عقلها هيطير بس مصرين ميسيبوهاش على راحتها ..
عدنان لاحقها بينده عليها مش راضية ترد شدها من إيدها في نص الجنينة _ رايحة على فين .. 
لين بعصبية _ و انت مالك .. ملكش دعوه بيا .. 
عدنان على صوته _ حاضر اعملي اللي انت عايزاه .. 
مشيت و مبقاش قادر يلمحها بيحاول يقنع نفسه يدخل البيت ميهتمش بيها بس مقدرش شد على شعره بعصبية و لحقها جري في الإتجاه اللي راحت منه مبعدتش كثير لقاها مقرفصة فنص الشارع ..
عدنان واقف جنبها و هي ضامة ركبها بذراعاتها و حاطة وشها وسطهم مش مبين _ لين .. 
لين مرفعتش وشها _ لحقتني ليه ما كنت دخلت الطمنت على الآنسة بتاعتك .. 
عدنان من نبرتها واضح بالنسباله انها معيطة حتى لو خبت تنهد حب يلطف الاجواء _ بتغيري ولا إيه .. 
السكوت كان ردها ..
عدنان حس بجملته بوظت الدنيا بدل ما تصلحها _ واخدة بعضك ورايحه على فين طيب .. 
لين _ معرفش اكتشفت انه مفيش مكان أرحله .. 
عدنان من غير تفكير نطق _ لا في بيتي .. 
لين رفعت وشها فجاة بصتله بمنتهى البراءة وش أحمر رموش مبلوبة _ بيتك .. 
عدنان اتلبك _ متفهميش غلط يعني بيتي هو بيتك لا مش كده قصدي يعني ممكن تجي معايا اوووف الفكرة مش راضية تتصلح معايا .. 
لين ضحك سرح هو فضحكتها ..
عدنان قعد جنبها بيمسح دموعها بمنديل طلعه من جيبه ابتسم بحنية _ بيتي هو بيت لقمان عمك بيته هو بيتك لو طلعتي من هنا ممكن تروحيله طيب يلا قومي اسمعي مني خلينا نرجع ع البيت .. 
لين رجعت دفنت وشها فركبها _ لا .. 
عدنان _ هتفضلي قاعدة كدة لغاية متى .. 
هزت كتفها مصرة متوافقش سمعت خطواته و هو بيمشي بعيد