رواية عهد الغرام الجزء الثالث (أسيرة في مملكة عشقه) الفصل 5 بقلم سيليا البحيرى

رواية عهد الغرام الجزء الثالث أسيرة في مملكة عشقه الفصل الخامس 5 بقلم سيليا البحيرى
أسيرة_في_مملكة_عشقه 
فصل 5
في غرفة العمليات في مستشفى في دمشق. الجو متوتر جدا صوت أجهزة التنفس وأجهزة مراقبة القلب مليان المكان. غزل نايمة على السرير وقلبها وقف. الفريق الطبي بيشتغل بكل طاقتهم عشان ينقذوها والدكتور سامر ماسك المسؤولية.
دكتور سامر بصوت حازم وهو بيبص لفريقه
قلبها وقف! الكل يركز معايا. جهزوا جهاز الصدمات بسرعة!
الممرضة بسرعة
الجهاز جاهز دكتور!
دكتور سامر بياخد الجهاز ويحطه على صدر غزل
اشحن 200... صدمة دلوقتي!
جسم غزل يهتز شوية مع الصدمة لكن الجهاز ما بيظهرش أي استجابة. التوتر بيعلى أكتر
دكتور سامر بصوت أكتر حدة
مفيش استجابة! اشحن 300... تاني!
يحاول مرة كمان لكن مفيش فايدة. ياخد نفس عميق ويتكلم بحزم
مش هسيبها كده! حد يجيبلي إبرة الأدرينالين حالا!
الممرضة بتديه الإبرة يحقنها بسرعة ويبدأ يعمل مساج يدوي بقوة وعزم
دكتور سامر وهو بيضغط على صدرها
فوقي يا غزل... ارجعي لنا. إنت قوية ما تستسلميش دلوقتي. عايز أشوف نبض!
الفريق الطبي واقف في قلق والوقت بيعدي ببطء شديد. فجأة صوت ضعيف لجهاز القلب يظهر أول نبضة بعد التوقف
الممرضة باندهش
دكتور! في نبض! ضعيف لكنه موجود!
دكتور سامر وهو بيتنفس بصعوبة لكن عينه مليانة أمل
الحمد لله! كملوا المراقبة... لازم نثبت حالتها حالا.
الفريق الطبي يبدأ يتحرك بسرعة لتأمين الأجهزة ومتابعة حالتها. دكتور سامر يقف للحظة جنب السرير ويبص لوش غزل وبعدين يهمس
إنت معجزة حقيقية يا بنتي. حاربت لآخر لحظة وأنا واثق إنك هترجعي أقوى.
في فيلا عائلة الشرقاوي في مصر الجميع متجمع في الصالة الرئيسية. الجو متوتر وعيون الجميع مليانة قلق وحيرة. ميار والدة غزل قاعدة جنب زوجها سليم وبتحاول تمسك أعصابها لكنها باينة عليها الاڼهيار. زين عم غزل قاعد قريب من التليفون منتظر المكالمة من الدكتور سامر. فجأة التليفون يرن. الكل بيبص لزين.
زين بصوت متوتر وهو بيرد
ألو دكتور سامر
دكتور سامر من الناحية التانية
أيوة أستاذ زين. أنا سامر. عندي خبر يهمكم.
زين وهو واقف بسرعة صوته مليان قلق
خير يا دكتور بنتنا عاملة إيه
دكتور سامر بهدوء رغم الموقف
كانت حالة غزل حرجة جدا. قلبها وقف واضطرينا نتدخل بسرعة. الحمد لله قدرنا نرجع النبض وهي دلوقتي مستقرة بس محتاجة تفضل تحت الملاحظة.
زين بصوت فيه مزيج من الصدمة والفرحة
إيه! يعني قلبها وقف هي كويسة دلوقتي نجت!
دكتور سامر
أيوة قدرنا ننقذها. كانت معجزة بصراحة. هي قوية جدا.
زين بابتسامة وهو بيلتفت للعائلة
الحمد لله... الحمد لله! غزل بخير! الدكتور سامر بيقول إنها نجت!
ميار والدة غزل بتقوم فجأة وهي پتبكي بصوت عالي
بنتي بخير يعني لسة عايشة!
زين بيهز رأسه
أيوة دكتور سامر بيقول قلبها وقف لكنهم قدروا يرجعوها. الحمد لله يا ميار.
ميار پتنهار من البكاء وسليم بيحاول يواسيها. الأطفال الصغيرين أدهم ومازن وحور بيتجمعوا حوالين جدتهم صفاء اللي پتبكي هي كمان. العائلة كلها بتبدأ تعبر عن فرحتها
سليم بصوت متماسك بصعوبة
قل للدكتور... قل له شكرا. شكرا إنه أنقذ بنتي.
زين على التليفون
دكتور سامر شكرا جدا ليكم ولكل الفريق الطبي. أنقذتم حياتها... ربنا يجازيكم كل خير.
دكتور سامر
مافيش داعي للشكر أستاذ زين. دي مسؤوليتنا. بس حابب أطمنكم إنها محتاجة ترتاح ونتابع حالتها عن قرب. لو فيه أي حاجة جديدة هبلغكم فورا.
زين
طبعا هنفضل على تواصل. شكرا مرة تانية يا دكتور.
زين يقفل التليفون وبيبص للعائلة وهو مبتسم لأول مرة من ساعة ما عرفوا بخبر القصف
زين
الحمد لله يا جماعة. غزل رجعت لنا. ربنا كتب لها عمر جديد.
صفاء الجدة بصوت مليان فرحة ودموع
الحمد لله يا رب. بنتنا قوية... كنت حاسة إنها هترجع