رواية عهد الغرام الجزء الثالث أسيرة في مملكة عشقه الفصل الثاني عشر 12بقلم سيليا البحيرى

رواية عهد الغرام الجزء الثالث أسيرة في مملكة عشقه الفصل الثاني عشر 12بقلم سيليا البحيرى
أسيرة_في_مملكة_عشقه 
فصل 12
زينب پغضب شديد وهي بتقف بسرعة آه! يا لهوي! إنت مچنون ولا إيه! إنت عارف البالطو ده بكام!
غيث مصډوم بينزل بسرعة الصينية وبيحاول يمسح الشوربة بمنديل والله آسف جدا ماكانش قصدي خالص غلطة مني سامحيني
زينب بتبعد إيده باشمئزاز إبعد عني! إنتو بتجوا منين أصلا! إزاي يشغلوا حد زيك هنا! المكان ده بقى أي كلام!
غيث منكس راسه ومحرج بس بيحاول يتمالك نفسه يا فندم والله آسف ممكن أدفع تمن تنظيف البالطو
زينب بتضحك بسخرية تنظيف إيه! إنت عارف البالطو ده تمنه قد إيه ده إنت مش هتجيب حقه لو اشتغلت عشر سنين! مش عايزة اعتذارك هاتلي مديرك حالا! المكان ده واضح إنه مبقاش محترم زي زمان بقى بيشغل أي حد والسلام!
في اللحظة دي مدير المطعم بيجري عليهم وشه متوتر بيحاول يهدي زينب وغيث واقف على جنب بيحاول يمسك نفسه بس جواه غليان من الإهانة اللي خدها.
في اللحظة اللي زينب بتصرخ فيها بييجي مدير المطعم بسرعة وراه مصطفى صديق غيث اللي كان شايف الموقف من بعيد وحاسس إن الدنيا هتقلب. المدير شكله متوتر عارف إن زينب زبونة مهمة وممكن تعمل مشكلة كبيرة.
المدير بصوت مرتبك وهو بيحاول يبتسم مساء الخير يا فندم أنا آسف جدا على اللي حصل أكيد غيث ماكانش يقصد وإحنا مستعدين نعوض حضرتك بأي طريقة.
زينب پغضب وهي لسه ماسكة طرف البالطو المبقع تعوضني! هو ده اللي عندك الولد الغبي ده بوظلي لبسي وإنت بتقول تعويض! أنا مش هسكت على قلة الأدب دي!
غيث بحزم وهو بيحاول يمسك أعصابه أنا قلت لحضرتك إني آسف وكان غلطة غير مقصودة.
زينب باحتقار ومين قال إني مستنية أسفك أصلا أنا عايزة أشوف العقاپ اللي هتاخده النوع ده ماينفعش يفضل في أماكن زي دي!
مصطفى اللي كان ساكت طول الوقت أخيرا بيتكلم وهو بيبص لزينب بضيق مع احترامي لحضرتك بس غيث مش خدام عند حد هو شغال هنا بشرف وكلنا بني آدمين وممكن نغلط.
زينب بدهشة وسخرية بني آدمين! إنت كمان جاي تدافع عنه! الظاهر إن المكان كله محتاج يتغير!
المدير بلغة دبلوماسية وهو بيحاول يهدي الموقف يا فندم أكيد حضرتك حقك علينا وإحنا ممكن نبعت البالطو للتنظيف على حسابنا وكمان نقدم لحضرتك أي حاجة تعويض.
زينب بعجرفة إنت فاكرني محتاجة تعويضكم التافه أنا هتصل بصاحب المكان بنفسي وأشوف شغلي معاكم!
بتاخد شنطتها تبص لهم نظرة احتقار وتتحرك ناحية الباب وهي بتكلم حد في التليفون بينما المدير بياخد نفس عميق وهو باصص لغيث اللي واقف وشه متوتر ومصطفى جنبه بيحاول يسانده.
مصطفى بهمس لغيث متخليش كلامها يهدك إحنا مش أقل من حد فاهم
غيث بهدوء لكنه جواه بركان فاهم بس في ناس مش عايزة تفهم
في غرفة فخمة داخل فيلا عائلة الشرقاوي حيث الأثاث الراقي والإضاءة الدافئة. تجلس غزل على سريرها الكبير مرتدية بيجاما أنيقة بينما تجلس شغف على الأريكة بجانبها وميار على كرسي هزاز بالقرب من النافذة. الجو مليء بالمرح والضحك خاصة مع حماس غزل الزائد لحفل زفاف شغف وأوس
غزل بحماس وهي تلوح بيدها يا بنتي أنا مش مصدقة إنك راجعة أخيرا بعد كل السنين دي! وأحلى حاجة إنك راجعة عشان نحتفل بفرحك هنا!
شغف تضحك وهي تمسك بيد غزل وأنا كمان مش مصدقة! بس فعلا وحشتوني كلكم حسيت إن السنين عدت بسرعة بس بمجرد ما شوفتكم حسيت كأننا ما