رواية زاي اطفش عروسة بابا الفصل 58
زاي_اطفش_عروسة_بابا
الفصل الثامن و الخمسون
قوليلي الصراحة ليه مش عايزه ترجعي البيت يا غفران و ليه معنديش خبر عن طلعتكم من البيت ..
نبرته مليانة شك مستقصداها فهمت من نظرته بس مكنش ليها الحق تزعل أو تلومه على تشكيكه و مفيش مبرر أو حجة مقنعة اجت ع بالها ..
غفران مستحملتش يحصل مشاكل بين أبوها و امها و بصعوبة قدرت تجمعهم تحت سقف واحد شدت على حضنه
تيته سمية اجت على بيتنا زعقت لماما و طلعتها برا البيت لما مسبتهاش تطردها زقتني قالتلي روحي معاها قفلت الباب فوشنا تيته وحشه ..
جمانة اندفعت ..
غفران ..
غفران شدت على حضنه جامد بټعيط ..
ماما قالتلي مقلكش عشان متزعلش من تيته بسببنا بس احنا معملناش حاجه غلط تزعلها ماما هتخاصمني عشان قلتلك بس لو مكنتش قلتلك كنت انت هتزعلها بكلامك ..
عمر خد نفس بيحاول يهدى و بص لجمانة اللي نزلت راسها و تحكم فنبرة صوته خلاها مليانه حنية ..
اهدي يا بابا خلاص يا غفران ماما مش زعلانة منك مش كده يا جمانة ..
أكدت على كلامه انها مش زعلانة شالتها فحضنها بتلعب فشعرها و هي قاعدة فالكنبه اللي فمكتبه ..
نامت ..
اه نامت ..
عينه ع الورق اللي فإيده مبيبصش عليها بيسأل بمنتهى الهدوء عن حقيقة اللي حصل ..
اللي قالته غفران صح كنت ناوية تخبي عليا لحد امتى ..
مكنتش عايزه اعملك مشاكل مع الست سمية ..
بص فعيونها نطق بحزم ..
اي حاجة تخص غفران حتى لو بتأثر عليها بنسبة واحد بالمية لازم يكون عندي علم بيها بنتي فكفة و العالم كله فكفة ثانية و ثاني مره لو سمحتي متعلميش بنتي تخبي عني أي حاجة طفلة مش محتاجه ضغط و توتر ..
أنا آسفة ..
مش بلومك بقدر انك بتحاولي تكوني ام كويسة ليها هحاول أساعدك عشان اسعدها ..
جمانة هزت راسها و مردتش بس كانت من جوا مبسوطه ..
صحيت غفران على صوت ابوها بينده عليها بس هي لسا نعسانة صحيت فنص الليل مرجعتش نامت غير بعد فترة طويلة رجعت صحيت بدري ..
غفران بابا يلا اصحي بصي احنا اجينا على المطعم نتغدى يلا يا غفران ..
حشرت مش راضية تصحى بصعوبة قدر يخليها تفوق شوية بيأكلها هي مغمضة عينيها شكلها بيضحك مغرومين بتفاصيل بنتهم و بيستمتعو زي اي عيلة حقيقية ..
جمانة خدتها بعدما مبقتش راضية تاكل تغسلها وشها عشان تفوق راجعة لسا نعسانة و بتفرك في عينيها ..
عمر بعد ايدها عن عينها بيضحك ..
يا بنتي مبتشبعيش نوم فوقي هجبلك ايسكريم قوليلي عايزه بطعم ايه ..
غفران اتنشطت فثانية ..
ايسكريم ..
جمانة ضحكت ..
ما دام انت عارف نقطة ضعفها مستغلتهاش من البداية ليه روح ماما بتحب الايسكريم خلاص ندور ع طريقة نعمله فالبيت بالفواكي يكون صحي ..
غفران متحمسة ..
بجد يا ماما هنعمله فالبيت ..
اه هنعمله بس مش هناكل منه كل يوم يلا قولي لبابا عايزه الايسكريم بتاعك بطعم ايه عشان نروح بسرعة أخرناه على شغله يلا اختاري ..
